Ӧксыяслӧн 1 небӧг 17:51 - Коми Библия 2023

⁵¹ Давид котӧртіс Голиаф дінӧ, тувччис сы вылӧ кокнас, перйис сылӧн пуртӧсысь шыпуртсӧ да бытшкис сійӧс, а юрсӧ керыштіс. Кор филистимсаяс аддзисны, мый налӧн медся вына мортыс куліс, уськӧдчисны пышйыны.

Ӧксыяслӧн 1 небӧг 17:51 ပူးပေါင်းရင်းမြစ်များ

Ӧксыяслӧн 2 небӧг 23:21

Нӧшта сійӧ виис ыджыд тушаа египетсаӧс. Египетса кутіс киас шы, а Бенай петіс сылы паныд беддьӧн. Бенай мырддис египетсалӧн киысь шысӧ да бытшкис сійӧс.

Эсфир 7:10

Аманӧс ӧшӧдісны пу сюръя вылӧ, мый сійӧ дасьтіс Мардокейлы. Та бӧрын ӧксылӧн скӧрлуныс лӧнис.

Еврейяслы 11:34

кусӧдісны яр би, видзисны асьнысӧ шыпуртысь, вынтӧммиганыс найӧ ёнмылісны, тышын вӧліны вынаӧсь, йӧз муысь воысь тышкасьысьясӧс бӧр вӧтлісны асланыс муысь,

Еврейяслы 2:14

Тайӧ ныв-пиыслӧн эм вир-яй. Та вӧсна Кристос тшӧтш лоис на кодьӧн, медым кувлӧмнас бырӧдны омӧльӧс – кулӧмыс вылын ыджыдалысьӧс –

Ӧксыяслӧн 1 небӧг 17:50

Тадзи Давид вермис филистимсаӧс аслас из лыйлан кӧвйӧн. Давидлӧн эз вӧв шыпурт, но сійӧ виис филистимсаӧс.

Ӧксыяслӧн 1 небӧг 21:10

Сійӧ жӧ лунӧ Давид пышйис Саулысь. Локтіс гефса Акиш ӧксы дінӧ.

Ӧксыяслӧн 1 небӧг 21:9

Поп вочавидзис: «Эм шыпурт филистимса Голиафлӧн, кодӧс тэ ачыд виин тупуа ковтысын. Эстӧн ефод саяс, кӧлуй пытшкӧ гартыштӧма. Кӧсъян кӧ, босьт. Сы кындзи менам нинӧм абу». Давид воча шуис: «Таысь бурджыкыс оз сюр. Вай меным сійӧс». [Поп сетіс сылы.]

Ӧксыяслӧн 1 небӧг 31:9

Найӧ [бергӧдісны Сауллысь шойсӧ,] керыштісны сылысь юрсӧ, босьтісны шыпуртсӧ да мукӧд тышкасянторсӧ. Сэсся ставсӧ тайӧс новлӧдлісны Филистим му пасьтала да идолъяслы юрбитанінъясын став войтырыслы юӧртісны асланыс вермӧм йылысь.