Ӧксыяслӧн 1 небӧг 16:12 - Коми Библия 2023

¹² Ессей мӧдӧдіс кесйӧгсӧ, и сійӧ вайӧдіс Давидӧс. Давид вӧлі банйӧм чужӧма, югыд синма мича зон. Господь шуис Самуиллы: «Чеччы да мавтышт сійӧс. Тайӧ – сійӧ мортыс».

Ӧксыяслӧн 1 небӧг 16:12 ပူးပေါင်းရင်းမြစ်များ

Олӧм 39:6

Ыджыдыс сетіс ставсӧ Ӧсип киӧ, сылы аслыс коли сӧмын сёйны-юны. Чужӧм-мыгӧрнас Ӧсип вӧлі мича.

Ӧксыяслӧн 2 небӧг 23:1

Давидлӧн бӧръя кывъясыс: – Висьталӧ Давид, Ессейлӧн пи, Израильлӧн муса сьылысь. Енмӧн вылӧ пуктӧма, Яковлӧн Енмӧн мавтыштӧма.

Ӧксыяслӧн 2 небӧг 7:8

Висьтав Менам Давид кесйӧглы, мый шуӧ Господь Саваоф. Ме босьті тэнӧ ыж йирсянінысь, кӧні тэ видзин ыжъясӧс, да пукті ӧксыӧ Аслам Израиль войтырлы.

Ӧксыяслӧн 3 небӧг 1:34

Сэні Садок поп да Нафан пророк мед мавтыштӧмӧн пуктасны сійӧс ӧксыӧ Израильлы. Сэсся буксан шы улӧ гораа горзӧй: ”Мед олас Соломон ӧксы!”

Псалтыр 2:2

Мувывса ӧксыяс ӧтувтчӧны, ыджыдалысьяс кыпӧдчӧны Господьлы паныд да Сылӧн Мавтыштӧмалы паныд, шуӧны:

Псалтыр 2:6

«Ме мавтышті Ассьым Ӧксыӧс да сувтӧді Сійӧс Сионӧ, Менам вежа керӧс вылӧ».

Петӧм 2:2

Гӧтырыс сылӧн кынӧмасис да чужтіс пиӧс. Кагаыс вӧлі зэв мичаник, и мамыс куим тӧлысь чӧж дзеблаліс сійӧс.

Сьылан 5:10

– Менам мусукӧй вына, сійӧ банйӧм чужӧма, дас сюрсысь сы кодьыс оз сюр.

Бӧрданкыв 4:7

Сионса юралысьяс лымйысь на сӧстӧмӧсь, йӧлысь на еджыдӧсь вӧліны. Налӧн кучикыс вӧлі коралл рӧма, найӧ дзирдалісны сапфир моз.

Закар 4:14

Андел висьталіс: «Тайӧ индӧ кык мавтыштӧм морт вылӧ. Найӧ кесъялӧны Господьлы, коді ыджыдалӧ став му вылас».

Ап. уджъяс 4:27

Тайӧ карас Ирӧд да Понтий Пилат збыльысь ӧтувтчисны ентӧдтӧмъяскӧд да Израиль войтыркӧд, сувтісны Тэнад Мавтыштӧмалы, Тэнад вежа Исус Пиыдлы паныд.

Ап. уджъяс 7:20

Сійӧ кадас чужис Мӧисей. Ен син водзын сійӧ вӧлі зэв мича. Куим тӧлысь чӧж сійӧс быдтісны бать керкаас.

Еврейяслы 11:23

Эскӧмӧн Мӧисейлӧн бать-мамыс дзеблалісны сійӧс чужӧм бӧрас куим тӧлысь чӧж. Найӧ аддзисны, мый кагаыс зэв мича, да эз повзьыны ӧксылӧн тшӧктӧмысь.

Ӧксыяслӧн 1 небӧг 16:18

Сэки кесйӧгъяс пиысь ӧти шуис: «Ме аддзылі, мый Виплиемын олысь Ессейлӧн пиыс кужӧ бура ворсны. Сійӧ збой, оз пов тышӧ петны, мывкыд сёрниа, чужӧм-мыгӧрнас мича, дай Господь сыкӧд».

Ӧксыяслӧн 1 небӧг 17:42

Кор Голиаф аддзис Давидӧс, нинӧмӧ пуктіс тайӧ томиник, банйӧм чужӧма мича зонсӧ.

Ӧксыяслӧн 1 небӧг 17:55

Кор Давид петіс филистимсалы паныд, Саул юаліс тышкайӧзӧн веськӧдлысьыслысь: «Авенир, тайӧ том зонкаыс кодлӧн пиыс?» Авенир вочавидзис: «Ӧксыӧй, ме збыльысь ог тӧд».

Ӧксыяслӧн 1 небӧг 9:17

Кор Самуил аддзис Саулӧс, Господь шуис сылы: «Со, тайӧ мортыс йылысь Ме висьтавлі тэныд. Сійӧ кутас веськӧдлыны Менам войтырӧн».