Ӧксыяслӧн 1 небӧг 13:18 - Коми Библия 2023

¹⁸ мӧд тышкакотырыс веськӧдчис Бет-Хоронлань, а коймӧд тышкакотырыс муніс Цевоим ковтысӧ нуӧдан туйӧд овтӧминлань.

Ӧксыяслӧн 1 небӧг 13:18 ပူးပေါင်းရင်းမြစ်များ

Олӧм 10:19

Ханаансаяслӧн муыс вӧлі паськӧдчӧма Сидонсянь Герарлань, Газаӧдз, сэсянь водзӧ – Содомлань, Гоморалань, Адмалань да Севоимлань, Лашаӧдз.

Олӧм 14:2

петісны тышӧ содомса Бер ӧксылы, гомораса Бирша ӧксылы, адмаса Шинав ӧксылы, севоимса Шемевер ӧксылы да беласа, мӧд ногӧн цоарса, ӧксылы паныд.

1 Каднебӧг 6:68

Иокмеам, Бет-Хорон да нагӧгӧрса видзьяс,

2 Каднебӧг 8:5

Нӧшта Соломон лэптіс Вылыс Бет-Хорон да Улыс Бет-Хорон изкаръяс, кыпӧдіс на гӧгӧр стенъяс, вӧчис дзиръяяс да тасъяс.

Неемий 11:34

Хадид, Цевоим, Неваллат,

Осий 11:8

Верма-ӧ Ме эновтны тэнӧ, Ефрем? Верма-ӧ Ме кольны тэнӧ, Израиль? Верма-ӧ эновтны тэнӧ Адмаӧс моз, вӧчны тэкӧд Севоимкӧд моз? Менам сьӧлӧмӧй небзьӧ, Менам пытшкӧсӧй нормӧ.

Нав Исус 10:10

Господь шӧйӧвоштіс аморейясӧс израильса тышкайӧзлӧн син водзын. Гаваон дорын израильсаяс пасьвартісны аморейясӧс. Сэсся Бет-Хоронӧ кайысь туйӧд Азека да Македа каръясӧдз вӧтчисны пышйысьяс бӧрся да бырӧдісны найӧс.

Нав Исус 10:11

Кор найӧ израильса тышкайӧзысь пышйигӧн лэччисны Бет-Хорон керӧс вылысь, Господь шыблаліс на вылӧ енэжсянь гырысь йиа шер. Тадзи вӧлі Азека карӧдз став туй чӧжныс, и унаӧн кулісны. Унджыкыс кулісны эз израильсаяслӧн шыпурт помысь, а гырысь йиа шер улӧ веськалӧмысь.

Нав Исус 16:3

Сэсянь мудорыс лэччӧ рытыввылӧ яфлетъяслӧн оланін дорті Улыс Бет-Хоронӧдз да Гезерӧдз и помасьӧ Ыджыд саридз дорын.

Нав Исус 16:5

Ефрем чужанкотырлӧн рӧдъяслы вичмӧдӧма татшӧм му. Налӧн лунвыв мудорыс заводитчӧ асыввылын Атарот-Аддар карсянь, сэсянь мунӧ Вылыс Бет-Хоронӧдз [да Газараӧдз],

Ӧксыяслӧн 1 небӧг 14:15

Филистимсаяслӧн чукӧртчанінын да тышкасянінын став йӧзыс зэв ёна повзисны. Водзын мунысь да мусӧ куштысь тышкакотыръясӧс дзӧрӧм босьтіс. [Найӧ весиг эз кӧсйыны тышӧ петны.] Муыс сыркмунліс. Господь ыстіс йӧзыслы полӧм.