Ӧксыяслӧн 1 небӧг 15:3 - Коми Библия 2023

³ Ӧні мун да пасьварт амаликъясӧс [да ерим войтырӧс]. Бырӧд ставсӧ, мый налӧн эм. [Эн босьт аслыд нинӧм, но бырӧд ставсӧ да сет ёрӧм улӧ.] Эн жалит найӧс, виав айуловӧс и аньясӧс, челядьӧс и пузчужӧм кагаясӧс. Виав тшӧтш налысь ӧшъяссӧ, ыжъяссӧ, верблюдъяссӧ да осёлъяссӧ”».

Ӧксыяслӧн 1 небӧг 15:3 ပူးပေါင်းရင်းမြစ်များ

Олӧм 36:12

Элифазлӧн Тимна нима кесйӧг-гӧтырыс чужтіс сылы Амаликӧс. Тайӧ вӧліны Исавлӧн Ада гӧтырсянь чужысьяс.

Ӧксыяслӧн 2 небӧг 1:8

и ме шыаси. Сійӧ юаліс, коді ме. Ме шуи, мый ме амалик войтырысь.

Петӧм 17:14

Господь шуис Мӧисейлы: «Гиж тайӧс небӧгӧ, медым эз вун, да висьтав Исуслы, мый Ме бырӧда амаликъясӧс да вушта амалик нимсӧ енэж улысь».

Петӧм 20:5

Эн копрась да эн юрбит налы, ӧд Ме, Господь, тэнад Ен – вежӧгтысь Ен. Батьныслӧн мыж вӧсна Ме водзӧс перъя Менӧ мустӧмтысь челядьыслысь коймӧд да нёльӧд чужанвужйӧдз.

Лыд 24:20

Валаам аддзис амаликъясӧс да шуис татшӧм кывъяс: – Войтыръяс пӧвстын амалик войтыр медводдзаыс, но сійӧс виччысьӧ дзикӧдз бырӧдӧм!

Лыд 31:17

Сідзкӧ, виӧй став зонпоснисӧ. Виӧй тшӧтш аньясӧс, кодъяс узьлісны айуловкӧд.

Нав Исус 10:39

Найӧ босьтісны Девир кар да сэтчӧс став кар-сиктсӧ. Виалісны шыпуртӧн ӧксыӧс да сэтчӧс став ловъя олысьсӧ. Хеврон да Ливна каръясӧс да сэтчӧс ӧксыясӧс моз Исус дзикӧдз бырӧдіс Девир кар да сэтчӧс ӧксыӧс.

Ӧксыяслӧн 1 небӧг 14:48

Амаликъясӧс пасьвартӧмнас Саул петкӧдліс ассьыс вынсӧ. Сійӧ мездіс Израильӧс куштысьяс киысь.

Ӧксыяслӧн 1 небӧг 15:18

Господь мӧдӧдіс тэнӧ тыш вылӧ. Сійӧ тшӧктіс уськӧдчыны мыж вӧчысь амаликъяс вылӧ да дзикӧдз бырӧдны найӧс.

Ӧксыяслӧн 1 небӧг 15:9

Саул аслас йӧзкӧд жалитісны Агаг ӧксыӧс. Амаликъяслысь медбур ыжъяссӧ, ӧшъяссӧ, тшӧгӧдӧм баляяссӧ да став дона эмбурсӧ эз кӧсйыны бырӧдны, бырӧдісны сӧмын ковтӧмсӧ да лёкджыксӧ.

Ӧксыяслӧн 1 небӧг 22:19

Сійӧ виаліс шыпуртӧн попъяслӧн Нов карысь став олысьсӧ: айуловӧс и аньясӧс, томъясӧс и кагаясӧс, виаліс тшӧтш налысь ӧшъяссӧ, осёлъяссӧ да ыжъяссӧ.

Ӧксыяслӧн 1 небӧг 27:9

Давид пазӧдліс тайӧ муяссӧ, виавліс сэтчӧс айуловӧс и аньясӧс, а налысь ыж-мӧссӧ, осёлъяссӧ, верблюдъяссӧ да став кӧлуйсӧ босьтліс аскӧдыс. Быд пӧрйӧ тышысь воӧм бӧрти Давид петкӧдчывліс Акишлы.

Ӧксыяслӧн 1 небӧг 30:17

Асъядорыс Давид уськӧдчис на вылӧ да рытӧдзыс ставнысӧ виаліс. Сӧмын нёльсё том зон пышйисны верблюдъяс вылын.