Ӧксыяслӧн 1 небӧг 14:36 - Коми Библия 2023

³⁶ Сэсся Саул шуис аслас тышкайӧзлы: «Петамӧй войнас да вӧтӧдам филистимсаясӧс. Югдытӧдзыс топӧдам найӧс да весиг ӧти мортӧс ловйӧн огӧ кольӧй». Найӧ вочавидзисны: «Вӧч, кыдзи бурджык чайтан». Но поп шуис: «Шыасямӧй Ен дінӧ».

Ӧксыяслӧн 1 небӧг 14:36 ပူးပေါင်းရင်းမြစ်များ

Исай 58:2

Найӧ быттьӧ веськыда олысь войтыр, коді оз вунӧдлы аслас Енлысь тшӧктӧмъяссӧ, быд лун корсьысьӧ Менӧ, кӧсйӧ тӧдны Менсьым туйясӧс. Найӧ виччысьӧны Месянь веськыда мыждӧм, кӧсйӧны матыстчыны Ен дінӧ.

Еремей 6:5

Уськӧдчамӧй войшӧрнас, пазӧдам налысь изкаръяссӧ!»

Малакий 2:7

Поплӧн вомысь мед петас Ен йылысь тӧдӧмлуныс, сысянь йӧзыс виччысьӧны велӧдӧмсӧ, сійӧ ӧд Господь Саваофсянь юӧр вайысьыс.

Лыд 27:21

Нав Исус кутас шыасьны Элазар поп дінӧ, а поп кутас юасьны Господьлысь урим пыр. Господьлӧн шуӧм серти войтырыскӧд сійӧ кутас петны тышӧ, и Господьлӧн шуӧм серти бӧр локны тыш вылысь».

Яков 4:8

Матыстчӧй Ен дінас, и Сійӧ матыстчас тіян дінӧ. Мыськӧй кинытӧ, мыж вӧчысьяс! Кык бана шаньгаяс, сӧстӧммӧдӧй сьӧлӧмнытӧ!

Нав Исус 10:19

А ті водзӧ вӧтӧдӧй вӧрӧгтӧ. Виалӧй ставнысӧ, энӧ лэдзӧй налы пышйыны асланыс каръясӧ. Господь, тіян Енныд, сетас найӧс тіян киӧ».

Нав Исус 11:14

Тайӧ каръясысь шедӧдӧмторсӧ да ыж-мӧссӧ Израиль пиян босьтісны аслыныс. А став йӧзсӧ виалісны шыпуртӧн, ловъя морт эз коль.

Ӧксыяслӧн 1 небӧг 1:23

Верӧсыс шуис сылы: «Вӧч, кыдзи шуан. Ов гортын, кытчӧдз он торйӧд кагатӧ морӧссьыд. Господь мед збыльмӧдас Ассьыс кывсӧ». Анна кольччис гортас. Сійӧ нёньӧдіс писӧ, кытчӧдз кагаыс эз эновтчы мам морӧсысь.

Ӧксыяслӧн 1 небӧг 11:11

Аскинас Саул юкис ассьыс тышкайӧзсӧ куим пельӧ. Асъядорыс найӧ пырисны аммон тышкайӧзлӧн чукӧртчанінӧ да луншӧр кадӧдз пасьвартісны найӧс. Ловйӧн кольӧмаяс пышйисны-разалісны.

Ӧксыяслӧн 1 небӧг 14:3

На пӧвстын вӧлі Ахий, Силомын Господьлы кесъялысь поп, кодлӧн вӧлі ефод. Ахий вӧлі Ахитувлӧн пи. Ахитув вӧлі Икаводлӧн вок, найӧ вӧліны Пинеслӧн пиян, а Пинес вӧлі Илий поплӧн пи. Сауллӧн йӧзыс эз тӧдлыны Ионафанлысь мунӧмсӧ.