Ӧксыяслӧн 1 небӧг 13:13 - Коми Библия 2023

¹³ Самуил шуис Сауллы: «Тэ лёка вӧчин. Тэ торкин аслад Господь Енлысь тэныд сетӧм тшӧктӧмсӧ. Тэ кӧ вӧчин Господьлӧн тшӧктӧм серти, Сійӧ эськӧ пыр кежлӧ вынсьӧдіс тэнсьыд ӧксыалӧмтӧ Израильын.

Ӧксыяслӧн 1 небӧг 13:13 ပူးပေါင်းရင်းမြစ်များ

Олӧм 31:28

Тэ эн лэдз весиг окыштны ассьым нывъясӧс да налысь ныв-писӧ. Тэ мывкыдтӧма вӧчин.

Ӧксыяслӧн 2 небӧг 24:10

Войтырсӧ арталӧм бӧрын Давидлы сьӧкыд лои сьӧлӧм вылас. Сійӧ шуис Господьлы: «Ме, Тэнад кесйӧг, мыжа сыысь, мый лыдди войтырӧс. Кора Тэнӧ, Господьӧй, вешты ме вылысь мыжӧс. Ме мывкыдтӧг вӧчи».

Ӧксыяслӧн 3 небӧг 18:18

Илля вочавидзис: «Ог ме вай шогсӧ Израильлы, а тэ да тэнад батьыдлӧн рӧдыс. Ті эновтінныд Господьлысь тшӧктӧмъяссӧ да кутінныд юрбитны Ваал идолъяслы.

Ӧксыяслӧн 3 небӧг 21:20

Ахав шуис Иллялы: «Мустӧмтысьӧй, тэ бара аддзин менӧ». Илля шуис: «Аддзи. Тэ ачыд сетчин, мед вӧчны Господь водзын шогмытӧмсӧ [да скӧрмӧдны Сійӧс].

1 Каднебӧг 10:13

Тадзи куліс Саул, ӧд сійӧ эновтіс Господьӧс. Сійӧ мыж вӧчис Господьлы паныд, эз ов Господьлӧн кыв серти, но туйдӧдӧмла шыасис кулӧмаӧс корысь ань дінӧ,

2 Каднебӧг 16:9

Господьлӧн синмыс аддзӧ ставнас мусӧ. Сійӧ вынсьӧдӧ найӧс, кодъяслӧн сьӧлӧмныс йитчӧма Сыкӧд. Тэ вӧчин мывкыдтӧма, та вӧсна ӧнісянь тэнад муын лоӧны тышъяс».

2 Каднебӧг 19:2

Иосафат ӧксылы воча петіс Еху нима пророк, Хананилӧн пиыс, да шуис: «Мыйла тэ отсалін лёк вӧчысьлы? Мыйла тэ Господьӧс мустӧмтысьясӧс радейтан? Таысь тэнӧ суас Господьлӧн скӧрлуныс.

Иов 34:18

Енмыс ӧксыӧс шуӧ шогмытӧмӧн, нималана йӧзӧс – лёк вӧчысьясӧн,

Шусьӧгъяс 12:8

Мортӧс ошкӧны сылӧн мывкыдыс серти, лёкӧн тырӧм сьӧлӧмаӧс зывӧктӧны.

Шусьӧгъяс 19:3

Йӧйлун вӧснаыс мортыдлӧн торксьӧ олӧмыс, а сьӧлӧмыс скӧралӧ Господь вылӧ.

Исай 39:5

Сэки Исай шуис Езекейлы: «Кывзы Господь Саваофлысь кывсӧ.

Еремей 18:10

Но сійӧ войтырыс кӧ кутас вӧчны Менам син водзын шогмытӧмсӧ, оз кут кывзысьны Менсьым, сэки Ме вежа Ассьым шуӧмӧс да ог вӧч сійӧ бурсӧ, мый шуи вӧчны налы.

Ӧксыяслӧн 1 небӧг 1:22

Анна накӧд эз мун. Сійӧ шуис верӧсыслы: «Кор каганым быдмыштас да дугдас нёнясьны, сэки ме вайӧда сійӧс Силомӧ Господь водзӧ, и сійӧ кольччас сэтчӧ пыр кежлӧ».

Ӧксыяслӧн 1 небӧг 13:12

Сэки ме мӧвпышті, ӧні, мися, локтасны филистимсаяс Галгалӧ да уськӧдчасны ме вылӧ, а ме весиг эг на шыась Господь дінӧ. Та вӧсна шуи, мый ачым вая сотан висьсӧ».

Ӧксыяслӧн 1 небӧг 15:11

«Ме чорыда жалита, мый пукті Саулӧс ӧксыӧ. Сійӧ бергӧдчис Меысь да эз вӧч Менам тшӧктӧм серти». Самуил шогӧ усис. Войбыд сійӧ кевмысис Господьлы.

Ӧксыяслӧн 1 небӧг 15:22

Самуил шуис: – Мый вайӧ Господьлы нимкодьлун? Сотан да мукӧд висьяс али Сылысь кывзысьӧм? Кывзысьӧмыд бурджык вись вайӧм дорысь, бурджык межъяслысь госсӧ сотӧм дорысь.

Ӧксыяслӧн 1 небӧг 15:28

Самуил шуис: «Талун Господь босьтіс тэнсьыд Израильын ӧксыалӧмтӧ да сетіс сійӧс мӧдлы, тэнад матыссалы, коді тэысь бурджык.

Ӧксыяслӧн 1 небӧг 16:1

Господь шуис Самуиллы: «Дыр-ӧ на тэ кутан шогсьыны Саул вӧсна, кодӧс Ме вешті Израильын ӧксыалӧмысь? Тырт ассьыд дозтӧ выйӧн да мун Виплиемӧ. Ме ыста тэнӧ сэні олысь Ессей дінӧ. Сылӧн пиян пӧвстысь Ме бӧрйи Аслым ӧксыӧс».

Ӧксыяслӧн 1 небӧг 26:21

Саул шуис: «Ме мыжа. Лок бӧр, Давид пиӧй. Ме сэсся ог кут вӧчны тэныд лёксӧ, ӧд тэ эн босьт менсьым олӧмӧс. Шогмытӧмтор ме вӧчи, нем думышттӧг».