Ӧксыяслӧн 1 небӧг 16:13 - Коми Библия 2023

¹³ Самуил босьтіс вый тыра доз да мавтыштіс Давидӧс сылӧн вокъяс водзын. Сэки Господьлӧн Лов лэччис Давид вылӧ и сійӧ лунсяньыс вӧлі Давидкӧд. Сэсся Самуил бӧр муніс Рама карӧ.

Ӧксыяслӧн 1 небӧг 16:13 ပူးပေါင်းရင်းမြစ်များ

Ӧксыяслӧн 2 небӧг 12:7

Нафан шуис Давидлы: «Тайӧ мортыс [коді вӧчис татшӧмторсӧ] – тэ. Та вӧсна Господь, Израильлӧн Ен, тадзи висьталӧ: ”Ме мавтыштӧмӧн пукті тэнӧ Израиль войтырлы ӧксыӧ. Ме мезді тэнӧ Саул киысь.

Ӧксыяслӧн 2 небӧг 2:4

Сэтчӧ локтісны Иуда чужанкотырысь йӧз да мавтыштӧмӧн пуктісны Давидӧс аслыныс ӧксыӧ. Давидлы висьталісны, мый Галаад муын Явис карса олысьяс дзебӧмаӧсь Саулӧс.

Ӧксыяслӧн 2 небӧг 23:1

Давидлӧн бӧръя кывъясыс: – Висьталӧ Давид, Ессейлӧн пи, Израильлӧн муса сьылысь. Енмӧн вылӧ пуктӧма, Яковлӧн Енмӧн мавтыштӧма.

Ӧксыяслӧн 2 небӧг 5:3

Хевронын Господь водзын Давид кӧрталіс израильса юрнуӧдысьяскӧд йитӧд. Найӧ мавтыштӧмӧн пуктісны Давидӧс Израиль войтырлы ӧксыӧ.

Ӧксыяслӧн 4 небӧг 9:6

Еху чеччис да пырис сыкӧд керкаас. Сэні пророк-велӧдчысь кисьтіс сылы юр вылас вый да шуис: «Господь, Израильлӧн Ен, тадзи висьталӧ: ”Ме мавтышта тэнӧ ӧксыӧ Господьлӧн войтырлы – Израильлы.

1 Каднебӧг 11:3

Хевронын Господь водзын Давид кӧрталіс израильса юрнуӧдысьяскӧд йитӧд. Найӧ мавтыштӧмӧн пуктісны Давидӧс Израиль войтырлы ӧксыӧ. Тадзи иніс Самуил пыр висьталӧм Господьлӧн кывйыс.

Лыд 11:17

Ме лэчча да кута сёрнитны сэні тэкӧд. Тэ вылысь Ловсӧ Ме юкла да пукта тшӧтш на вылӧ. Сэки найӧ тэкӧд ӧтвылысь пондасны нуны войтыр вӧсна сьӧкыдсӧ, а он нин тэ ӧтнад.

Лыд 27:18

Господь шуис Мӧисейлы: «Менам Лолӧй Навлӧн Исус пи пытшкын. Пуктыв сы вылӧ китӧ.

Иоан 3:34

Кодӧс Енмыс мӧдӧдіс, Сійӧ Енлысь кывъяссӧ висьталӧ, ӧд Енмыс Сылы лышкыда Ловсӧ сетӧ.

Ап. уджъяс 13:22

Саулӧс вештӧм бӧрын пуктіс налы ӧксыӧ Давидӧс. Сы йылысь шуӧма: ”Ме аддзи Давидӧс, Ессейлысь писӧ, сійӧ Меным сьӧлӧм серти. Сійӧ пӧртас олӧмӧ Менсьым став кӧсйӧмӧс”.

Еврейяслы 1:9

Веськыдлуныс Тэныд муса, а лёксӧ Тэ мустӧмтан. Та вӧсна Тэнад Енмыд мавтыштіс Тэнӧ, Енмӧй, нимкодьлунӧн мукӧд дорысь ёнджыка на.

Еврейяслы 11:32

Мый нӧшта содтыны татчӧ? Кадыс меным оз тырмы висьтавны Гедеон, Варак, Самсон, Еффай, Давид, Самуил да [мукӧд] пророкъяс йылысь.

Ёрдысьяс 11:29

Господьлӧн Лов лэччис Еффай вылӧ. Еффай вуджис Галаад да Манассей муяс. Сэсся бӧр бергӧдчис Галаад муӧ Мицфе карӧ да сэтысянь петіс аммонсаяслы паныд тышӧ.

Ёрдысьяс 13:25

Кор Самсон оліс Махане-Данын, Цора да Эштаол каръяс костын, Господьлӧн Лолыс кутіс ышӧдны сійӧс Израильӧс мездӧм вылӧ.

Ёрдысьяс 14:6

Господьлӧн Лолыс лэччис Самсон вылӧ, и Самсон куш кинас косявліс левӧс кӧзапиӧс моз. Но тайӧ лоӧмтор йывсьыс бать-мамыслы эз висьтав.

Ёрдысьяс 3:10

Господьлӧн Лолыс вӧлі Отниэл вылын. Сійӧ вӧлі ёрдысь и Израиль войтырӧн веськӧдлысь. Отниэл петіс тышӧ, и Господь сетіс сылӧн киӧ Месопотамияысь Кушан-Ришатаим ӧксыӧс. Тадзи Кушан-Ришатаим шедіс Отниэллӧн кипод улӧ.

Ӧксыяслӧн 1 небӧг 1:19

Мӧд асывнас Элкан водз чеччис аслас гортсаяскӧд. Господьлы юрбитӧм бӧрын найӧ мӧдӧдчисны гортаныс Рамаӧ. Локтӧм бӧрас Элкан узис Аннакӧд, и Господь вочавидзис Анналӧн кевмысьӧм вылӧ.

Ӧксыяслӧн 1 небӧг 10:1

Самуил босьтіс вый тыра доз да кисьтіс Сауллы юр вылас. Сэсся окыштіс сійӧс да шуис: «Господь мавтыштӧма тэнӧ, мед пуктыны тэнӧ юралысьӧ Аслас войтырлы [Израильын. Тэ лоан ӧксыӧн Господьлӧн войтырлы, мездан найӧс на гӧгӧр олысь вӧрӧгъясысь. Со, тэныд пас, мый Ачыс Господь мавтыштӧма тэнӧ ӧксыӧ, мед веськӧдлыны Сылӧн войтырӧн].

Ӧксыяслӧн 1 небӧг 10:6

Господьлӧн Лолыс лэччас тэ вылӧ, и накӧд тшӧтш тэ кутан пророкавны да лоан мӧдпӧлӧс мортӧн.

Ӧксыяслӧн 1 небӧг 11:6

Тайӧс кылӧм бӧрын Енлӧн Лов лэччис Саул вылӧ, сы пытшкын кыптіс скӧрлун.

Ӧксыяслӧн 1 небӧг 16:18

Сэки кесйӧгъяс пиысь ӧти шуис: «Ме аддзылі, мый Виплиемын олысь Ессейлӧн пиыс кужӧ бура ворсны. Сійӧ збой, оз пов тышӧ петны, мывкыд сёрниа, чужӧм-мыгӧрнас мича, дай Господь сыкӧд».

Ӧксыяслӧн 1 небӧг 18:12

Саул кутіс повны Давидысь, ӧд Господь вӧлі Давидкӧд, а Саулкӧд Господь эз нин вӧв.

Ӧксыяслӧн 1 небӧг 2:35

Аслым Ме сувтӧда попӧс, коді кутас кывзысьны Менсьым да збыльмӧдны Менсьым кӧсйӧмӧс. Сылысь рӧдсӧ вӧча зумыдӧн. Став олӧм чӧжыс сійӧ кутас кесъявны Менам мавтыштӧма водзын.