Ӧксыяслӧн 1 небӧг 13:5 - Коми Библия 2023

⁵ Филистимсаяс лӧсьӧдчисны петны тышӧ Израильлы паныд. Налӧн вӧлі комын сюрс тарантас да квайт сюрс верзьӧма, а пода йӧзыс – саридздор лыа мында. Филистимса тышкайӧз локтісны да сувтісны Микмасӧ, Бет-Авенсянь асыввывладорӧ.

Ӧксыяслӧн 1 небӧг 13:5 ပူးပေါင်းရင်းမြစ်များ

Олӧм 22:17

мый озыра бурсиа тэнӧ да сета тэныд уна чужысьӧс. Найӧ лоасны сы мында, мыйта енэжас кодзулыс да саридз дорын лыаыс. Найӧ босьтасны вӧрӧглысь каръяссӧ.

Ӧксыяслӧн 2 небӧг 17:11

Та вӧсна ме вӧзъя тэныд: войвыв Дансянь лунвыв Бер-Шеваӧдз став Израиль войтырсӧ чукӧрт ас дінад. Налӧн лыдыс мед лоӧ саридздор лыа мында. Ачыд накӧд тшӧтш мун.

Ӧксыяслӧн 3 небӧг 20:27

Израильсаяс тшӧтш дасьтысисны тыш кежлӧ. Найӧ босьтісны аскӧдныс сёян-юан да мӧдӧдчисны петны тышӧ. Израильсаяс сувтісны арамейяслы воча. Израильса тышкайӧз вӧліны быттьӧ кык ичӧтик кӧза чукӧр, а арамейяс тыртісны ставнас мусӧ.

2 Каднебӧг 1:9

Господьӧй Енмӧй, мед инас Тэнад кывйыд, мый Тэ шулін менам Давид батьлы. Тэ пуктін менӧ ӧксыӧ, медым веськӧдлыны войтырӧн, кодлӧн лыдыс мувывса бус мында.

Исай 10:28

Ассурса тышкайӧз локтісны Айят кар пыр, мунісны Мигрон кар бокиті, Микмасын найӧ колисны ассьыныс эмбурнысӧ.

Исай 48:19

тэнад челядьыд эськӧ вӧлі лыа мында, тэсянь чужысьясыд – лыа чир мында. Налӧн нимныс эськӧ эз вош, найӧ эськӧ эз бырны Менам син водзысь.

Еремей 15:8

Дӧваяслӧн лыдыс лоӧ саридздор лыа дорысь на унджык. Луншӧр кадӧ Ме мӧдӧда мамъяс дінӧ эмбур мырддялысьясӧс, виччысьтӧг мамъясӧс суас полӧм-тіралӧм.

Осий 10:5

Самарияын олысьяс полӧны Бет-Авенӧ сувтӧдӧм кукань идол вӧсна. Самария войтыр бӧрдӧ кукань вӧсна, бӧрдӧны тшӧтш идоллӧн попъяс, кодъяс нимкодясьлісны сыӧн, ӧд Самариялӧн нималӧмыс вешйӧ сы дінысь.

Осий 4:15

Тэ, Израиль, кырсалан, но Иуда мед оз кырсав. Энӧ мунӧй Галгалӧ, энӧ кайӧй Бет-Авенӧ, энӧ сетӧй кывнытӧ ловъя Господь водзын.

Осий 5:8

Буксӧй буксанӧн Гиваын, тутсӧй трубаӧ Рамаын! Юӧртӧй Бет-Авенын: «Венямин, локтӧ вӧрӧгыд!»

Римӧ 9:27

Израиль йылысь Исай тадзи висьталӧ: – Израиль войтырлӧн лыдыс кӧ лоӧ весиг саридздор лыа мында, мездмас сӧмын колясыс.

Нав Исус 11:4

Став тайӧ ӧксыыс асланыс тышкайӧзкӧд петісны тышӧ. Найӧ вӧліны саридздор лыа мында, и налӧн вӧлі унасьыс-уна вӧв да тарантас.

Нав Исус 18:12

Венямин чужанкотырлӧн войвыв мудорыс заводитчӧ Йӧрдан ю дорсянь, мунӧ Ерикон кар бокті войвывладорсяньыс, сэсся кыпӧдчӧ рытыввылӧ керӧсвыв муӧ да помасьӧ Бет-Авен овтӧминын.

Нав Исус 7:2

Исус мӧдӧдіс ассьыс йӧзсӧ Ериконысь Гайӧ. Гай кар вӧлі Бет-Авенсянь матын, Вефильсянь асыввылын. Исус тшӧктіс налы: «Мунӧй видзӧдалӧй мусӧ». Найӧ ветлісны видзӧдавны Гай кар.

Ёрдысьяс 7:12

Мадиансаяс, амалик войтыр да асыввылын олысь войтыр вӧлі паськӧдчӧмаӧсь ковтысӧ. Найӧ вӧліны саранча мында, а налӧн верблюдъясыс – саридздор лыа мында.

Ӧксыяслӧн 1 небӧг 13:11

Но Самуил шуис: «Мый тэ вӧчин?» Саул вочавидзис: «Урчитӧм кадыс коли нин, а тэ век на эн лок. Войтырыс кутіс мунавны ме дінысь, а филистимсаяс вӧліны нин Микмасынӧсь.

Ӧксыяслӧн 1 небӧг 13:2

Кык сюрсыс вӧлі Саулкӧд Микмасын да Вефиль керӧсын, а ӧти сюрсыс вӧлі Ионафанкӧд Гиваын Венямин муын. Мукӧдсӧ Саул лэдзис гортаныс.

Ӧксыяслӧн 1 небӧг 14:23

Сійӧ лунӧ Господь мездіс Израиль войтырӧс. Тышыс воис Бет-Авенӧдз. [Саулкӧд ставнас йӧзыс вӧлі дас сюрс морт. Тышыс муніс Ефрем керӧсвыв му пасьтала, став карас.]

Ӧксыяслӧн 1 небӧг 14:52

Сауллӧн ӧксыалан кадӧ израильсаяс дугдывтӧг чорыда тышкасисны филистимсаяскӧд. Кор Саул аддзывліс Израиль войтыр пӧвстысь ён да збой мортӧс, босьтліс сійӧс аслас тышкайӧз лыдӧ.

Ӧксыяслӧн 1 небӧг 17:1

Филистимсаяс чукӧртісны тышкайӧзнысӧ Иуда муӧ Соко карӧ. Сэсся найӧ сувтісны Соко да Азека каръяс костӧ Эфес-Даммимӧ.

Ӧксыяслӧн 1 небӧг 7:13

Тадзи вӧлі вермӧма филистимсаясӧс. Та бӧрти найӧ эз нин усьласьны Израиль му вылӧ. Самуиллӧн став олан лунъяс дырйи Господь чорыд кабырын кутіс филистимсаясӧс.