Ӧксыяслӧн 1 небӧг 16:19 - Коми Библия 2023

¹⁹ Саул мӧдӧдіс юӧртысьясӧс Ессей дінӧ да тшӧктіс висьтавны, мед мӧдӧдас ыж видзысь Давид писӧ сы дінӧ.

Ӧксыяслӧн 1 небӧг 16:19 ပူးပေါင်းရင်းမြစ်များ

Ӧксыяслӧн 3 небӧг 19:19

Илля петіс туйӧ. Мунігмозыс сійӧ аддзис Шафатлысь Елисей писӧ, коді вӧлі гӧрӧ. Елисей водзвылын восьлалісны дас кык гоз ӧш, ачыс сійӧ гӧрис дас кыкӧд гознас. Елисей дінті мунігӧн Илля шыбитіс сы вылӧ ассьыс кышансӧ.

Псалтыр 113:8

Изкыртаысь Сійӧ вӧчӧ ты, изйысь – ва петанін.

Амос 1:1

Тайӧ кывъясыс Амослӧн, коді рӧдмӧдіс ыжъясӧс Текояын. Сійӧ аддзыліс Израиль йылысь петкӧдчылӧм, тайӧ вӧлі му вӧрӧмӧдз кык воӧн водзджык. Сэки Иуда муын юраліс Озей ӧксы, а Израиль муын – Еровам ӧксы, Йоаслӧн пиыс.

Ӧксыяслӧн 1 небӧг 16:11

Сэки Самуил юаліс Ессейлысь: «Став пияныд-ӧ танӧсь?» Ессей вочавидзис: «Медічӧт пи на эм. Сійӧ ыжъясӧс видзӧ». Самуил шуис: «Мӧдӧд сыла. Ми огӧ пуксьӧй сёйны, кытчӧдз сійӧ оз лок».

Ӧксыяслӧн 1 небӧг 16:18

Сэки кесйӧгъяс пиысь ӧти шуис: «Ме аддзылі, мый Виплиемын олысь Ессейлӧн пиыс кужӧ бура ворсны. Сійӧ збой, оз пов тышӧ петны, мывкыд сёрниа, чужӧм-мыгӧрнас мича, дай Господь сыкӧд».

Ӧксыяслӧн 1 небӧг 16:20

Ессей пуктіс осёл вылӧ нянь, кучик дозйын вина, ӧти кӧзапи да ставсӧ тайӧс мӧдӧдіс Давид пиыскӧд Сауллы.

Ӧксыяслӧн 1 небӧг 17:15

а Давид кадысь кадӧ ветлывліс Саул дінысь Виплиемӧ видзны батьыслысь ыжъяссӧ.