Ӧксыяслӧн 1 небӧг 15:17 - Коми Библия 2023

¹⁷ Самуил пондіс висьтавны: «Эн-ӧ тэ асьтӧ нинӧмӧ пукты, кор лоин Израиль чужанкотыръяслы юралысьӧн? Но Господь мавтыштіс тэнӧ да пуктіс ӧксыӧ Израиль войтырлы.

Ӧксыяслӧн 1 небӧг 15:17 ပူးပေါင်းရင်းမြစ်များ

Осий 13:1

– Ефремлӧн сёрнитігӧн йӧзыс тіралісны. Израиль чужанкотыръяс пӧвстын сійӧ вӧлі медтӧдчана, но Ваал вӧсна сійӧ мыжмис да куліс.

Матвей 18:4

Тайӧ кага кодьӧ асьсӧ пуктысь лоас Енэжвыв Юраланінын ыджыдджык.

Ёрдысьяс 6:15

Гедеон шуис Сылы: «Господьӧй, кыдзи нӧ ме мезда Израильӧс? Менам рӧдӧй ӧд абу тӧдчана Манассей чужанкотырын, и бать рӧдын ме медічӧтыс».

Ӧксыяслӧн 1 небӧг 10:1

Самуил босьтіс вый тыра доз да кисьтіс Сауллы юр вылас. Сэсся окыштіс сійӧс да шуис: «Господь мавтыштӧма тэнӧ, мед пуктыны тэнӧ юралысьӧ Аслас войтырлы [Израильын. Тэ лоан ӧксыӧн Господьлӧн войтырлы, мездан найӧс на гӧгӧр олысь вӧрӧгъясысь. Со, тэныд пас, мый Ачыс Господь мавтыштӧма тэнӧ ӧксыӧ, мед веськӧдлыны Сылӧн войтырӧн].

Ӧксыяслӧн 1 небӧг 10:22

Сэки юалісны Господьлысь, локтас оз Саул. Господь вочавидзис, сійӧ пӧ кӧлуй чукӧр пытшкын дзебсясьӧ.

Ӧксыяслӧн 1 небӧг 15:16

Самуил шуис Сауллы: «Кывзы, ме висьтала тэныд, мый Господь войнас шуис меным». Саул шуис: «Висьтав».

Ӧксыяслӧн 1 небӧг 9:21

Саул шуис: «Мыйла тэ меным тайӧс висьталан? Ме ӧд Венямин чужанкотырысь, сійӧ Израиль котыръясысь медічӧт. И менам рӧдӧй Венямин чужанкотырын абу тӧдчана».