Ӧксыяслӧн 1 небӧг 2:35 - Коми Библия 2023

³⁵ Аслым Ме сувтӧда попӧс, коді кутас кывзысьны Менсьым да збыльмӧдны Менсьым кӧсйӧмӧс. Сылысь рӧдсӧ вӧча зумыдӧн. Став олӧм чӧжыс сійӧ кутас кесъявны Менам мавтыштӧма водзын.

Ӧксыяслӧн 1 небӧг 2:35 ပူးပေါင်းရင်းမြစ်များ

Ӧксыяслӧн 2 небӧг 7:11

кыдзи вӧлі сэки, кор Ме пукті ёрдысьясӧс веськӧдлыны Аслам Израиль войтырӧн. Ме сета тэныд лӧнь олӧм, мезда тэнӧ став вӧрӧгсьыд. Ме, Господь, кӧсйыся тэныд, мый зумыдмӧда тэнсьыд рӧдтӧ.

Ӧксыяслӧн 2 небӧг 7:27

Тэ, Господь Саваоф, Израильлӧн Ен, восьтін меным, Аслад кесйӧглы, мый зумыдмӧдан менсьым рӧдӧс. Та вӧсна ме повтӧг шыаси Тэ дінӧ аслам кевмысьӧмӧн.

Ӧксыяслӧн 3 небӧг 1:45

Сэсся Гихон ва петанін дорын Садок поп Нафан пророккӧд мавтыштӧмӧн пуктісны сійӧс ӧксыӧ. Бӧрсӧ найӧ локтісны ёна нимкодясьӧмӧн, и карыс ставнас шызис. Тайӧ шысӧ ӧні ті и кыланныд.

Ӧксыяслӧн 3 небӧг 1:8

Но Садок поп, Иодайлӧн Бенай пиыс, Нафан пророк, Шимей, Рей да Давидлӧн вына тышкасьысьяс эз вӧвны Адоний дор.

Ӧксыяслӧн 3 небӧг 11:38

Тэ кӧ пондан кывзысьны Менсьым, ветлыны Менам туйясӧд, вӧчны Ме водзын шогманасӧ да овны Менам индӧд-тшӧктӧмъяс серти, кыдзи оліс Менам Давид кесйӧгӧй, Ме лоа тэкӧд. Давидлысь рӧдсӧ моз Ме вӧча зумыдӧн тэнсьыд рӧдтӧ. Ме сета тэныд Израильӧс.

Ӧксыяслӧн 3 небӧг 2:35

Йоав пыдди тышкайӧзӧн веськӧдлыны Соломон пуктіс Бенайӧс, [ачыс Соломон сэки ӧксыаліс Ерусалимын,] а Авиатар поп пыдди ӧксы пуктіс [аркирейӧ] Садокӧс. [Господь сетіс Соломонлы ыджыд мывкыдлун, сюсь вежӧр да уна тӧдӧмлун, сылӧн тӧдӧмлуныс вӧлі саридздор лыа мында. Соломонлӧн мывкыдлуныс вӧлі ёна ыджыдджык важ олысьяслӧн да Египетын олысь мывкыда йӧзлӧн дорысь. Соломон босьтіс гӧтырӧ фараонлысь нывсӧ да вайӧдіс сійӧс Давид карӧ. Сэні гӧтырыс оліс, кытчӧдз Соломон эз лэпты аслыс керка. Но медводз сійӧ лэптіс Господьлы крам да Ерусалим гӧгӧр стен. Соломон вӧчис крамсӧ сизим во чӧж. Соломонлӧн вӧлі сизимдас сюрс морт, кодъяс кыскалісны-ваялісны изъяс, и кӧкъямысдас сюрс морт, кодъяс кералісны-перйисны изсӧ изкыртаысь. Соломон вӧчӧдіс вайӧртӧд да сы улын сулалысь пыкӧдъяс, вӧчӧдіс ыджыд мыссян дозъяс да сюръяяс, крам йӧрас вӧчӧдіс ва петанін да ыргӧнысь вайӧртӧд. Соломон вӧчӧдіс изкар да сы гӧгӧр стен, юкис Давид карсӧ кык пельӧ. Фараонлӧн нылыс вуджис Давид карысь аслас керкаӧ, кодӧс Соломон лэптіс сылы. Кар гӧгӧрыс Соломон кыпӧдіс стен. Куимысь вонас Соломон вайліс сотан да бурасян висьяс висьпуктанін вылын, кодӧс сійӧ лэптіс Господьлы, и сэні Господь водзын тшынӧдчис. Соломон помаліс керка лэптӧмсӧ. Сылӧн вӧлі куим сюрс квайтсё морт, кодъяс видзӧдісны уджалысьяс бӧрся. Господьлысь крамсӧ лэптӧм бӧрын да Ерусалим кар гӧгӧр стен кыпӧдӧм бӧрын Соломон нӧшта кыпӧдіс Ассур, Магдон, Гезер, Вылыс Бет-Хорон да Баалат каръяс. Ловъя дырйиыс на Давид шуліс Соломонлы: «Тэ тӧдан Бахуримысь Венямин чужанкотырысь Герлысь Шимей писӧ. Сійӧ быд ногыс лёкӧдіс менӧ, кор ме вӧлі муна Маханаимӧ. Но кор ме бӧр локті, сійӧ меным воча петіс Йӧрдан ю дорын, и сэки ме Господь водзын кыв сеті сылы, мый ог ви сійӧс. А тэ эн коль сійӧс мыждытӧг. Тэ мывкыд морт, и ачыд тӧдан, мый сыкӧд вӧчны, медым пӧрысь кадас сійӧ вуджас кулӧмаяс дінӧ сылысь вирсӧ кисьтӧм бӧрын».]

1 Каднебӧг 29:22

Сійӧ лунӧ найӧ ёна нимкодясьӧмӧн сёйисны-юисны Господь водзын. Давидлысь Соломон писӧ выльпӧв пуктісны ӧксыӧ да мавтыштӧмӧн сиисны Господьлы, а Садокӧс мавтыштӧмӧн пуктісны аркирейӧ.

Псалтыр 2:2

Мувывса ӧксыяс ӧтувтчӧны, ыджыдалысьяс кыпӧдчӧны Господьлы паныд да Сылӧн Мавтыштӧмалы паныд, шуӧны:

Петӧм 1:21

Сыысь, мый гӧгиньяс полісны Енмысь, Енмыс бурсиис найӧс челядьӧн.

Езекиль 34:23

Ме сувтӧда Аслам ыжъяслы видзысьӧс, Ассьым Давид кесйӧгӧс. Сійӧ кутас видзны найӧс да тӧждысьны на вӧсна.

Лыд 25:13

Тайӧ йитӧд сертиыс сылы да сысянь чужысьяслы нэмъяс кежлӧ шуӧма кесъявны попъясӧн. Ӧд сійӧ петкӧдліс аслас Ен вӧсна вежӧгтӧмсӧ, и тадзи вештіс Израиль пиянлысь мыжсӧ».

Еврейяслы 2:17

Кристослы ковмис лоны морт кодьӧн, Аслас вокъяс кодьӧн, медым лоны бур сьӧлӧма да Енлысь кывзысьысь Аркирейӧн да босьтны Ас вылас йӧзлысь мыжъяссӧ.

Ӧксыяслӧн 1 небӧг 10:10

Вись ваян мыльк дорӧ воигӧн Саул да кесйӧгыс паныдасисны пророкъяскӧд. Сэки Енлӧн Лов лэччис Саул вылӧ, и сійӧ накӧд тшӧтш кутіс пророкавны.

Ӧксыяслӧн 1 небӧг 10:9

Сӧмын Саул бергӧдчис, мед мунны Самуил дорысь, Енмыс сетіс сылы выль сьӧлӧм. Сійӧ лунӧ иніс ставыс, мый Самуил шуис Саул йылысь.

Ӧксыяслӧн 1 небӧг 12:3

Ӧні Господь водзын да Сылӧн мавтыштӧмаыс водзын висьталӧй, босьтлі-ӧ ме кодлыськӧ ӧшсӧ либӧ осёлсӧ? Пӧръявлі-ӧ да дзескӧдлі-ӧ кодӧскӧ? Сибӧдлі-ӧ кодсянькӧ козин, медым сылӧн лёк вӧчӧм вылӧ синмӧс тупкыны? Висьталӧй, и ме ставсӧ бӧр сета тіянлы».

Ӧксыяслӧн 1 небӧг 16:13

Самуил босьтіс вый тыра доз да мавтыштіс Давидӧс сылӧн вокъяс водзын. Сэки Господьлӧн Лов лэччис Давид вылӧ и сійӧ лунсяньыс вӧлі Давидкӧд. Сэсся Самуил бӧр муніс Рама карӧ.

Ӧксыяслӧн 1 небӧг 2:36

А найӧ, кодъяс ловйӧн колясны тэнад рӧдысь, локтасны да копыртчыласны сьӧм да няньтор вӧсна тайӧ попыслы. Шуасны, сет пӧ миянлы кутшӧмкӧ левит удж, мед кынӧмпӧт шедӧдны”».

Ӧксыяслӧн 1 небӧг 25:28

Прӧстит менӧ збойлунысь. Тэ нуӧдан Господьлысь тышъяс, та вӧсна Сійӧ зумыдмӧдас тэнсьыд рӧдтӧ, ыджыдӧй. Став олӧм чӧжыд лёкыс оз су тэнӧ.

Ӧксыяслӧн 1 небӧг 3:1

Самуил зонка кесъяліс Господьлы Илий дорын. Сійӧ кадас Господьсянь кывъяс да петкӧдчылӧмъяс вӧліны зэв гежӧда.

Ӧксыяслӧн 1 небӧг 7:9

Самуил босьтіс нёньпом баляӧс да вайис [войтырыскӧд] Господьлы сотан вись пыдди. Самуил кевмысьӧмӧн шыасис Господь дінӧ Израиль вӧсна, и Господь кыліс Самуилӧс.

Ӧксыяслӧн 1 небӧг 8:3

Найӧ эз ветлыны батьыслӧн туйӧд да эз веськыда мыждыны йӧзсӧ, а сетчисны горшасьӧмӧ да босьтісны козинъяс.

Ӧксыяслӧн 1 небӧг 9:12

Нывъяс вочавидзисны: «Тані. Сійӧ тіян водзвылын локтіс карас, ӧд талун мыльк вылын войтыр кутас вись вайны. Тэрмасьӧй!

Ӧксыяслӧн 1 небӧг 9:13

Ті суанныд сійӧс, ӧд сійӧ эз на пет карсьыс, медым мунны вись ваян мыльк вылӧ сёйны. Йӧзыс оз кутны сёйны, кытчӧдз сійӧ оз лок да оз бурси вайӧм висьсӧ. Та бӧрти корӧмаяс вӧлисти кутасны сёйны. Мунӧй, ті сійӧс суанныд на».