Ӧксыяслӧн 1 небӧг 18:25 - Коми Библия 2023

²⁵ Саул шуис налы: «Висьталӧй Давидлы, мый ӧксы некутшӧм дон оз босьт гӧтырпуысь, сӧмын кӧсйӧ, мед тэ вайин сылы сё филистимсалӧн чильган йывсьыс вундыштӧм кучикторсӧ – татшӧм ногӧн сійӧ водзӧс перъяс аслас вӧрӧглысь». Збыльвылас, ӧксы кӧсйис, мед филистимсаяс виасны Давидӧс.

Ӧксыяслӧн 1 небӧг 18:25 ပူးပေါင်းရင်းမြစ်များ

Олӧм 29:18

Яковлы мусмис Ракель. Та вӧсна Яков шуис Лаванлы: «Тэнад ичӧтджык Ракель ныв вӧсна ме кута уджавны тэныд сизим во».

Олӧм 34:12

Урчитӧй медыджыд дон да козинъяс. Ме сета, мый коранныд, сӧмын сетӧй меным гӧтырӧ тайӧ нывсӧ».

Ӧксыяслӧн 2 небӧг 3:14

Давид мӧдӧдіс йӧзӧс Сауллӧн Ишвошет пи дінӧ да тшӧктіс висьтавны: «Бӧр сет меным Мелкола гӧтырӧс. Сы вӧсна ме коркӧ сё филистимсаӧс вундышті».

Нав Исус 5:3

Исус вӧчис изйысь [ёсь] пуртъяс да вундыштіс Израиль пиянӧс. Сійӧ местасӧ нимтісны Вундыштчан ыбӧн.

Ӧксыяслӧн 1 небӧг 14:24

Израильса тышкайӧз вӧлі ёна мудзӧмаӧсь. Ӧд таӧдз Саул шуис налы: «Ёрӧма быдӧнӧс, коді рытӧдзыс, вӧрӧглысь водзӧс перйытӧдз, мыйкӧ сёяс». Сійӧ [мӧвпышттӧг] тшӧктіс тышкайӧзыслы кыв сетны. Та вӧсна найӧ нинӧм эз сёйны.

Ӧксыяслӧн 1 небӧг 17:26

Давид юаліс сыкӧд орччӧн сулалысьяслысь: «Мый вичмас сійӧ мортыслы, коді виас тайӧ вундыштчытӧм филистимсасӧ да вештас Израиль вылысь янӧдӧмсӧ? Коді сійӧ сэтшӧмыс, мый лысьтӧ увтыртны ловъя Енлысь тышкайӧзсӧ?»

Ӧксыяслӧн 1 небӧг 17:36

Ме виавлі левӧс и ошкӧс. Тайӧ вундыштчытӧм филистимсаыскӧд тшӧтш тадзи лоӧ. Сійӧ ӧд увтыртӧ ловъя Енлысь тышкайӧзсӧ. [Ме муна да верма сійӧс, мед вештыны янӧдӧмсӧ Израиль вылысь. Тайӧ вундыштчытӧмыс миянлы некод.]»

Ӧксыяслӧн 1 небӧг 18:17

Ӧтчыд Саул вӧзйис Давидлы: «Ассьым Мерова ыджыд нылӧс сета тэ сайӧ, сӧмын повтӧг кесъяв меным да веськӧдлы Господьлӧн тышъясӧн». Но та дырйи Саул мӧвпаліс: «Сы вылӧ мед оз кыпты менам киӧй, а филистимсаяслӧн».

Ӧксыяслӧн 1 небӧг 18:24

Кесйӧгъяс висьталісны Сауллы Давидлысь кывъяссӧ.

Ӧксыяслӧн 1 небӧг 19:1

Саул сёрнитіс Ионафан пиыскӧд да став аслас кесйӧгкӧд Давидӧс виӧм йылысь. Но Ионафан ёна радейтіс Давидӧс.