Ӧксыяслӧн 1 небӧг 16:16 - Коми Библия 2023

¹⁶ Ыджыдӧй, тшӧкты кесйӧгъясыдлы корсьны мортӧс, коді кужӧ ворсны гуслиӧн. Кор Енмыс ыстас тэ вылӧ пеж лолӧс, сэки гуслиӧн ворсысь лӧньӧдас тэнӧ ворсӧмнас».

Ӧксыяслӧн 1 небӧг 16:16 ပူးပေါင်းရင်းမြစ်များ

Олӧм 41:46

Ӧсиплы вӧлі комын арӧс, кор сійӧ кутіс кесъявны фараонлы, египетса ӧксылы. Фараон дінысь петӧм бӧрын Ӧсип кытшовтіс ставнас Египет мусӧ.

Ӧксыяслӧн 3 небӧг 10:8

Шудаӧсь тэнад йӧзыд да тэнад кесйӧгъясыд, кодъяс век тэкӧд орччӧнӧсь да кылӧны тэнсьыд мывкыд сёрнитӧ.

Ӧксыяслӧн 4 небӧг 3:15

Сэсся Елисей тшӧктіс вайӧдны гуслиӧн ворсысьӧс. Сылӧн ворсігӧн Господьлӧн вына киыс инмӧдчис Елисей дінӧ.

Ӧксыяслӧн 1 небӧг 10:5

Та бӧрти тэ воан Енлӧн керӧс вылӧ, кӧні сулалӧны филистимса тышкайӧз [асланыс юралысьяскӧд]. Карас пыригад тэ паныдасян вись ваян мыльк вылысь лэччысь пророкъяскӧд. Ставныс найӧ пророкалӧны, а на водзвылын мунӧны арфаӧн, тимпанӧн, пӧлянӧн да гуслиӧн ворсысьяс.

Ӧксыяслӧн 1 небӧг 16:14

Саул дінысь Господьлӧн Лолыс вешйис. Господь ыстіс пеж лолӧс, и сійӧ кутіс топӧдны Саулӧс.

Ӧксыяслӧн 1 небӧг 16:15

Сауллӧн кесйӧгъяс шуисны сылы: «Енмӧн ыстӧм пеж лов песлӧдлӧ тэнӧ.

Ӧксыяслӧн 1 небӧг 16:17

Саул шуис кесйӧгъясыслы: «Корсьӧй меным гуслиӧн бура ворсысьӧс да вайӧдӧй сійӧс ме дінӧ».

Ӧксыяслӧн 1 небӧг 18:10

Мӧд луннас Енмӧн ыстӧм пеж лов уськӧдчис Саул вылӧ. Саул пондіс йӧйтавны аслас керкаын, а Давид воддза мозыс ворсіс гуслиӧн. Сауллӧн киас вӧлі шы.

Ӧксыяслӧн 1 небӧг 19:9

Сэсся Енмӧн ыстӧм пеж лов бара уськӧдчис Саул вылӧ. Саул пукаліс гортас, киас кутіс шы, а Давид ворсіс гуслиӧн.