Ӧксыяслӧн 1 небӧг 13:4 - Коми Библия 2023

⁴ мый Саул пасьвартӧма филистимса тышкакотырӧс, и филистимсаяс лӧгалӧны израильсаяс вылӧ. Та йылысь кылӧм бӧрын став Израиль войтырыс чукӧртчис Саул дінӧ Галгалӧ.

Ӧксыяслӧн 1 небӧг 13:4 ပူးပေါင်းရင်းမြစ်များ

Олӧм 34:30

Яков шуис Симеонлы да Левийлы: «Ті шогӧ уськӧдінныд менӧ. Ті вӧчинныд менӧ мустӧмӧн татчӧс олысьяслы, ханаансаяслы да перезейяслы. Ми ӧд этшаӧнӧсь. Найӧ кӧ чукӧртчасны миянлы паныд, сэки пасьвартасны миянӧс, бырӧдасны менӧ и гортсаӧс».

Олӧм 46:34

висьталӧй, мый ті, сылӧн кесйӧгъяс, том кадсянь батьясныд моз ыж-мӧс видзанныд. Сэки сійӧ кольӧдас тіянӧс Гошен муӧ, ӧд египетсаяс ыж видзысьӧс лыддьӧны пежӧн».

Ӧксыяслӧн 2 небӧг 10:6

Аммонсаяс казялісны, мый найӧ лоины мустӧмӧсь Давидлы. Найӧ медалісны отсӧг вылӧ Бет-Реховысь да Цоваысь кызь сюрс пода арамейӧс, Маакаысь [амаликъяслӧн] ӧксылысь – сюрс тышкамортӧс да Истовысь – дас кык сюрс тышкамортӧс.

Петӧм 5:21

Найӧ шуисны Мӧисейлы да Ааронлы: «Господь мед аддзас, мый ті вӧчинныд, да мыждас тіянӧс. Тіян вӧсна фараон да сылӧн йӧзыс кутісны мустӧмтны миянӧс. Ті сетінныд налы шыпурт, медым миянӧс вины».

Закар 11:8

Ӧти тӧлысьӧн ме вӧтлі куим видзысьӧс, дӧзми тшӧтш ыжъяс вылӧ, и найӧ мустӧмтісны менӧ.

Нав Исус 5:9

Господь шуис Исуслы: «Египетын яналӧмнытӧ талун Ме вешті тіян вылысь». Та вӧсна тайӧ местаыс ӧнӧдз шусьӧ Галгал.

Ӧксыяслӧн 1 небӧг 10:8

Сэсся мун Галгалӧ. Ме локта сэтчӧ тэ дінӧ, мед вайны сотан да бурасян висьяс. Виччысь менӧ сэні сизим лун. Ме локта да висьтала, мый тэныд вӧчнысӧ».

Ӧксыяслӧн 1 небӧг 27:12

Акиш эскис Давидлы. Чайтіс, мый Давид мустӧммис аслас Израиль войтырлы. Та вӧсна мӧвпаліс, мый Давид кутас пыр кесъявны сылы.