Ӧксыяслӧн 1 небӧг 14:38 - Коми Библия 2023

³⁸ Сэки Саул корис ас дінас став израильса юралысьсӧ да шуис: «Тӧдмалӧй, коді мыжсӧ вӧчис.

Ӧксыяслӧн 1 небӧг 14:38 ပူးပေါင်းရင်းမြစ်များ

Ӧксыяслӧн 2 небӧг 18:3

Но найӧ воча шуисны: «Эн мун. Миянлы кӧ ковмас пышйыны, вӧрӧглы тайӧ веськодь. Весиг кӧ миян йӧзысь джынйыс кулас, и тайӧ веськодь налы. Но тэ ӧтнадӧн дас сюрс тышкаморт дон сулалан. Бурджык, тэ кӧ кольччан карас. Ковмас кӧ, сэтысянь отсалан миянлы».

Псалтыр 47:9

Мый йылысь ми кывлім, сійӧс и аддзылім Господь Саваофлӧн, миян Енлӧн, карысь. Енмыс зумыдмӧдас Ассьыс карсӧ нэмъяс кежлӧ.

Закар 10:4

Иуда чужанкотырысь сувтас пельӧс изйыс, сысянь кыпӧдчас чом зэвтан майӧгыс, сысянь петас тышкасян ньӧввужйыс, сысянь петасны юралысьяс.

Лыд 24:17

Аддза Сійӧс, но ог на ӧні, видзӧда Сы вылӧ, но абу на матын. Яковсянь чужысьяс пӧвстысь кыпӧдчас кодзув, Израиль войтыр пӧвстысь кыптас юралан бедь. Сійӧ пасьвартас моавса юралысьясӧс, бырӧдас Сифсянь чужысьясӧс.

Матвей 21:42

Исус шуис: «Энӧ ӧмӧй Гижӧдсьыс лыддьылӧй: – Изйыс, кодӧс ӧтдортісны керка лэптысьяс, лоис пельӧс изйӧн. Тайӧ Господьсянь да шензьӧдӧ миянӧс.

Ефесӧ 2:20

Тіянӧс сувтӧдӧма сійӧ подув вылас, мый пуктісны апостолъяс да пророкъяс. Тайӧ тэчасас пельӧс изйыс – Ачыс Исус Кристос.

Нав Исус 7:11

Израиль войтыр мыж вӧчис. Найӧ торкисны йитӧдӧс, мый Ме кӧрталі накӧд. Меным сиӧмторйысь аслыныс юкӧн босьтісны. Тадзи найӧ гусясисны да гусялӧмторсӧ асланыс кӧлуй улас дзебисны.

Нав Исус 7:12

Израиль пиян мышкӧн бергӧдчисны вӧрӧглы да пышйисны. Найӧ эз вермыны вӧрӧгӧс, ӧд веськалісны ёрӧм улӧ. Ёрӧм улӧ веськалӧмаӧс кӧ онӧ бырӧдӧй ас пӧвстсьыныд, Ме тіянкӧд ог ло.

Ёрдысьяс 20:2

Сэтчӧ чукӧртчисны Израиль войтырлӧн юралысьяс, чужанкотыръяслӧн юралысьяс да став Енлӧн войтырыс. Ставнас сэні вӧлі нёльсё сюрс шыпурта тышкаморт.