Ӧксыяслӧн 1 небӧг 2:30 - Коми Библия 2023

³⁰ Ме кӧсйыси, – висьталӧ Господь, Израильлӧн Ен, – мый тэнад рӧдыд да батьыдлӧн рӧдыс пондасны пыр кесъявны Меным. Но ӧні оз ло тадзи, – висьталӧ Господь. – Ме пыдди пукта Менӧ пыдди пуктысьясӧс да янӧда Менӧ лёкӧдысьясӧс.

Ӧксыяслӧн 1 небӧг 2:30 ပူးပေါင်းရင်းမြစ်များ

Ӧксыяслӧн 3 небӧг 11:11

Та вӧсна Господь шуис Соломонлы: «Татшӧм оласногсьыд да сыысь, мый тэ торкин Менсьым йитӧдӧс да эн ов Менам тшӧктӧмъяс серти, мый Ме сеті тэныд, Ме босьта тэнсьыд юралӧмтӧ да сета тэнад кесйӧглы.

Ӧксыяслӧн 3 небӧг 2:27

Соломон вештіс Авиатарӧс Господь водзын попӧн кесъялӧмысь. Тадзи иніс Илийлӧн рӧд йылысь Силомын Господьлӧн шуӧмыс.

1 Каднебӧг 17:18

Тэ сэтшӧма ыдждӧдлан менӧ, Ассьыд Давид кесйӧгтӧ, мый меным сэсся нинӧм оз ков. Тэ тӧдан менӧ, Ассьыд кесйӧгтӧ.

2 Каднебӧг 15:2

и сійӧ муніс Аса дінӧ да шуис сылы: «Кывзы менӧ, Аса. Кывзӧй менӧ, Иуда да Венямин чужанкотыръяс. Господь лоӧ тіянкӧд, ті кӧ лоанныд Сыкӧд. Ті кӧ кутанныд корсьны Сійӧс, Сійӧ воссяс тіянлы. А эновтанныд кӧ Сійӧс, Сійӧ тшӧтш эновтас тіянӧс.

2 Каднебӧг 26:18

Найӧ кыпӧдчисны Озей ӧксылы паныд да шуисны сылы: «Озей, тэныд оз позь тшынӧдчыны Господь водзын. Тайӧс вермӧны вӧчны сӧмын попъяс, Ааронсянь чужысьяс, кодъясӧс вежӧдӧма-торйӧдӧма тшынӧдчыны. Пет крамсьыс, ӧд тэ мыж вӧчин, и тайӧ оз вай тэныд Господь Ен водзын нималӧмсӧ».

Псалтыр 73:20

Эн вунӧд Ассьыд йитӧдтӧ, ӧд му вылас став пемыд пельӧсыс тырӧма виалӧм-дзескӧдӧмӧн.

Псалтыр 91:14

Найӧс вужйӧдӧма Господьлӧн керкаын, найӧ дзоридзалӧны миян Енлӧн йӧръясын.

Псалтыр 91:15

Весиг пӧрысь кадӧ веськыда олысьяс вайӧны вотӧс, лоӧны чӧскыдӧсь да вежӧсь,

Петӧм 28:43

Аарон да сылӧн пияныс мед новласны тайӧ паськӧмсӧ вежа чомйӧ пыригӧн либӧ висьпуктанін дорӧ матыстчигӧн, медым вежаинын кесъялігӧн найӧ эз кыскыны ас выланыс мыж да эз кувны. Ааронлы да сысянь чужысьяслы тайӧ тшӧктӧмыс лоӧ пыр кежлӧ».

Петӧм 29:9

Сэсся вӧньӧд Ааронӧс да сылысь пиянсӧ, юр выланыс пукты юрвевттьӧд. Аарон да сылӧн пияныс пыр кежлӧ лоӧны попъясӧн. Пукты найӧс кесъявны.

Шусьӧгъяс 12:8

Мортӧс ошкӧны сылӧн мывкыдыс серти, лёкӧн тырӧм сьӧлӧмаӧс зывӧктӧны.

Шусьӧгъяс 4:8

Вылӧ пукты мывкыдлунсӧ, и сійӧ кыпӧдас тэнӧ, сибӧд мывкыдлунсӧ, и сійӧ нимӧдас тэнӧ.

Шусьӧгъяс 8:17

Менӧ радейтысьӧс ме радейта, менӧ корсьысь аддзас менӧ.

Исай 29:13

Господь шуис: – Тайӧ войтырыс матыстчӧ Ме дінӧ кывнас, вомнас найӧ пыдди пуктӧны Менӧ, но налӧн сьӧлӧмныс ылын Меысь. Меысь налӧн вежавидзӧмыс – тайӧ сӧмын тшӧктӧм серти вӧчӧм – тшӧктӧм, мыйӧ велӧдісны найӧс йӧзыс.

Еремей 29:32

Та вӧсна Господь тадзи висьталӧ: Ме мыжда Нехеламысь Шемайӧс да сысянь чужысьясӧс. Сысянь чужысьяс пӧвстысь некод оз кут овны тайӧ войтырыс пӧвстын, некод оз аддзы сійӧ бурсӧ, мый Ме вӧча Аслам войтырлы, – висьталӧ Господь, – ӧд Шемай ышӧдіс тайӧ войтырсӧ Господьлы паныд кыпӧдчыны».

Еремей 49:15

– Эдом, Ме вӧча тэнӧ войтыръяс пӧвстын медічӧтӧн, йӧз пӧвстын мустӧмӧн.

Езекиль 34:10

Господь Ыджыдыс тадзи висьталӧ: Ме паныд сувта видзысьяслы, босьта ыжъясӧс налӧн киысь. Водзӧ Ме ог сет налы видзны Ассьым ыжъясӧс, и водзӧ найӧ оз нин тӧждысьны ас вӧснаныс. Ме перъя налӧн пинь-гыжйысь Ассьым ыжъясӧс, и Менам ыжъясӧй оз нин лоны налы сёянӧн.

Даниил 4:34

Ӧні ме, Навукодоносор, ошка-нимӧда да ыдждӧдла енэжвывса Ӧксыӧс. Сылӧн уджъясыс збыльӧсь да туйясыс веськыдӧсь. Сійӧ вермӧ раммӧдны вылӧ кыпӧдчысьясӧс».

Малакий 1:6

– Пиыс ассьыс батьсӧ пыдди пуктӧ, кесйӧг – ассьыс ыджыдсӧ. Ме кӧ тіян Бать, мыйла ті онӧ пыдди пуктӧй Менӧ? Ме кӧ тіян Господь, кӧні Меысь вежавидзӧмныд? Тайӧс Ме, Господь Саваоф, юала тіянлысь, попъяс, кодъяс нинӧмӧ пуктанныд Менӧ. Ті юаланныд: «Мыйӧн ми нинӧмӧ пуктам Тэнӧ?»

Малакий 2:3

Тіян кесъялӧмлы Ме пукта пом, гажӧдчан лунӧ ваян висьныдлысь сітсӧ Ме шыблала чужӧманыд, сэсся тіянӧс сітыскӧд шыбитасны ортсӧ.

Лыд 11:20

а тӧлысь чӧж, кытчӧдз тіянӧс оз кут вукӧдны, и вомсьыныд яйыс бӧр оз кут петны. Тадзи лоӧ сыысь, мый ті мустӧмтінныд Господьӧс, коді олӧ тіян пӧвстын, да сыысь, мый ті Господь водзын бӧрдінныд-шуалінныд, мыйла нӧ ми петім Египетысь».

Лыд 35:34

Энӧ пежалӧй мунытӧ, кӧні Ме ола. Ӧд Ме, Господь, ола тіян пӧвстын».

Иоан 12:26

Меным кесъялысь мед локтӧ Ме бӧрся. Кӧні Ме лоа, сэні тшӧтш лоӧ Менам кесъялысьӧй. И Меным кесъялысьӧс Батьӧй бурӧ пуктас.

Иоан 5:23

медым став йӧзыс бурӧ пуктісны Писӧ Батьсӧ моз. Коді оз бурӧ пукты Писӧ, сійӧ оз бурӧ пукты и Батьсӧ, коді мӧдӧдіс Писӧ.

Иоан 5:44

Ті сибӧданныд ошкӧмсӧ ӧта-мӧдсяньныд, но ӧти Енсянь петысь ошкӧмсӧ онӧ корсьӧй. Сідзкӧ, кыдзи ті верманныд эскыны!

Иоан 8:49

Исус вочавидзис: «Ме пытшкын пеж лолыс абу. Ме бурӧ пукта Ассьым Батьӧс, а ті Менӧ омӧльтанныд.

1 Коринфӧ 4:5

Та вӧсна Господь локтӧдз, кадысь водз, некодӧс энӧ мыждӧй. Сійӧ югдӧдас пемыдас дзебӧмасӧ да восьтас мортлысь мӧвпъяссӧ. Сэки быдӧнлы вичмас Енсянь ошкӧмыс.

1 Петыр 1:7

Зарниыс тӧдмавсьӧ биӧн. Тіян эскӧмныд бырана зарниысь донаджык, сійӧ тӧдмавсьӧ сьӧкыдлунъяс дырйи, медым Исус Кристос локтігӧн вичмис тіянлы ошкӧм, нимӧдӧм да дзирдлун.

Ёрдысьяс 9:10

Сэсся пуяс шуисны инжир пулы: ”Ло миян ӧксыӧн”.