Ӧксыяслӧн 1 небӧг 15:33 - Коми Библия 2023

³³ Но Самуил шуис: «Кыдзи тэ аслад шыпуртӧн виалін мамъяслысь челядьсӧ, тадзи тэнад мамыд воштас ассьыс писӧ». Сэсся кераліс Агагӧс Господь водзын Галгалын.

Ӧксыяслӧн 1 небӧг 15:33 ပူးပေါင်းရင်းမြစ်များ

Олӧм 9:6

Коді кисьтас мортлысь вир, сылысь вирсӧ тшӧтш кисьтасны, ӧд мортсӧ вӧчӧма Ен кодьӧн.

Ӧксыяслӧн 3 небӧг 18:40

Илля шуис войтырыслы: «Босьтӧй Вааллысь пророкъяссӧ, энӧ лэдзӧй некодлы пышйыны». Вааллысь пророкъяссӧ босьтісны. Сэсся Илля нуӧдіс найӧс Кишон ю дорӧ да сэні ставнысӧ виис.

Петӧм 17:11

Кор Мӧисейлӧн киыс вӧлі лэптӧма, сэки вермывліс Израиль, а кор сійӧ кисӧ лэдзліс, вермывлісны амаликъяс.

Петӧм 21:24

синмысь син, пиньысь пинь, киысь ки, кокысь кок.

Исай 34:6

Господьлӧн шыпуртыс дзоньнас вирӧсь, сэтчӧ сибдӧма гос – тайӧ ыжъяслӧн да кӧзаяслӧн вирыс да межъяслӧн вӧрквывса госыс. Восораын Господьлы вись вайӧны, Эдом му вылын уна пемӧс начкӧны.

Еремей 18:21

Господьӧй, меным паныд сувтысьяслӧн пияныс мед тшыгъяласны, найӧ мед куласны шыпуртысь. Налӧн гӧтыръясныс мед лоӧны дӧваясӧн, найӧ мед воштасны челядьнысӧ. Меным паныд сувтысьясӧс мед суас кулӧм, налӧн зонъясыс тышын мед куласны шыпуртысь.

Еремей 48:10

Ёрӧма быдӧнӧс, коді дышпырысь кесъялӧ-уджалӧ Господьлы. Ёрӧма быдӧнӧс, коді падмӧдӧ Господьлысь шыпуртсӧ вир кисьтӧмысь.

Осий 6:5

Та вӧсна Ме нӧйтлі тіянӧс пророкъяс пыр, Аслам кывъясӧн виавлі тіянӧс. Менам веськыда мыждӧмӧй югдӧдысь югӧр кодь.

Лыд 14:45

Керӧсвыв муын олысь амаликъяс да ханаансаяс уськӧдчисны израильсаяс вылӧ, пасьвартісны найӧс да вӧтӧдісны Хормаӧдз. [Ловйӧн кольӧмаяс бӧр бергӧдчисны асланыс чомъясӧ.]

Матвей 7:2

Ӧд тіян мыждӧмныд ас выланыд бӧр воас. Асланыд мурталӧм серти тіянлы мурталасны.

Яков 2:13

Ӧд буралӧмыд ёна ыджыдджык мыждӧм дорысь. Но коді оз ло бур сьӧлӧма мӧд дінӧ, сійӧс лоӧ мыждӧма бурсьӧлӧмтчытӧг.

Восьтӧм 16:6

Йӧзыс кисьтісны вежа войтырлысь да пророкъяслысь вирсӧ, та вӧсна Тэ юктӧдан найӧс вирӧн, мынтысян налы уджъясныс серти.

Восьтӧм 18:6

Мынтысьӧй сылы сійӧн жӧ, мыйӧн ачыс мынтысис тіянлы. Кык пӧвстӧн мынтысьӧй сылӧн уджъяссьыс. Чашаас, кытысь сійӧ юкталіс тіянӧс, дасьтӧй сылы винасӧ кык пӧв курыдджыкӧс на.

Ёрдысьяс 1:7

Везекса ӧксы шуис: «Сизимдас ӧксылысь ки-коксьыс певсӧ ме керыштлі, и найӧ менам пызан улысь торпыригсӧ чукӧртлісны. Ӧні Енмыс менсьым водзӧс перйис». Сійӧс вайӧдісны Ерусалимӧ, сэні сійӧ куліс.

Ӧксыяслӧн 1 небӧг 10:8

Сэсся мун Галгалӧ. Ме локта сэтчӧ тэ дінӧ, мед вайны сотан да бурасян висьяс. Виччысь менӧ сэні сизим лун. Ме локта да висьтала, мый тэныд вӧчнысӧ».

Ӧксыяслӧн 1 небӧг 15:32

Самуил тшӧктіс вайӧдны сы дінӧ амаликъяслысь Агаг ӧксысӧ. Агаг тіралӧмӧн матыстчис Самуил дінӧ, мӧвпаліс, мый кулӧмыс оз су сійӧс.