Ӧксыяслӧн 1 небӧг 14:13 - Коми Библия 2023

¹³ Кинас и кокнас кутчысьӧмӧн Ионафан кавшасис вывлань. Кесйӧгыс сы бӧрся. Ионафан водзын филистимсаяс усьласисны муас. Кесйӧгыс муніс Ионафан бӧрся да виаліс найӧс.

Ӧксыяслӧн 1 небӧг 14:13 ပူးပေါင်းရင်းမြစ်များ

Римӧ 8:31

Мый та вылӧ шуам? Енмыс кӧ миян дор, коді миянлы паныд?

Индӧд 28:7

Господь сетас тіянлы вермыны вӧрӧгнытӧ, кодъяс сувтасны тіянлы паныд. Найӧ локтасны ӧти туйӧд, а пышъясны тіянысь сизимлаӧд.

Индӧд 32:30

Кыдзи нӧ ӧти мортыс сюрсӧс вермис вӧтлыны, а кыкӧн – дас сюрсӧс, эз кӧ Дорйысьныс вузав найӧс, эз кӧ Господь сет найӧс вӧрӧг киӧ.

Еврейяслы 11:34

кусӧдісны яр би, видзисны асьнысӧ шыпуртысь, вынтӧммиганыс найӧ ёнмылісны, тышын вӧліны вынаӧсь, йӧз муысь воысь тышкасьысьясӧс бӧр вӧтлісны асланыс муысь,

Нав Исус 23:10

Тіян ӧти морт вӧтлас сюрс мортӧс, ӧд Ачыс Господь, тіян Енныд, вермасьӧ тіян вӧсна, кыдзи и кӧсйысис тіянлы.

Ёрдысьяс 9:54

Авимелек дзик пыр горӧдіс шыпурт новлӧдлысьсӧ да тшӧктіс сылы: «Перйы шыпурттӧ да сатшкы менӧ. Мед некод оз шу, мый менӧ виис ань». Шыпурт новлӧдлысь сатшкис Авимелекӧс, и сійӧ куліс.

Ӧксыяслӧн 1 небӧг 14:12

Найӧ горӧдісны Ионафанлы да сылӧн кесйӧглы: «Кайӧй миян дінӧ, мыйкӧ висьталам тіянлы». Ионафан шуис кесйӧгыслы: «Лок ме бӧрся. Господь сетіс найӧс Израиль киӧ».

Ӧксыяслӧн 1 небӧг 14:14

Тайӧ медводдза уськӧдчылӧм дырйи Ионафан да сылӧн кесйӧгыс виисны матӧ кызь мортӧс. Тышыс муніс ичӧтик эрд вылын, кодӧс позис лун джынйӧн гӧрны кык ӧшкӧн.