Ӧксыяслӧн 1 небӧг 17:46 - Коми Библия 2023

⁴⁶ Талун Господь сетас тэнӧ менам киӧ. Ме виа тэнӧ, юртӧ керышта, и [тэнсьыд шойтӧ да] став филистимса тышкайӧзлысь шойсӧ сета лэбачьяслы да зверъяслы. Сэки став муыс тӧдмалас, мый Израильлӧн эм Ен.

Ӧксыяслӧн 1 небӧг 17:46 ပူးပေါင်းရင်းမြစ်များ

Олӧм 40:19

Куим лун мысти фараон кыпӧдас тшӧтш тэнӧ – ӧшӧдас пу вылӧ. И лэбачьяс кокаласны тэнӧ».

Ӧксыяслӧн 2 небӧг 18:28

«Ставыс бур!» – горӧдіс Ахимаас. Сэсся муӧдзыс копыртчӧмӧн шуис: «Ошкӧм Господьлы, тэнад Енлы! Сійӧ сетіс тэнад киӧ, ӧксыӧй-ыджыдӧй, паныд кыпӧдчысьястӧ».

Ӧксыяслӧн 2 небӧг 21:10

Аейлӧн Риспа нылыс босьтіс чорыд дӧра да вольсаліс аслыс керӧс вылӧ. Вундан кад заводитчӧмсянь зэралан кадӧдз сійӧ пукаліс керӧс вылын. Сэні видзис пияныслысь шойяссӧ, луннас – лэбачьясысь, а войнас – зверъясысь.

Ӧксыяслӧн 3 небӧг 8:43

сэки Тэ кыв сійӧс енэжсяньыд, Аслад оланінсянь. Кора Тэнӧ, вӧч йӧз муысь локтысьлӧн кевмӧм серти, медым мувывса войтыръяс тӧдісны Тэнсьыд нимтӧ да Тэнад Израиль войтырыд моз полісны-вежавидзисны Тэысь. Сэки найӧ тӧдмаласны, мый Тэнад нимлы сиӧма тайӧ крамсӧ, мый ме лэпті.

Ӧксыяслӧн 3 небӧг 8:60

Сэки му вылас олысь войтыръяс тӧдмаласны, мый Господь эм Ен, и мӧдыс абу.

Ӧксыяслӧн 4 небӧг 19:19

Ӧні, Господьӧй, миян Енмӧй, мезды миянӧс Сеннахирим киысь. Мувывса став войтыръяс мед тӧдмаласны, мый Тэ, Господьӧй, ӧти Ен».

Ӧксыяслӧн 4 небӧг 5:15

Нееман аслас йӧзкӧд бӧр локтіс Енлӧн морт дінӧ, сувтіс сы водзӧ да шуис: «Ӧні ме тӧда, мый му вылас эм сӧмын ӧти Ен – тайӧ Израильлӧн Ен. Босьт месянь, аслад кесйӧгсянь, тайӧ козинсӧ».

Псалтыр 31:8

«Ме велӧда тэнӧ, – шуӧ Господь, – петкӧдла тэныд колана туйсӧ. Ме туйдӧда тэнӧ, Менам синмӧй видзӧдӧ тэ бӧрся.

Псалтыр 46:10

Войтыръяслӧн юралысьяс чукӧртчӧны Ен войтыр дінӧ, тайӧ войтырыс кесъялӧ Ӧвраамлӧн Енлы. Мувывса став веськӧдлысьыс Енмыслӧн, Сійӧ юралӧ-ыджыдалӧ на вылын.

Петӧм 9:16

но Ме тэнӧ ловйӧн коля. Тадзи Ме петкӧдла тэныд Ассьым вынӧс, медым Менсьым нимӧс тӧдісны став му пасьталаыс.

Исай 37:20

Ӧні, Господьӧй, миян Енмӧй, мезды миянӧс Сеннахирим киысь. Мувывса став войтыръяс мед тӧдмаласны, мый Тэ, Господьӧй, ӧти Ен».

Исай 52:10

Став войтыръяслӧн син водзын Господь петкӧдліс Аслас вежа килысь вынсӧ. Му помын олысьяс ставныс аддзасны миян Енсянь мездӧмсӧ.

Исай 56:9

Мувывса став зверыс, вӧрса став пемӧсыс, локтӧй, сёйӧй!

Еремей 19:7

Тані Ме бырӧда Иуда войтырлысь да Ерусалимын олысьяслысь кӧсйӧмсӧ. Ме сета найӧс вӧрӧглӧн шыпурт улӧ, и найӧ куласны налысь олӧмсӧ босьтны кӧсйысьяслӧн ки помысь. Налысь шойяссӧ Ме шыбита кырныш-варышлы да зверъяслы.

Еремей 34:20

вӧрӧг киӧ, сійӧ йӧзыслы, кодъяс корсьӧны босьтны налысь олӧмсӧ. Налӧн шойясӧн кутасны пӧткӧдчыны кырныш-варыш да зверъяс.

Даниил 2:47

Ӧксы шуис Данииллы: «Збыльысь, тіян Енныд – енъяслӧн Ен да ӧксыяслӧн Ыджыдыс. Сійӧ – гусятор Восьтысь, ӧд тэ вермин восьтны тайӧ гусяторсӧ».

Даниил 3:29

Ми мыж вӧчим, лёк вӧчим, Тэысь кежим, быдторйын мыжмим.

Матвей 24:28

Кӧні шой, сэтчӧ чукӧртчасны кутшъяс».

Индӧд 28:26

Шойяснытӧ кутасны сёйны кутшъяс да зверъяс, и некод найӧс оз вӧтлав.

Индӧд 7:2

Но Господь, тіян Енныд, сетас найӧс тіян киӧ, и ті пасьвартанныд найӧс. Дзикӧдз бырӧдӧй найӧс. Энӧ кӧрталӧй накӧд йитӧд, энӧ лоӧй бур сьӧлӧмаӧсь на дінӧ.

Индӧд 7:23

Господь, тіян Енныд, сетас войтыръясӧс тіян киӧ, вайӧдас найӧс ыджыд шызьӧмӧдз, мый вӧсна найӧ бырасны.

Нав Исус 10:8

Господь шуис Исуслы: «Эн пов аморейясысь, Ме сета найӧс тэнад киӧ. На пӧвстысь некод оз вермы водзсасьны тэкӧд».

Нав Исус 4:24

Господь вӧчис тадзи, медым му вылын олысь войтыръяс тӧдмалісны, мый Сылӧн киыс вына, и медым ті став олан лунъяс чӧжныд полінныд Господьысь, асланыд Енмысь».

Ӧксыяслӧн 1 небӧг 14:6

Ионафан шуис аслас кесйӧглы: «Лок мунам тайӧ вундыштчытӧм тышкакотырыс дінӧ. Гашкӧ, Господь отсалас миянлы. Сійӧ вермӧ мездыны Ассьыс войтырсӧ уна йӧз пыр либӧ некымын морт пыр».

Ӧксыяслӧн 1 небӧг 17:44

Сэсся шуис Давидлы: «Матыстчы ме дінӧ, и ме сета тэнсьыд шойтӧ лэбачьяслы да зверъяслы».