Ӧксыяслӧн 1 небӧг 2:25 - Коми Библия 2023

²⁵ Морт кӧ мыжмас морт водзын, сэки сы вӧсна верман кевмысьны Енлы. А мыжмас кӧ Господь водзын, сэки коді лоӧ сылы дорйысьнас?» Но пияныс эз кывзыны батьсӧ, ӧд Господьлӧн вӧлі шуӧма нин бырӧдны найӧс.

Ӧксыяслӧн 1 небӧг 2:25 ပူးပေါင်းရင်းမြစ်များ

Олӧм 38:10

Господьлӧн син водзын тайӧ вӧлі лёк вӧчӧмӧн, и та вӧсна Онан куліс. Господь бырӧдіс сійӧс.

Олӧм 38:7

Ир эз вӧв шогмана Господьлы, и Господь бырӧдіс сійӧс.

Ӧксыяслӧн 3 небӧг 8:31

Мыжаласны кӧ кодӧскӧ мӧд мортлы паныд мыж вӧчӧмысь, и сылы ковмас локны тайӧ крамас да Тэнад висьпуктанін водзын кыв сетӧмӧн шуны, мый абу мыжа,

Ӧксыяслӧн 3 небӧг 8:32

сэки Тэ кыв енэжсяньыд да веськыда мыжды ассьыд кесйӧгъястӧ: мыжаӧс мыжды, мед сылы юр вылас усьӧ аслас мыжыс, а мыжтӧмӧс дорйы да мынтысь сылы веськыдлуныс серти.

2 Каднебӧг 10:15

Ӧксы эз кывзы войтырӧс, ӧд ставыс тайӧ вӧлі Енсянь, медым збыльмис Господьлӧн кывйыс, мый Сійӧ висьталіс силомса Ахий пророк пыр Неватлӧн Еровам пилы.

2 Каднебӧг 25:16

Пророк эз на помав сёрнисӧ, а ӧксы шуис нин сылы: «Тэнӧ ӧмӧй индісны туйдӧдны ӧксыӧс? Дугды сёрнитнытӧ! Он кӧ, тэнӧ виасны». Но сёрни помавтӧдзыс пророк шуис: «Ме тӧда, мый Енмыс шуис бырӧдны тэнӧ сыысь, мый тэ вӧчин. Но менсьым туйдӧдӧмӧс тэ он кывзы».

Иов 9:33

Миян абу ёрдысьыс, коді эськӧ кыкнанным вылын вӧлі ыджыдыс.

Псалтыр 51:4

Тэнад кывйыд сёрнитӧ бырӧдӧм йылысь, сійӧ бритва кодь лэчыд, тэ – ылӧдчысь!

Шусьӧгъяс 13:1

Мывкыд пи кывзӧ батьыслысь велӧдӧмсӧ, батьсӧ омӧльтысь ӧлӧдӧмсӧ оз кывзы.

Шусьӧгъяс 15:10

Веськыд туйысь кежысь чорыда мыжмас, ӧлӧдӧмсӧ мустӧмтысь кулас.

Шусьӧгъяс 29:1

Ӧлӧдӧм бӧрын коді асныралӧ, сійӧс тӧдлытӧг лоӧ жугӧдӧма, и сійӧ оз нин бурд.

Еклесиаст 3:3

эм кад виавны и бурдӧдавны, жуглыны и тэчны,

Лыд 15:30

Вужвойтырысь либӧ йӧз муысь локтысьясысь кӧ кодкӧ тӧдӧмӧн мыж вӧчӧ, сійӧ омӧльтӧ Господьӧс. Сійӧс лоӧ бырӧдӧма аслас войтыр пӧвстысь,

Индӧд 1:17

Ёрд вылын ӧткодя кывзӧй тӧдчана да абу тӧдчана мортӧс. Энӧ полӧй мортысь, ӧд мыждӧмыс Енсянь. А могыс кӧ тіянлы сьӧкыд, локтӧй ме дорӧ, и ме ачым видлала сійӧс”.

Индӧд 2:30

Но хешбонса Сигон ӧксы эз лэдз миянӧс мунны аслас муӧд, ӧд Господь, тіян Енныд, чорзьӧдіс Сигонлысь сьӧлӧмсӧ, медым сетны сійӧс тіян киӧ. Тадзи ставыс артмис.

1 Тимофейлы 2:5

Енмыс ӧти. Ен да морт костын сулалысьыс тшӧтш ӧти – Морт, Исус Кристос.

Еврейяслы 10:26

Ми кӧ тӧдам збыльсӧ, но тӧдӧмӧн мыж вӧчам, сэки некутшӧм вись оз вешты миянлысь мыжнымӧс.

Еврейяслы 10:27

Сӧмын ыджыд полӧмӧн ковмас виччысьны мыждӧмсӧ да яр бисӧ, мый бырӧдас Енлы паныд кыпӧдчысьясӧс.

Еврейяслы 7:25

Та вӧсна Сійӧ дзикӧдз вермӧ мездыны найӧс, кодъяс Сы пыр локтӧны Ен дінӧ. Сійӧ помтӧг олӧ, медым кевмысьны на вӧсна.

Нав Исус 11:20

Ӧд Господь чорзьӧдіс тайӧ войтыръяслысь сьӧлӧмсӧ да ышӧдіс найӧс уськӧдчыны Израиль войтыр вылӧ, медым израильсаяс жалиттӧг дзикӧдз бырӧдісны найӧс, кыдзи Господь тшӧктіс Мӧисейлы.

Ӧксыяслӧн 1 небӧг 3:14

Та вӧсна Ме кыв сетӧмӧн шуа Илий рӧдлы, мый висьяс да вайӧмторъяс некор оз вештыны Илий рӧдлысь мыжсӧ».