Ӧксыяслӧн 1 небӧг 12:3 - Коми Библия 2023

³ Ӧні Господь водзын да Сылӧн мавтыштӧмаыс водзын висьталӧй, босьтлі-ӧ ме кодлыськӧ ӧшсӧ либӧ осёлсӧ? Пӧръявлі-ӧ да дзескӧдлі-ӧ кодӧскӧ? Сибӧдлі-ӧ кодсянькӧ козин, медым сылӧн лёк вӧчӧм вылӧ синмӧс тупкыны? Висьталӧй, и ме ставсӧ бӧр сета тіянлы».

Ӧксыяслӧн 1 небӧг 12:3 ပူးပေါင်းရင်းမြစ်များ

Ӧксыяслӧн 2 небӧг 22:22

ӧд ме ветлі Господьлӧн туйӧд, аслам Ен водзын шогмытӧмсӧ эг вӧч.

Неемий 5:11

Талун жӧ бӧр сетӧй йӧзыслы налысь муяссӧ, виноград да олив йӧръяссӧ, керкаяссӧ, уджйӧзсьыныс содтӧдӧн босьтӧм сьӧмсӧ, няньсӧ, винасӧ да олив выйсӧ».

Псалтыр 15:5

Господьӧй, Тэ менам пайыс да олӧмыс, менам пудйыс Тэнад киын.

Петӧм 20:17

Эн ышты матыссаыдлӧн керкаыс да гӧтырыс вылӧ, [муыс вылӧ,] кесйӧгыс да кесйӧг аньыс вылӧ, ӧшкыс да осёлыс вылӧ [сылӧн ыж-мӧскыс вылӧ]. Эн ышты нинӧм вылӧ, мый сылӧн эм».

Петӧм 22:4

Кор [гусясьысьӧс кутасны и] гусялӧм ӧшкӧс, осёлӧс либӧ ыжӧс аддзасны ловйӧн, сэки гусясьысьлы колӧ кык пӧвстӧн вештысьны наысь.

Петӧм 23:8

Эн босьт козин, ӧд козин босьтӧмыс синтӧммӧдӧ синмаӧс, и сійӧ мыждӧ веськыда вӧчысьӧс.

Шусьӧгъяс 15:27

Горшасьысь аслас керкаӧ шог вайӧ, а коді козинъяс вылӧ абу горш, сійӧ дыр олӧ.

Левит 6:4

Татшӧм мыжсӧ вӧчысь лоӧ мыжа. Сылы колӧ бӧр сетны, мый гусяліс, мырддис либӧ босьтліс ас ордас видзны. Колӧ бӧр сетны, кодлыськӧ воштӧмторсӧ кӧ аддзис.

Левит 6:5

Колӧ бӧр сетны сійӧ, мый йылысь ылӧдлӧмӧн кыв сетліс. Мыж вештан вись ваян лунӧ сылы колӧ вештысьны мортлы, кодлӧн вӧлі эмбурыс. Доныс дінӧ колӧ содтыны витӧд пай.

Лыд 16:15

Мӧисей ёна скӧрмис да шуис Господьлы: «Налысь вайӧмторъяссӧ эн сибӧд. Ме весиг ӧти осёлӧс эг босьтлы налысь, на пӧвстысь некодлы лёксӧ эг вӧчлы».

Матвей 22:21

Найӧ вочавидзисны: «Кесарлӧн». Исус шуис налы: «Кесарлысь сетӧй кесарлы, а Енлысь – Енлы».

Лука 19:8

Заккей сувтіс да шуис: «Господьӧй, овмӧслысь джынсӧ сета гӧльяслы, а кодлысь ылӧдлӧмӧн босьті, сылы нёль пӧвстӧн бӧр бергӧда».

Ап. уджъяс 20:33

Ме некодсянь эг виччысь эзысь-зарни либӧ кӧм-пась.

2 Коринфӧ 12:14

Ӧні коймӧдысь нин мӧдӧдча тіян дінӧ, но ме ог кӧсйы сьӧктӧдны тіянӧс. Меным ӧд тіянсянь нинӧм оз ков, ті асьныд меным коланаӧсь. Оз ныв-пиыс чукӧртны эмбурсӧ бать-мамыслы, а мӧдарӧ, бать-мамыс – ныв-пиыслы.

Индӧд 16:19

Веськыда мыждӧмсӧ энӧ торкӧй, чужӧм вылӧ энӧ видзӧдӧй, козинъяс энӧ босьтӧй. Ӧд козин босьтӧмыс синтӧммӧдӧ мывкыда мортӧс, и сійӧ мыждӧ веськыда вӧчысьӧс.

1 Фессалоникаӧ 2:10

Ті тӧданныд, и Енмыс тӧдӧ, мый тіян дінын, эскысьяс пӧвстын олігӧн, ми ставсӧ вӧчим веськыда да вежавидзӧмӧн, миянӧс нинӧмысь вӧлі мыждынысӧ.

1 Фессалоникаӧ 2:5

Ми некор эгӧ сёрнитлӧй мавтан кывъясӧн, ті тӧданныд тайӧс. Нинӧм эгӧ вӧчӧй горшасьӧмӧн, Ен тӧдӧ.

1 Петыр 5:2

видзӧй тіянлы сетӧм Енлысь йӧз чукӧрсӧ. Тӧждысьӧй на вӧсна нимкодьпырысь да Енлы шогмана ногӧн, энӧ мырдӧнпырысь. Вӧчӧй тайӧс сьӧлӧмсяньныд, а энӧ аслыныд мыйкӧ куралӧм могысь.

Ӧксыяслӧн 1 небӧг 10:1

Самуил босьтіс вый тыра доз да кисьтіс Сауллы юр вылас. Сэсся окыштіс сійӧс да шуис: «Господь мавтыштӧма тэнӧ, мед пуктыны тэнӧ юралысьӧ Аслас войтырлы [Израильын. Тэ лоан ӧксыӧн Господьлӧн войтырлы, мездан найӧс на гӧгӧр олысь вӧрӧгъясысь. Со, тэныд пас, мый Ачыс Господь мавтыштӧма тэнӧ ӧксыӧ, мед веськӧдлыны Сылӧн войтырӧн].

Ӧксыяслӧн 1 небӧг 12:4

Йӧзыс вочавидзисны: «Тэ миянӧс эн пӧръявлы, эн дзескӧдлы да некодлысь нинӧм эн босьтлы».

Ӧксыяслӧн 1 небӧг 12:5

Самуил шуис налы: «Господь кылӧ, и Сылӧн мавтыштӧмаыс талун кылӧ тіянлысь висьталӧмтӧ, мый ме сайын нинӧм абу». Ставныс шуисны: «Господь кылӧ».

Ӧксыяслӧн 1 небӧг 2:35

Аслым Ме сувтӧда попӧс, коді кутас кывзысьны Менсьым да збыльмӧдны Менсьым кӧсйӧмӧс. Сылысь рӧдсӧ вӧча зумыдӧн. Став олӧм чӧжыс сійӧ кутас кесъявны Менам мавтыштӧма водзын.

Ӧксыяслӧн 1 небӧг 24:11

Тэ аслад синмӧн аддзан, мый талун изкыртаас Господь сетіс тэнӧ менам киӧ. Йӧзӧй корисны вины тэнӧ. Но ме бурсьӧлӧмтчи тэ дінӧ, шуи, мый ог лэпты киӧс аслам ыджыд вылӧ, ӧд сійӧ – Господьлӧн мавтыштӧм морт.

Ӧксыяслӧн 1 небӧг 24:6

Но Давидлы сьӧкыд лои сьӧлӧм вылас таысь.

Ӧксыяслӧн 1 небӧг 24:7

Давид шуис аслас йӧзлы: «Господь мед оз лэдз меным лёксӧ вӧчны аслам ыджыдлы, Господьлӧн мавтыштӧмалы. Мед видзас менӧ сы вылӧ киӧс лэптӧмысь, ӧд сійӧ – Господьлӧн мавтыштӧм морт».

Ӧксыяслӧн 1 небӧг 26:11

Босьт сылӧн юр дорысь шысӧ да ва тыра дозсӧ. Мунам татысь».

Ӧксыяслӧн 1 небӧг 26:9

Давид шуис Авишайлы: «Эн ви сійӧс! Господьлӧн мавтыштӧма вылӧ ки лэптысь оз коль мыждытӧг.