Ӧксыяслӧн 1 небӧг 14:28 - Коми Библия 2023

²⁸ Ӧти морт шуис Ионафанлы: «Тэнад батьыд тшӧктіс йӧзыслы кыв сетны. Шуис, коді пӧ талун сёяс, сійӧс лоӧ ёрӧма. Сёйтӧмнысла йӧзыслӧн эбӧсыс бырис».

Ӧксыяслӧн 1 небӧг 14:28 ပူးပေါင်းရင်းမြစ်များ

Ӧксыяслӧн 1 небӧг 14:24

Израильса тышкайӧз вӧлі ёна мудзӧмаӧсь. Ӧд таӧдз Саул шуис налы: «Ёрӧма быдӧнӧс, коді рытӧдзыс, вӧрӧглысь водзӧс перйытӧдз, мыйкӧ сёяс». Сійӧ [мӧвпышттӧг] тшӧктіс тышкайӧзыслы кыв сетны. Та вӧсна найӧ нинӧм эз сёйны.

Ӧксыяслӧн 1 небӧг 14:27

Ионафан эз кывлы, мый батьыс тшӧктӧма йӧзыслы кыв сетны. Сійӧ нюжӧдіс ассьыс бедьсӧ да чуньыштіс мазі позйысь масӧ. Масӧ видлӧм бӧрын сылӧн синмыс югзис.

Ӧксыяслӧн 1 небӧг 14:29

«Шог суис тайӧ войтырсӧ батьӧй вӧсна», – майшасис Ионафан. Сэсся шуис: «Видзӧдлӧй, менам синмӧй югзис масӧ видлӧм бӧрын.

Ӧксыяслӧн 1 небӧг 14:43

Саул юаліс Ионафанлысь: «Висьтав, мый тэ вӧчин?» Ионафан висьталіс: «Тайӧ бедь помнас ме видлі ма. Сідзкӧ, меным кувны».