Ӧксыяслӧн 1 небӧг 19:2 - Коми Библия 2023

² Сійӧ юӧртіс Давидлы: «Саул батьӧй кӧсйӧ вины тэнӧ. Видзчысь сыысь. Аски мун да дзебсьы.

Ӧксыяслӧн 1 небӧг 19:2 ပူးပေါင်းရင်းမြစ်များ

Псалтыр 16:3

Тэ видзӧдлан менам сьӧлӧмӧ, видлан менӧ войся кадӧ, тӧдмалан менӧ, но нинӧм лёксӧ он аддзы, ӧд менам мӧвпъясӧй оз торъявны кывъясысь.

Шусьӧгъяс 17:17

Ёртыдлы тэ быд кадӧ муса, вокыд локтӧ отсавны шог дырйиыд.

Ап. уджъяс 23:16

Та йылысь кывліс Павел чойлӧн пиыс. Сійӧ муніс изкарӧ, пырис Павел дорӧ да ставсӧ висьталіс.

Ап. уджъяс 9:24

Тайӧ кывсис Савллы. Иудейяс лун и вой кыйӧдчисны карса дзиръя дорын, медым вины сійӧс.

Ӧксыяслӧн 1 небӧг 19:1

Саул сёрнитіс Ионафан пиыскӧд да став аслас кесйӧгкӧд Давидӧс виӧм йылысь. Но Ионафан ёна радейтіс Давидӧс.

Ӧксыяслӧн 1 небӧг 19:3

Ме пета батькӧд карсьыс да локта сэтчӧ, кӧні тэ кутан дзебсясьны. Ме сёрнита сыкӧд тэ йылысь, сэсся мый тӧдмала, висьтала тэныд».

Ӧксыяслӧн 1 небӧг 20:2

Ионафан шуис: «Тэ он кув. Батьӧй меным висьталӧ ставсӧ, мый кӧсйӧ вӧчны. Кӧсйис кӧ вины тэнӧ, ме эськӧ тӧді та йылысь. Оз ло тадзи!»

Ӧксыяслӧн 1 небӧг 20:5

Давид вочавидзис: «Аски выль тӧлысь пасъян лун. Меным колӧ ӧксыкӧд ӧтлаын пажнайтны. Но кора тэнӧ, лэдз меным петны кар сайӧ да дзебсьыны. Лоа сэні аскомысь рытӧдзыс.