Ӧксыяслӧн 1 небӧг 14:47 - Коми Библия 2023

⁴⁷ Сауллӧн ӧксыалӧмыс Израильын зумыдмис. Сійӧ тышкасис Израиль гӧгӧр олысь вӧрӧгкӧд: моав да аммон войтыръяскӧд, эдомсаяскӧд [да вефорсаяскӧд], цоваса ӧксыяскӧд да филистимсаяскӧд. Код вылӧ сійӧ уськӧдчыліс, ставнысӧ вермыліс.

Ӧксыяслӧн 1 небӧг 14:47 ပူးပေါင်းရင်းမြစ်များ

Олӧм 19:37

Ыджыдджыкыс чужтіс пиӧс да пуктіс Моав ним [шуис, менам батьсянь пӧ сійӧ]. Сысянь чужис моав войтыр.

Олӧм 19:38

Ичӧтджыкыс сідзжӧ чужтіс пиӧс да пуктіс Бен-Амми ним [шуис, сійӧ пӧ менам рӧдлӧн пи]. Сысянь чужис ӧнія аммон войтыр.

Олӧм 36:1

Исавлӧн рӧд йылысь. Исавлӧн мӧд нимыс – Эдом.

Олӧм 36:19

Тайӧ Исавлӧн, мӧд ногӧн кӧ, Эдомлӧн, пияныс да эдомса чужанкотыръяслӧн юралысьяс.

Олӧм 36:8

Исав, мӧд ногӧн кӧ, Эдом, овмӧдчис Сеир керӧсвыв муӧ.

Ӧксыяслӧн 2 небӧг 1:22

Ионафанлӧн ньӧвйыс эз бергӧдчывлы вӧрӧглысь вирсӧ кисьттӧг, вынаяслысь гырк пытшкӧссӧ видлытӧг, Сауллӧн шыпуртыс весьшӧрӧ эз бытшкывлы.

Ӧксыяслӧн 2 небӧг 10:6

Аммонсаяс казялісны, мый найӧ лоины мустӧмӧсь Давидлы. Найӧ медалісны отсӧг вылӧ Бет-Реховысь да Цоваысь кызь сюрс пода арамейӧс, Маакаысь [амаликъяслӧн] ӧксылысь – сюрс тышкамортӧс да Истовысь – дас кык сюрс тышкамортӧс.

Ӧксыяслӧн 2 небӧг 8:15

Давид ӧксыаліс став Израиль муын. Ассьыс войтырсӧ мыждігӧн сійӧ быдӧнкӧд вӧлі веськыд.

Ӧксыяслӧн 2 небӧг 8:3

Давид пасьвартіс и цоваса ӧксыӧс, Реховлысь Ададезер писӧ. Сійӧ буретш вӧлі мунӧ, медым бӧр босьтны Ефрат ю дорысь муяссӧ.

Ӧксыяслӧн 3 небӧг 11:23

Соломонлы паныд Енмыс нӧшта кыпӧдіс Элиадлысь Разон писӧ, коді вӧлі пышйӧма аслас ыджыдысь, цоваса Ададезер ӧксыысь.

Ӧксыяслӧн 4 небӧг 14:27

Но Господь эз кӧсйы дзикӧдз бырӧдны Израиль войтырӧс енэж увсьыс, та вӧсна мездіс найӧс Йоаслӧн Еровам пиыс пыр.

Ӧксыяслӧн 1 небӧг 12:2

Ӧні сійӧ кутас веськӧдлыны тіянӧн. Ме пӧрысь нин, дай дзор нин, но пиянӧй лоӧны тіянкӧд. Том кадсянь талунъя лунӧдз ме вӧлі тіянлы веськӧдлысьнас.

Ӧксыяслӧн 1 небӧг 13:1

Сауллӧн ӧксыӧ пуксьӧмсянь коли во. Мӧд вонас Саул бӧрйис Израиль войтырысь аслыс тышкайӧзӧс – куим сюрс мортӧс.

Ӧксыяслӧн 1 небӧг 14:46

Саул бӧр бергӧдчис, эз кут водзӧ вӧтӧдны филистимсаясӧс. Филистимсаяс жӧ мунісны асланыс муӧ.

Ӧксыяслӧн 1 небӧг 14:52

Сауллӧн ӧксыалан кадӧ израильсаяс дугдывтӧг чорыда тышкасисны филистимсаяскӧд. Кор Саул аддзывліс Израиль войтыр пӧвстысь ён да збой мортӧс, босьтліс сійӧс аслас тышкайӧз лыдӧ.

Ӧксыяслӧн 1 небӧг 21:7

Вежаинын сэки вӧлі Сауллӧн Доик нима кесйӧг, сійӧ вӧлі Эдомысь. Сійӧ веськӧдліс Саул ордын ыж-мӧс видзысьясӧн.