Ӧксыяслӧн 1 небӧг 18:17 - Коми Библия 2023

¹⁷ Ӧтчыд Саул вӧзйис Давидлы: «Ассьым Мерова ыджыд нылӧс сета тэ сайӧ, сӧмын повтӧг кесъяв меным да веськӧдлы Господьлӧн тышъясӧн». Но та дырйи Саул мӧвпаліс: «Сы вылӧ мед оз кыпты менам киӧй, а филистимсаяслӧн».

Ӧксыяслӧн 1 небӧг 18:17 ပူးပေါင်းရင်းမြစ်များ

Ӧксыяслӧн 2 небӧг 11:15

кӧні вӧлі гижӧма: «Мӧдӧд Урийӧс медся чорыд тышас. Асьныд вешйӧй сы дінысь, мед сійӧс виасны».

Ӧксыяслӧн 2 небӧг 12:9

Мыйла тэ нинӧмӧ пуктін Менсьым Индӧдӧс да вӧчин Ме водзын шогмытӧмсӧ? Тэ виин хеттей Урийӧс. Аммон войтырлӧн шыпурт улӧ тэ сетін сійӧс, а сылысь гӧтырсӧ босьтін аслыд гӧтырӧ.

Ӧксыяслӧн 2 небӧг 6:16

Кор Господьлысь кудсӧ пыртісны Давид карӧ, Сауллӧн Мелкола нылыс видзӧдіс ӧшиньӧдыс. Сійӧ аддзис, мый Давид ӧксы чеччалӧ-йӧктӧ Господь водзын, да омӧльтіс сійӧс ас пытшкас.

Псалтыр 12:2

Господьӧй, гашкӧ, Тэ дзикӧдз вунӧдін менӧ? Дыр-ӧ Тэ кутан тупкыны меысь Ассьыд чужӧмбантӧ?

Шусьӧгъяс 26:24

Мустӧмтысь сайӧдчӧ мелі кывъясыс сайӧ, но сьӧлӧмас ылӧгсӧ лӧсьӧдлӧ.

Шусьӧгъяс 26:25

Эн эскы сылы, мед кӧть и меліа сёрнитӧ, ӧд сійӧ тырӧма лёкнас.

Шусьӧгъяс 26:26

Мед кӧ сійӧ дзебӧ мустӧмтӧмсӧ, но йӧз водзын сылӧн лёклуныс воссяс.

Лыд 21:14

Та вӧсна Господьлӧн тышъяс йылысь небӧгын гижӧма:

Лыд 32:20

Мӧисей вочавидзис налы: «Ті кӧ вӧчанныд сідзи, кыдзи шуинныд, да Господь водзын босьтанныд шыпуртнытӧ, медым петны тышӧ,

Лыд 32:27

А ми, тэнад кесйӧгъяс, Господь водзын босьтам шыпуртнымӧс да петам тышӧ, кыдзи тэ, миян ыджыдным, тшӧктан».

Лыд 32:29

«Гад да Рувим пиян кӧ Господь водзын босьтасны шыпуртнысӧ, медым петны тышӧ, да мунасны тіянкӧд Йӧрдан ю сайӧ, и ті кӧ босьтанныд аслыныд Ханаан му, сэки сетӧй налы Галаад мусӧ.

Индӧд 17:7

Медводз мед изнас лыйӧны аддзылысь-висьталысьяс, а на бӧрын – мукӧдыс. Бырӧдӧй лёксӧ ас пӧвстсьыныд».

Ӧксыяслӧн 1 небӧг 14:49

Сауллысь пиянсӧ шуисны Ионафан, Ишви да Малкисуй. Нӧшта сылӧн вӧлі кык ныв: ыджыдыслӧн нимыс вӧлі Мерова, ичӧтыслӧн – Мелкола.

Ӧксыяслӧн 1 небӧг 17:25

Найӧ сёрнитісны: «Видзӧдлӧй, тайӧ мортыс петӧ, медым янӧдны Израильӧс. Сійӧс виысьлы ӧксы шуис козьнавны ыджыд озырлун, сетны сы сайӧ ассьыс нывсӧ да мездыны сылысь рӧдсӧ вот мынтӧмысь Израильын».

Ӧксыяслӧн 1 небӧг 17:36

Ме виавлі левӧс и ошкӧс. Тайӧ вундыштчытӧм филистимсаыскӧд тшӧтш тадзи лоӧ. Сійӧ ӧд увтыртӧ ловъя Енлысь тышкайӧзсӧ. [Ме муна да верма сійӧс, мед вештыны янӧдӧмсӧ Израиль вылысь. Тайӧ вундыштчытӧмыс миянлы некод.]»

Ӧксыяслӧн 1 небӧг 17:47

И тані ставныс тӧдмаласны, мый оз шыпуртӧн да шыӧн мезды Господь. Тайӧ тышыс Господьлӧн тыш, и Сійӧ сетас тіянӧс миян киӧ».

Ӧксыяслӧн 1 небӧг 18:21

Саул мӧвпыштіс: «Давидӧс тывйыштӧм могысь сета нылӧс сы сайӧ. Сэки Давид шедас филистимсаяслӧн киӧ». Сэсся шуис Давидлы: «Мӧд нылӧс сета тэныд, тэ лоан меным зятьӧн».

Ӧксыяслӧн 1 небӧг 18:25

Саул шуис налы: «Висьталӧй Давидлы, мый ӧксы некутшӧм дон оз босьт гӧтырпуысь, сӧмын кӧсйӧ, мед тэ вайин сылы сё филистимсалӧн чильган йывсьыс вундыштӧм кучикторсӧ – татшӧм ногӧн сійӧ водзӧс перъяс аслас вӧрӧглысь». Збыльвылас, ӧксы кӧсйис, мед филистимсаяс виасны Давидӧс.

Ӧксыяслӧн 1 небӧг 18:27

Урчитӧм лун вотӧдз Давид аслас йӧзкӧд муніс да виис кыксё филистимсаӧс. Налысь вундыштӧм кучикторсӧ Давид вайис Саул ӧксылы, медым лоны сылӧн зятьӧн. Сэки Саул сетіс Мелкола нывсӧ Давид сайӧ.

Ӧксыяслӧн 1 небӧг 25:28

Прӧстит менӧ збойлунысь. Тэ нуӧдан Господьлысь тышъяс, та вӧсна Сійӧ зумыдмӧдас тэнсьыд рӧдтӧ, ыджыдӧй. Став олӧм чӧжыд лёкыс оз су тэнӧ.

Ӧксыяслӧн 1 небӧг 30:26

Сиклагӧ воӧм бӧрын Давид мӧдӧдаліс шедӧдӧмторсьыс козинъяс Иуда войтырлӧн юрнуӧдысьяслы, аслас ёртъяслы. Давид тшӧктіс висьтавны, мый налы мӧдӧдӧмторсӧ мырддьӧма Господьӧс мустӧмтысьяслысь.