Ӧксыяслӧн 1 небӧг 12:9 - Коми Библия 2023

⁹ Но батьясныд вунӧдісны Господьӧс, ассьыныс Енсӧ. Сэки Господь сетіс найӧс хацорса тышкайӧзӧн Сисар нима веськӧдлысь киӧ, филистимсаяс киӧ да моавса ӧксы киӧ. Найӧ ставныс тышкасисны батьясныдлы паныд.

Ӧксыяслӧн 1 небӧг 12:9 ပူးပေါင်းရင်းမြစ်များ

Ӧксыяслӧн 2 небӧг 7:11

кыдзи вӧлі сэки, кор Ме пукті ёрдысьясӧс веськӧдлыны Аслам Израиль войтырӧн. Ме сета тэныд лӧнь олӧм, мезда тэнӧ став вӧрӧгсьыд. Ме, Господь, кӧсйыся тэныд, мый зумыдмӧда тэнсьыд рӧдтӧ.

Псалтыр 106:21

Ошкӧй Господьӧс Сылӧн буралӧмысь да шензьӧдана уджъясысь, мый Сійӧ вӧчӧ йӧзыслы!

Исай 63:10

Но найӧ паныд кыпӧдчисны да шогӧдісны Господьлысь Вежа Ловсӧ, та вӧсна Сійӧ лӧгаліс на вылӧ, тышкасис налы паныд.

Еремей 2:32

Том ныв ӧмӧй вунӧдас пасьтавны мичмӧдчанторъяссӧ, гӧтырпу – кӧлысь паськӧмлысь вӧньсӧ? Но Менам войтырӧй важӧн нин вунӧдіс Менӧ.

Индӧд 32:18

Найӧ вунӧдісны Дорйысьӧс, коді чужтіс найӧс, вунӧдісны Енмӧс, коді вӧчис найӧс.

Индӧд 32:30

Кыдзи нӧ ӧти мортыс сюрсӧс вермис вӧтлыны, а кыкӧн – дас сюрсӧс, эз кӧ Дорйысьныс вузав найӧс, эз кӧ Господь сет найӧс вӧрӧг киӧ.

Ёрдысьяс 10:7

Господь скӧрмис Израиль войтыр вылӧ да сетіс найӧс филистим да аммон войтыръяс киӧ.

Ёрдысьяс 13:1

Израиль войтыр бара кутіс вӧчны Господь водзын шогмытӧмсӧ. Таысь Господь сетіс найӧс филистимсаяс киӧ нелямын во кежлӧ.

Ёрдысьяс 2:14

Господь ёна скӧрмис Израиль войтыр вылӧ, сетіс найӧс мырддялысьяс киӧ да на гӧгӧр олысь вӧрӧг киӧ. Израиль войтыр эз нин вермы водзсасьны налы паныд.

Ёрдысьяс 3:12

Израиль пиян бара кутісны вӧчны Господь водзын шогмытӧмсӧ. Та вӧсна Господь кыпӧдіс моавса Эглон ӧксыӧс Израиль войтырлы паныд.

Ёрдысьяс 3:31

Эхуд бӧрся ёрдысьӧн вӧлі Шамгар, Анатлӧн пиыс. Ӧшъясӧс вӧтлан ёсь зорйӧн сійӧ виис квайтсё филистимсаӧс. Сійӧ тшӧтш мездіс Израиль войтырӧс.

Ёрдысьяс 4:2

Господь сетіс найӧс Хацорын юралысь ханаанса Явин ӧксы киӧ. Сылӧн тышкайӧзнас веськӧдліс Сисар, коді оліс Харошет-Гоим карын.

Ӧксыяслӧн 1 небӧг 12:15

Онӧ кӧ кутӧй кывзыны Господьӧс, а Сылы паныд кыпӧдчанныд, сэки Господь лэптас Ассьыс кисӧ тіянлы паныд, кыдзи лэптіс кисӧ батьясныдлы паныд.