Ӧксыяслӧн 1 небӧг 2:16 - Коми Библия 2023

¹⁶ Вись вайысь кӧ шуліс: «Ог. Медводз госсӧ колӧ сотны, сэсся верман босьтны яйсӧ мыйта колӧ», сэки поплӧн отсасьысь воча шуліс: «Он кӧ сет, мырдӧн босьта».

Ӧксыяслӧн 1 небӧг 2:16 ပူးပေါင်းရင်းမြစ်များ

Неемий 5:15

Меӧдз вӧвлӧм юралысьяс сьӧктӧдлӧмаӧсь войтырсӧ. Нелямын сикель эзысьысь ӧтдор найӧ босьтлӧмаӧсь нянь да вина. Весигтӧ налӧн кесйӧгъясыс дзескӧдлӧмаӧсь войтырсӧ. Но ме Енмысь полӧм вӧсна эг вӧч на моз.

Левит 3:16

Поп мед сотас тайӧс висьпуктанін вылын. Тайӧ лоӧ чӧскыда ӧвтысь сотан вись. Став госсӧ колӧ сотны Господьлы.

Микей 3:5

Господь тадзи висьталӧ пророкъяс йылысь, кодъяс кежӧдӧны Сылысь войтырсӧ туйсьыс: найӧ кӧсйысьӧны лӧньлун мортлы, коді налы сёян сетӧ, а коді вомас налы нинӧм оз пукты, сійӧс тышӧн повзьӧдлӧны.

Ёрдысьяс 18:25

Дансянь чужысьяс шуисны сылы: «Ланьт! А он кӧ, миян скӧр йӧзным уськӧдчасны тіян вылӧ. Сэки тэысь ни тэнад котырысь нинӧм оз коль».

Ӧксыяслӧн 1 небӧг 2:15

Весиг яйлысь госсӧ соттӧдз воліс поплӧн отсасьысь да шуліс вись вайысьлы: «Сет поплы уль яйсӧ пражитӧм вылӧ. Пуӧм яйсӧ сійӧ оз кӧсйы босьтны».

Ӧксыяслӧн 1 небӧг 2:17

Илий пиянлӧн мыжыс Господь водзын вӧлі зэв ыджыд, ӧд найӧ эз пыдди пуктыны Господьлы вись вайӧмсӧ.