Ӧксыяслӧн 1 небӧг 20:41 - Коми Библия 2023

⁴¹ Зонка муніс. Сэки Давид петіс лунвывладорсяньыс да куимысь муӧдзыс копыртчыліс Ионафанлы. Найӧ окалісны ӧта-мӧднысӧ да кыкнанныс бӧрдісны, но Давид бӧрдіс ёнджыка.

Ӧксыяслӧн 1 небӧг 20:41 ပူးပေါင်းရင်းမြစ်များ

Олӧм 29:11

Яков окыштіс Ракельӧс да бӧрддзис.

Олӧм 29:13

Лаван мыйӧн кыліс чойыслӧн Яков пи йывсьыс, котӧртіс сы дінӧ, кутліс-окаліс сійӧс, сэсся вайӧдіс гортас. Яков висьталіс сылы ставсӧ.

Олӧм 33:4

Исав котӧртіс сылы воча, кутліс сійӧс, топӧдіс морӧс бердас да окаліс. Найӧ кыкнанныс бӧрдісны.

Олӧм 42:6

Египет муӧн сэки веськӧдліс Ӧсип, и няньнас сійӧ вузасис ачыс. Ӧсиплӧн вокъясыс локтісны да муӧдзыс копыртчисны сылы.

Олӧм 43:28

Найӧ вочавидзисны: «Тэнад кесйӧгыд, миян батьным, ловъя и дзоньвидза». [Ӧсип шуис: «Енмӧн бурсиӧма сійӧ».] Найӧ пидзӧсчанясисны да копыртчылісны сылы.

Олӧм 45:15

Сэсся бӧрдігтырйи Ӧсип окаліс мукӧд вокъяссӧ, та бӧрын найӧ пондісны сёрнитны.

Ӧксыяслӧн 2 небӧг 1:2

Коймӧд луннас Сауллӧн тышкайӧз пӧвстысь локтіс ӧти морт. Паськӧмсӧ сійӧ вӧлі косялӧма, юрсӧ коялӧма муӧн. Сійӧ матыстчис Давид дінӧ да муӧдзыс уськӧдчис сы водзӧ.

Ӧксыяслӧн 2 небӧг 1:26

Ёна шогся тэ вӧсна, Ионафан вокӧй. Тэ вӧлін меным вывті муса, тэнад муслуныд вӧлі меным аньлӧн муслун дорысь на донаджык.

Ӧксыяслӧн 2 небӧг 14:4

Текояысь ань локтіс ӧксы дінӧ, муӧдзыс уськӧдчӧмӧн копыртчис сылы да шуис: «Отсав меным, ӧксыӧй!»

Ӧксыяслӧн 2 небӧг 19:39

Сэсся став йӧзыс ӧксыкӧд вуджисны Йӧрдан ю сайӧ. Янсӧдчигас ӧксы окыштіс Барзиллайӧс да бурсиис сійӧс, и мӧдыс бӧр муніс гортас.

Ӧксыяслӧн 2 небӧг 9:6

Саул Ионафанлӧн Мепибошет пиыс локтіс Давид дінӧ да муӧдзыс копыртчис сылы. «Мепибошет!» – шыасис Давид сы дінӧ. Мӧдыс вочавидзис: «Ме – тэнад кесйӧг».

Ӧксыяслӧн 3 небӧг 1:16

Вирсавия копыртчис ӧксы водзӧ. Ӧксы юаліс: «Кутшӧм могӧн локтін?»

Ӧксыяслӧн 3 небӧг 1:23

Ӧксылы юӧртісны, Нафан пророк пӧ локтіс. Нафан пырис ӧксы дінӧ, муӧдзыс копыртчылӧмӧн

Ӧксыяслӧн 3 небӧг 1:31

Вирсавия муӧдзыс копыртчылӧмӧн шуис ӧксылы: «Мед олас нэмъяс чӧж Давид ӧксы, менам ыджыдӧй!»

Ап. уджъяс 20:37

Ставныс кутісны бӧрдны да сывъялӧмӧн окалісны Павелӧс.

Ӧксыяслӧн 1 небӧг 10:1

Самуил босьтіс вый тыра доз да кисьтіс Сауллы юр вылас. Сэсся окыштіс сійӧс да шуис: «Господь мавтыштӧма тэнӧ, мед пуктыны тэнӧ юралысьӧ Аслас войтырлы [Израильын. Тэ лоан ӧксыӧн Господьлӧн войтырлы, мездан найӧс на гӧгӧр олысь вӧрӧгъясысь. Со, тэныд пас, мый Ачыс Господь мавтыштӧма тэнӧ ӧксыӧ, мед веськӧдлыны Сылӧн войтырӧн].

Ӧксыяслӧн 1 небӧг 18:3

Ионафан асьсӧ моз радейтіс Давидӧс, та вӧсна кӧрталіс сыкӧд йитӧд.

Ӧксыяслӧн 1 небӧг 20:40

Ионафан сетіс ассьыс ньӧввужсӧ зонкалы да тшӧктіс нуны карас.

Ӧксыяслӧн 1 небӧг 24:9

Давид тшӧтш петіс кырта горсйысь да горӧдіс Сауллы: «Ӧксыӧй-ыджыдӧй!» Саул бергӧдчис, а Давид сійӧс пыдди пуктӧмӧн муӧдзыс копыртчыліс сылы

Ӧксыяслӧн 1 небӧг 25:23

Кор Авигея аддзис Давидӧс, тэрмасьӧмӧн чеччис осёл вывсьыс да уськӧдчис Давид водзӧ. Муӧдзыс