Ӧксыяслӧн 1 небӧг 16:22 - Коми Библия 2023

²² А Ессей дінӧ Саул мӧдӧдіс висьтавны, мед лэдзас Давидӧс кольччыны сы ордӧ да кесъявны сылы, ӧд Давид воис сылы сьӧлӧм вылас.

Ӧксыяслӧн 1 небӧг 16:22 ပူးပေါင်းရင်းမြစ်များ

Олӧм 30:27

Лаван шуис сылы: «Ло бур сьӧлӧма, кывзы менӧ! Ӧні ме тӧда, мый тэ вӧсна Господь бурсиис менӧ.

Олӧм 39:4

Ӧсип бура кесъяліс ыджыдыслы, та вӧсна воис сылы сьӧлӧм вылас. Ыджыдыс пуктіс сійӧс веськӧдлыны аслас керкаӧн да став эмбурсӧ сетіс сы киӧ.

Псалтыр 131:1

Крамӧ мунігӧн сьылӧм. Господьӧй, эн вунӧд Давидӧс, эн вунӧд сылысь сьӧкыд нуӧмсӧ.

Даниил 1:5

тшӧктіс быд лун вердны-юктӧдны найӧс сёянӧн да винаӧн, мый сійӧ ачыс сёйліс-юліс. Куим во чӧж велӧдчӧм бӧрын налы колӧ вӧлі кесъявны ӧксылы.

Индӧд 1:38

но Навлӧн Исус пиыс, коді отсасьӧ тэныд, пырас сэтчӧ. Ышӧд сійӧс, ӧд сылы ковмас пыртны Израиль войтырӧс налы сетӧм муӧ.

Ӧксыяслӧн 1 небӧг 16:21

Давид локтіс Саул дінӧ да кутіс кесъявны сылы. Сауллы Давид ёна воис сьӧлӧм вылас, весиг пуктіс сійӧс шыпурт новлӧдлысьӧ.

Ӧксыяслӧн 1 небӧг 16:23

Кор Ен ыстыліс пеж лолӧс Саул вылӧ, Давид босьтліс гусли да ворсіс. Сэки долыдмыліс Сауллӧн лолыс, сылы вӧлі бурджык, и пеж лов эновтліс сійӧс.