Ӧксыяслӧн 1 небӧг 14:41 - Коми Библия 2023

⁴¹ Саул шыасис Господь дінӧ: «Господьӧй, Израильлӧн Енмӧй! [Мыйла Тэ талун эн вочавидз меным, Аслад кесйӧглы?] Уримӧн да туммимӧн пудъясьӧм пыр петкӧдлы миянлы мыжаясӧс. Мыжа кӧ ме либӧ менам Ионафан пиӧй, мед усьӧ урим. [Мыжа кӧ Тэнад Израиль войтырыд, мед усьӧ туммим.]» Сэки Енмыс индіс, мый мыжаӧсь Ионафан да Саул, а йӧзыс абу мыжаӧсь.

Ӧксыяслӧн 1 небӧг 14:41 ပူးပေါင်းရင်းမြစ်များ

Шусьӧгъяс 16:33

Паськӧм дорышӧ пудсӧ шыбитан, но кодлы пудйыс усяс – тайӧ Господьсянь.

Шусьӧгъяс 18:18

Ёрд водзын веськыд сійӧ, коді медводдзаӧн сёрнитӧ, но локтӧ сыкӧд вензьысь да тӧдмалӧ сійӧс.

Иона 1:7

Кывтысьяс шуисны ӧта-мӧдныслы: «Пудъясям, мед тӧдны, код вӧсна миянӧс суис тайӧ шогыс». Пудъясисны да, петкӧдліс Иона вылӧ.

Ап. уджъяс 1:24

Кевмысиганыс шуисны: «Господьӧй, Тэ быдӧнлысь тӧдан сьӧлӧмсӧ. Инды тайӧ кыксьыс Ассьыд бӧрйӧматӧ,

Ап. уджъяс 1:26

Сэсся пудъясисны на вӧсна. Пудйыс уси Матфийлы, сійӧс и индісны дас кыкӧд апостолнас.

Ӧксыяслӧн 1 небӧг 14:40

Саул шуис израильса тышкайӧзлы: «Ті сувтӧй ӧтарладорас, а ме аслам Ионафан пикӧд сувта мӧдарладорас». Йӧзыс воча шуисны: «Вӧч, кыдзи бурджык чайтан».

Ӧксыяслӧн 1 небӧг 14:42

Саул шуис: «Пудъясьӧй ме да менам Ионафан пиӧй вӧсна». [Сійӧ содтіс: «Код вылӧ Господь индас, сылы и ковмас кувны». Но йӧзыс шуисны Сауллы: «Мед оз ло тадз!» Но Саул сулаліс аслас шуӧм кыв вылын. Сэсся пудъясисны.] Пудйыс уси Ионафан вылӧ.