Ӧксыяслӧн 1 небӧг 2:26 - Коми Библия 2023

²⁶ Самуил зонка лунысь-лун быдмис-верстяммис, сійӧ вайис нимкодьлун Господьлы и йӧзыслы.

Ӧксыяслӧн 1 небӧг 2:26 ပူးပေါင်းရင်းမြစ်များ

Олӧм 39:4

Ӧсип бура кесъяліс ыджыдыслы, та вӧсна воис сылы сьӧлӧм вылас. Ыджыдыс пуктіс сійӧс веськӧдлыны аслас керкаӧн да став эмбурсӧ сетіс сы киӧ.

Шусьӧгъяс 3:3

Эн эновт буралӧмсӧ да збыльсӧ, гартышт найӧс сьылі гӧгӧрыд, гиж найӧс сьӧлӧмад.

Шусьӧгъяс 3:4

Сэки буралӧмыс да муслуныс Енсянь да йӧзсянь тэныд лоас.

Лука 1:80

Кага быдмис да ловнас вынсяліс. Израильлы аслас петкӧдчан лунӧдз сійӧ оліс овтӧминын.

Лука 2:40

Кага быдмис, ловнас вынсяліс, Сылӧн мывкыдлуныс содіс. Енлӧн буралӧмыс вӧлі Сы вылын.

Лука 2:52

Исус сӧвмис, Сылӧн мывкыдлуныс содіс. Сійӧ вӧлі муса Енмыслы, и йӧзыс бурӧ пуктісны Сійӧс.

Ап. уджъяс 2:47

Найӧ ставсьыс ошкисны Енмӧс. Йӧзыс найӧс бурӧ пуктісны, а Господь быд лун содтіс вичкоӧ мездмӧмаясӧс.

Римӧ 14:18

Кристослы тадзи кесъялысь шогмана Енмыслы да пыдди пуктана йӧзӧн.

Ёрдысьяс 13:24

Манойлӧн гӧтырыс чужтіс пиӧс да пуктіс сылы Самсон ним. Кага быдмис, и Господь бурсиис сійӧс.

Ӧксыяслӧн 1 небӧг 2:21

Господь эз вунӧд Аннаӧс. Сійӧ чужтіс нӧшта куим пиӧс да кык нылӧс. А Самуил пиыс быдмис Господь водзын.

Ӧксыяслӧн 1 небӧг 3:19

Самуил быдмис, Господь вӧлі сыкӧд. Ставсӧ, мый сійӧ висьтавліс Господь нимсянь, Господь збыльмӧдіс.