Ӧксыяслӧн 1 небӧг 15:28 - Коми Библия 2023

²⁸ Самуил шуис: «Талун Господь босьтіс тэнсьыд Израильын ӧксыалӧмтӧ да сетіс сійӧс мӧдлы, тэнад матыссалы, коді тэысь бурджык.

Ӧксыяслӧн 1 небӧг 15:28 ပူးပေါင်းရင်းမြစ်များ

Ӧксыяслӧн 2 небӧг 3:10

Господь шуліс, босьта пӧ ӧксыалӧмсӧ Саул рӧдлысь да пуксьӧда юралан пуклӧсас Давидӧс. Сійӧ пӧ кутас юравны Израильын да Иудаын – войвыв Дансянь лунвыв Бер-Шеваӧдз».

Ӧксыяслӧн 2 небӧг 3:18

Вӧчӧй тайӧс ӧні. Господь ӧд шуліс Давидлы, Менам Давид кесйӧг киӧн пӧ Ме мезда Ассьым Израиль войтырӧс филистимсаясысь да став вӧрӧгысь».

Ӧксыяслӧн 2 небӧг 3:9

Енмыс мед ёна мыждас менӧ, ме кӧ [талун] ог вӧч Давидлы сійӧ, мый Господь кыв сетӧмӧн кӧсйысис сылы.

Ӧксыяслӧн 2 небӧг 6:21

Давид шуис Мелколалы: «Господь водзын ме йӧкті [и кута йӧктыны. Ошкӧм Господьлы]. Сійӧ ӧд менӧ бӧрйис, а эз тэнсьыд батьтӧ да сылысь рӧдсӧ. Пуктіс менӧ юравны Израильӧн, Господьлӧн войтырӧн. Господь водзын ме кӧсъя гажӧдчыны

Ӧксыяслӧн 3 небӧг 11:11

Та вӧсна Господь шуис Соломонлы: «Татшӧм оласногсьыд да сыысь, мый тэ торкин Менсьым йитӧдӧс да эн ов Менам тшӧктӧмъяс серти, мый Ме сеті тэныд, Ме босьта тэнсьыд юралӧмтӧ да сета тэнад кесйӧглы.

1 Каднебӧг 10:14

а эз Господь дінӧ. Та вӧсна Господь бырӧдіс сійӧс, а ӧксыӧ пуктіс Давидӧс, Ессейлысь писӧ.

Иов 34:24

Юасьтӧг Сійӧ пасьвартӧ вынаясӧс, на пыдди пуктӧ мӧдъясӧс.

Даниил 4:17

Тэ аддзылін пу, коді вӧлі ыджыд да ён, йывнас сійӧ инмис енэжӧдзыс, тыдаліс му помӧдзыс.

Даниил 4:32

Мувывса олысьяс Сы водзын – нинӧм кодьӧсь. Енэжвыв тышкакотыръяскӧд да мувывса олысьяскӧд Сійӧ вӧчӧ, кыдзи кӧсйӧ. Некод оз вермы кутны Сылысь кисӧ да шуны: ”Мый Тэ вӧчан?”

Иоан 19:11

Исус вочавидзис: «Тэ эськӧ нинӧм эн вермы вӧчны Мекӧд, эз кӧ вӧв сетӧма тэныд вылісянь. Та вӧсна Менӧ вузалысь ёнджыка на мыжа».

Ап. уджъяс 13:22

Саулӧс вештӧм бӧрын пуктіс налы ӧксыӧ Давидӧс. Сы йылысь шуӧма: ”Ме аддзи Давидӧс, Ессейлысь писӧ, сійӧ Меным сьӧлӧм серти. Сійӧ пӧртас олӧмӧ Менсьым став кӧсйӧмӧс”.

Римӧ 13:1

Быдӧн мед кывзысьӧ аслас юралысьыслысь, ӧд юралӧмсӧ Ен лӧсьӧдӧма, и юралысьсӧ тшӧтш Ен пуктӧма.

Ӧксыяслӧн 1 небӧг 13:14

Но ӧні тэнад ӧксыалӧмыд оз ло дыр. Господь корсяс Аслыс мортӧс сьӧлӧм сертиыс да пуктас сійӧс Аслас войтырлы юралысьӧ, ӧд тэ эн вӧч Господьлӧн тшӧктӧм серти».

Ӧксыяслӧн 1 небӧг 16:12

Ессей мӧдӧдіс кесйӧгсӧ, и сійӧ вайӧдіс Давидӧс. Давид вӧлі банйӧм чужӧма, югыд синма мича зон. Господь шуис Самуиллы: «Чеччы да мавтышт сійӧс. Тайӧ – сійӧ мортыс».

Ӧксыяслӧн 1 небӧг 18:8

Сауллы тайӧ эз во сьӧлӧм вылас, сійӧ скӧрмӧмӧн шуис: «Давидӧс нимӧдӧны, сійӧ пӧ дас сюрсъясӧс вермис, а ме пӧ – сӧмын сюрсъясӧс. Сылы коли сӧмын ӧксыӧ пуксьыны».

Ӧксыяслӧн 1 небӧг 25:30

Кор Господь вӧчас тэныд, ыджыдӧй, став бурсӧ, мый Сійӧ кӧсйысьліс, да пуктас тэнӧ юралысьӧ Израильын,