Ӧксыяслӧн 1 небӧг 18:12 - Коми Библия 2023

¹² Саул кутіс повны Давидысь, ӧд Господь вӧлі Давидкӧд, а Саулкӧд Господь эз нин вӧв.

Ӧксыяслӧн 1 небӧг 18:12 ပူးပေါင်းရင်းမြစ်များ

Ӧксыяслӧн 2 небӧг 5:10

Господь Ен Саваоф вӧлі Давидкӧд, та вӧсна сійӧ лои вына юралысьӧн.

2 Каднебӧг 17:3

Господь вӧлі Иосафаткӧд, ӧд сійӧ ветліс веськыд туйӧд, кыдзи сылӧн Давид пӧльыс вӧчис аслас медводдза ӧксыалан воясӧ. Иосафат эз юрбит Ваал идолъяслы,

Псалтыр 51:11

Енмӧй, кута помтӧг ошкыны Тэнӧ став уджсьыд. Тэнад эскана войтырыдкӧд понда лача кутны бур нимыд вылӧ.

Псалтыр 53:5

Локтысь йӧз кыпӧдчисны меным паныд, лёк вӧчысьяс корсьӧны босьтны менсьым олӧмӧс, Енсӧ найӧ нинӧм туйӧ пуктӧны.

Осий 9:12

Весиг кӧ быдтасны челядьнысӧ, Ме босьта найӧс. Курыд шог лоӧ Ефремлы, кор Ме бергӧдча сыысь.

Матвей 25:41

Сэсся шуйгаладорын сулалысьяслы Сійӧ шуас: ”Вешйӧй Ме дінысь, ёрӧмаяс. Мунӧй омӧльыслы да сылӧн анделъяслы дасьтӧм куслытӧм биӧ.

Марк 6:20

Ирӧд поліс Иоанысь, ӧд тӧдіс, мый Иоан веськыда олысь да вежа морт. Ирӧд дорйис Иоанӧс, унатор вӧчис сылысь кывзысьӧмӧн да окотапырысь кывзіс сійӧс.

Лука 8:37

Сэки Гадара муын олысьяс корисны Исусӧс мунны ас дінсьыныс, сэтшӧм ыджыд полӧм босьтіс найӧс. Исус пуксис пыжӧ да бӧр мӧдӧдчис.

Ап. уджъяс 24:25

Но кор Павел висьталіс веськыда олӧм йылысь, асьтӧ кутӧм да локтана мыждӧм йылысь, Феликсӧс полӧм босьтіс. Сійӧ шуис: «Ӧні мун. Кад кӧ лоӧ, корла на».

Ап. уджъяс 7:9

Найӧ вежалісны Ӧсиплы, та вӧсна вузалісны сійӧс Египетӧ. Но Енмыс вӧлі сыкӧд

Ёрдысьяс 1:19

Господь вӧлі Иуда чужанкотыркӧд. Найӧ босьтісны керӧсвыв му, но ковтысын олысьясӧс эз вермыны вӧтлыны, ӧд налӧн вӧліны кӧрт тарантасъяс.

Ёрдысьяс 16:20

Далида шуис: «Самсон, филистимсаяс локтӧны!» Самсон садьмис. Сійӧ мӧвпыштіс, мый воддза мозыс мынтӧдчас наысь. Но сійӧ эз тӧд, мый Господь эновтіс сійӧс.

Ӧксыяслӧн 1 небӧг 16:18

Сэки кесйӧгъяс пиысь ӧти шуис: «Ме аддзылі, мый Виплиемын олысь Ессейлӧн пиыс кужӧ бура ворсны. Сійӧ збой, оз пов тышӧ петны, мывкыд сёрниа, чужӧм-мыгӧрнас мича, дай Господь сыкӧд».

Ӧксыяслӧн 1 небӧг 16:4

Самуил вӧчис, кыдзи тшӧктіс сылы Господь. Кор сійӧ локтіс Виплиемӧ, карса юрнуӧдысьяс полігтыр вочаалісны сійӧс да юалісны: «Бур могӧн-ӧ локтін миян дінӧ?»

Ӧксыяслӧн 1 небӧг 18:15

Саул аддзис, мый Давид быдлаын вермӧ, та вӧсна поліс сыысь.

Ӧксыяслӧн 1 небӧг 18:20

Но Сауллӧн Мелкола нима мӧд нылыс кутіс радейтны Давидӧс. Кор Сауллы юӧртісны та йылысь, сылы нимкодь лои.

Ӧксыяслӧн 1 небӧг 18:29

Саул нӧшта на ёнджыка кутіс повны Давидысь. И став олӧм чӧжыс мустӧмтіс сійӧс.

Ӧксыяслӧн 1 небӧг 20:13

Господь мед ёна мыждас менӧ, ог кӧ ме юӧрт, мый батьӧй лёктор кӧсйӧ вӧчны тэныд, да ог кӧ отсав тэныд мунны лӧнь сьӧлӧмӧн. Господь мед лоас тэкӧд, кыдзи Сійӧ вӧлі менам батькӧд.

Ӧксыяслӧн 1 небӧг 22:13

Саул юаліс: «Мый вӧсна ті Ессей пикӧд сёрнитчинныд меным паныд? Тэ сетін сылы нянь да шыпурт, нӧшта корин Енмӧс туйдӧдны сійӧс, медым ӧні сійӧ меным паныд кыпӧдчис да тывйыштіс менӧ».

Ӧксыяслӧн 1 небӧг 28:15

Самуил шуис Сауллы: «Мыйла тэ менӧ вӧрӧдан, корин локны?» Саул вочавидзис: «Меным зэв сьӧкыд. Филистимсаяс тыш панісны, а Енмыс вешйис ме дінысь. Сійӧ оз вочавидз меным пророкъяс пыр ни вӧт пыр [ни петкӧдчылӧм пыр]. Ме кори тэнӧ, мед тэ висьталін, мый меным вӧчны».

Ӧксыяслӧн 1 небӧг 3:19

Самуил быдмис, Господь вӧлі сыкӧд. Ставсӧ, мый сійӧ висьтавліс Господь нимсянь, Господь збыльмӧдіс.