Ӧксыяслӧн 1 небӧг 2:18 - Коми Библия 2023

¹⁸ А Самуил зонка кесъяліс Господь водзын, новліс шабдіысь вурӧм ефод.

Ӧксыяслӧн 1 небӧг 2:18 ပူးပေါင်းရင်းမြစ်များ

Ӧксыяслӧн 2 небӧг 6:14

Шабді ефод кежсьыс Давид став сьӧлӧмсяньыс чеччаліс-йӧктіс Господь водзын.

1 Каднебӧг 15:27

Давид вӧлі пасьтасьӧма вӧсни шабдіысь кыӧм ризаӧ, тадзи жӧ вӧлі пасьтасьӧмаӧсь Енлысь кудсӧ нуысь левитъяс, сьылысьяс да Кенаний – сьылысьясӧн да ворсысьясӧн веськӧдлысь. Давид вылын нӧшта вӧлі шабді ефод.

Петӧм 28:4

Мед вӧчасны морӧсводз, ефод, риза, серлӧдлӧм кузь дӧрӧм, юркӧртӧд да вӧнь. Мед вӧчасны Аарон вокыдлы да сылӧн пиянлы тайӧ вежа паськӧмсӧ, медым найӧ попъясӧн кесъяласны Меным.

Левит 8:7

Ааронӧс дӧрӧмӧдіс да вӧньӧдіс, пасьтӧдіс риза да ефод, ефод вывтіыс вӧньӧдіс.

Ӧксыяслӧн 1 небӧг 14:3

На пӧвстын вӧлі Ахий, Силомын Господьлы кесъялысь поп, кодлӧн вӧлі ефод. Ахий вӧлі Ахитувлӧн пи. Ахитув вӧлі Икаводлӧн вок, найӧ вӧліны Пинеслӧн пиян, а Пинес вӧлі Илий поплӧн пи. Сауллӧн йӧзыс эз тӧдлыны Ионафанлысь мунӧмсӧ.

Ӧксыяслӧн 1 небӧг 2:11

Сэсся Элкан гӧтырыскӧд бӧр муніс Рамаӧ. Пинысӧ найӧ колисны Илий поп дінӧ кесъявны Господьлы.

Ӧксыяслӧн 1 небӧг 2:28

Ме бӧрйи тэнсьыд рӧдтӧ став Израиль чужанкотырысь да пукті найӧс попъясӧн, медым найӧ кесъялісны Меным висьпуктанін дорын, тшынӧдісны чӧскыд ӧвтанторъяс да новлісны ефод Ме водзын. Ме тшӧкті, мед тэнад рӧдыд босьтас Израиль войтырлӧн сотӧм висьясысь юкӧн.

Ӧксыяслӧн 1 небӧг 22:18

Сэки ӧксы шуис Доиклы: «Мун да ви найӧс». Эдомса Доик кывзысис. Сійӧ уськӧдчис попъяс вылӧ да сійӧ лунӧ виис кӧкъямысдас вит попӧс. Ставныс найӧ новлісны шабді ефод.

Ӧксыяслӧн 1 небӧг 3:1

Самуил зонка кесъяліс Господьлы Илий дорын. Сійӧ кадас Господьсянь кывъяс да петкӧдчылӧмъяс вӧліны зэв гежӧда.