Ӧксыяслӧн 1 небӧг 17:32 - Коми Библия 2023

³² Давид шуис Сауллы: «Мед некод ловнас оз усь тайӧ мортыс понда. Ме, тэнад кесйӧг, пета вермасьны тайӧ филистимсаыскӧд».

Ӧксыяслӧн 1 небӧг 17:32 ပူးပေါင်းရင်းမြစ်များ

Псалтыр 3:6

Ме вода, узя да чечча, ӧд Господь видзӧ менӧ.

Исай 35:4

Полысь сьӧлӧмаяслы шуӧй: «Лоӧй зумыдӧсь, энӧ полӧй! Тіян Енныд локтас да водзӧсӧн мынтысяс, Енмыс водзӧс перъяс тіян вӧсна. Сійӧ локтас да мездас тіянӧс».

Исай 7:4

Висьтав Ахазлы, мед лӧняс да оз майшась. Сылӧн лолыс мед оз нюкыртчы тайӧ тшыналысь кык сэрапомлӧн скӧралӧмысь. Мед оз пов Рецинысь да арамейясысь, мед оз пов Ремальлӧн пиысь.

Лыд 13:30

Негев муын олӧны амаликъяс, керӧсвыв муын олӧны хеттейяс, [хивейяс,] евуссаяс да аморейяс, а саридз бокын да Йӧрдан ю бокын олӧны ханаансаяс».

Лыд 14:9

Энӧ кыпӧдчӧй Господьлы паныд! И сэтчӧс войтырысь энӧ полӧй! Няньӧс моз ми ньылыштам найӧс! Дорйысьыс налӧн абу, а миянкӧд Господь. Энӧ полӧй наысь!»

Еврейяслы 12:12

Сідзкӧ, ёнмӧдӧй лигышмунӧм кинытӧ да жебмӧм кокнытӧ!

Нав Исус 14:12

Сет меным керӧсвыв мусӧ, мый йылысь сэки висьтавліс Господь. Тэ ачыд кывлін, мый сэні ыджыд да зумыд каръясын олӧ енак войтыр. Господь кӧ лоӧ мекӧд, ме вӧтла найӧс, кыдзи шуис Господь».

Ӧксыяслӧн 1 небӧг 14:6

Ионафан шуис аслас кесйӧглы: «Лок мунам тайӧ вундыштчытӧм тышкакотырыс дінӧ. Гашкӧ, Господь отсалас миянлы. Сійӧ вермӧ мездыны Ассьыс войтырсӧ уна йӧз пыр либӧ некымын морт пыр».

Ӧксыяслӧн 1 небӧг 16:18

Сэки кесйӧгъяс пиысь ӧти шуис: «Ме аддзылі, мый Виплиемын олысь Ессейлӧн пиыс кужӧ бура ворсны. Сійӧ збой, оз пов тышӧ петны, мывкыд сёрниа, чужӧм-мыгӧрнас мича, дай Господь сыкӧд».

Ӧксыяслӧн 1 небӧг 17:31

Йӧзыс кывлісны Давидлысь юасьӧмсӧ да висьталісны та йылысь Сауллы. Саул корис сійӧс ас дінас.