Ӧксыяслӧн 1 небӧг 19:5 - Коми Библия 2023

⁵ Филистимсакӧд вермасигӧн сійӧ вермис воштыны ассьыс олӧмсӧ, но Господь сетіс ыджыд вермӧм став Израильлы. Тэ ачыд аддзылін тайӧс да нимкодясин. Мыйла тэныд мыж вӧчны, мыжтӧм мортлысь вир кисьтны? Мыйла помкатӧг вины Давидӧс?»

Ӧксыяслӧн 1 небӧг 19:5 ပူးပေါင်းရင်းမြစ်များ

Ӧксыяслӧн 2 небӧг 23:10

Израильсаяс сэки бӧрыньтчисны, но Элазар кольччис да ки дубавмӧныс виаліс филистимсаясӧс. Весиг чуньяссӧ эз вермы веськӧдны, мед лэдзны кабырсьыс шыпуртсӧ. Сійӧ лунӧ Господь сетіс ыджыд вермӧм Израильлы. Израильсаяс бӧр локтісны Элазар дінӧ, мед виӧмаяслысь босьтавны шыпуртъяссӧ да мукӧд тышкасянторсӧ.

1 Каднебӧг 11:14

а кӧдзӧм мусӧ видзӧм могысь тайӧ куим тышкамортыс сувтісны му шӧрас да сэні виалісны филистимсаясӧс. Тадзи Господь сетіс Израильлы ыджыд вермӧм.

1 Каднебӧг 11:18

Сэки тайӧ куим мортыс мунісны филистимсаяслӧн сувтанінӧ, тышкасьӧмӧн матыстчисны Виплием дзиръя дорӧ да гумовтісны юкмӧсысь васӧ. Сэсся вайисны Давидлы. Но Давид эз кут юны тайӧ васӧ, а кисьтіс сійӧс Господьлы вись пыдди.

Псалтыр 109:5

Господь сулалӧ Тэнад веськыдладорын. Аслас скӧралан лунӧ Сійӧ пасьвартас ӧксыясӧс,

Псалтыр 25:3

Тэнсьыд буралӧмтӧ ме пыр кута тӧд вылын, ме ветлӧдла Тэнад збыль туйӧд.

Псалтыр 69:4

Мед яналасны да бӧр пышъясны найӧ, кодъяс шуалӧны, тадзи пӧ тэныд и колӧ.

Петӧм 14:13

Мӧисей шуис войтырыслы: «Энӧ полӧй. Сулалӧй да видзӧдӧй, кыдзи Господь талун мездас тіянӧс. Египетса йӧзӧс, кодъясӧс ті ӧні аддзанныд, сэсся онӧ нин аддзылӧй.

Еремей 26:15

Сӧмын тӧдӧй, ті кӧ вианныд менӧ, сэки тіянлы, тайӧ карыслы да карас олысьяслы ковмас кывкутны мыжтӧм мортлӧн вирысь. Тіян дінӧ менӧ збыльысь мӧдӧдіс Господь, медым ме юӧрті став тайӧ кывъяссӧ».

Матвей 27:24

Пилат аддзис: йӧзыс оз лӧньны, мӧдарӧ, ёнджыка на шызьӧны. Сэки налӧн син водзын Пилат мыськис кисӧ да шуис: «Ме абу мыжа тайӧ веськыда олысь мортсӧ виӧмысь. Видзӧдӧй асьныд».

Матвей 27:4

да шуис налы: «Ме мыж вӧчи, мыжтӧм мортӧс вузалі». Найӧ вочавидзисны: «Миянлы нӧ мый? Ачыд ӧд тӧдін».

Иоан 15:25

Тадзи инӧ налӧн Индӧдын гижӧмаыс: ”Мустӧмтӧны Менӧ весьшӧрӧ”.

Ап. уджъяс 20:24

Ме нинӧм вылӧ ог видзӧд, олӧмӧй меным абу дона. Сӧмын кӧсъя долыд сьӧлӧмӧн помӧдз мунны лӧсьӧдӧм туйӧдыс да помавны кесъялӧмӧс, мый Господь Исус сетіс меным – висьтавны Енлӧн буралӧм йылысь Евангелльӧсӧ.

Филипӧ 2:30

Кристослы кесъялігӧн сійӧ ӧдва эз кув, ӧдва эз вошты ассьыс олӧмсӧ, но отсасис меным, кор ті энӧ вермӧй отсасьнысӧ.

Еврейяслы 2:3

сідзкӧ, мынам-ӧ ми мыждӧмсьыс, кутам кӧ нинӧм туйӧ пуктыны тайӧ ыджыдторсӧ – мездмӧмсӧ? Тайӧ мездмӧмыс йылысь медводз висьталіс Господь, сэсся Сысянь кылысьяс эскӧдісны миянӧс, мый тайӧ висьталӧмыс збыль.

Ёрдысьяс 12:3

Кор ме гӧгӧрвои, мый отсӧгыс тіянсянь оз ло, ме петі аммонсаяслы паныд да дась вӧлі пуктыны юрӧс. Господь сетіс найӧс менам киӧ. А ӧні ті мыйла петінныд тышӧ меным паныд?»

Ёрдысьяс 9:17

Менам батьӧй олӧмсӧ эз жалит, сійӧ вермасис тіян вӧсна да мездіс тіянӧс мадиансаяслӧн киысь.

Ӧксыяслӧн 1 небӧг 11:13

Но Саул шуис: «Тайӧ лунӧ некодӧс оз ков вины, ӧд талун Господь мездіс Израильӧс».

Ӧксыяслӧн 1 небӧг 14:45

Йӧзыс шуисны Сауллы: «Мед оз ло тадз! Сійӧ ӧд вайис Израильлы ыджыд вермӧм да мездӧм. Ми кыв сетам ловъя Господь водзын: сылӧн юр вывсьыс весиг юрси сі оз усь. Ен отсӧгӧн талун сійӧ вермис филистимсаясӧс». Тадзи йӧзыс мездісны Ионафанӧс, и сійӧ ловйӧн коли.

Ӧксыяслӧн 1 небӧг 19:6

Саул кывзіс Ионафанӧс да кӧсйысис сылы: «Ловъя Господь водзын кыв сета, мый Давид оз кув».

Ӧксыяслӧн 1 небӧг 20:32

Ионафан воча шуис батьыслы: «Мыйысь сійӧс винысӧ? Мый сійӧ вӧчис?»

Ӧксыяслӧн 1 небӧг 22:14

Ахимелек воча шуис ӧксылы: «Сюрас-ӧ кодкӧ тэнад кесйӧгъяс пиысь Давид кодь эсканаыс? Сійӧ ӧд тэнад зять, вӧчӧ тэнад тшӧктӧмъяс серти, и тэнад керкаын сійӧс пыдди пуктӧны.

Ӧксыяслӧн 1 небӧг 28:21

Ань матыстчис Саул дінӧ да аддзис, мый сійӧ ёна повзьӧма. Сэсся шуис: «Ме, тэнад кесйӧг, кывзыси тэнсьыд. Ассьым олӧмӧс верми воштыны, но ме вӧчи, мый тэ тшӧктін.