Ӧксыяслӧн 1 небӧг 12:11 - Коми Библия 2023

¹¹ Сэки Господь мӧдӧдіс Ероваалӧс, Варакӧс, Еффайӧс, Самуилӧс да мездіс тіянӧс став вӧрӧгысь, и ті олінныд повтӧг.

Ӧксыяслӧн 1 небӧг 12:11 ပူးပေါင်းရင်းမြစ်များ

Ӧксыяслӧн 4 небӧг 13:5

Господь сетіс мездысьӧс Израиль войтырлы, и найӧ мынісны арамейяслӧн кипод улысь. Израиль войтыр воддза мозыс лӧня пондіс овны аслас муын.

1 Каднебӧг 7:17

Уламлӧн вӧлі Бедан нима пи. Татшӧм вӧлі Галаадлӧн рӧдыс. Галаад вӧлі Макирлӧн пи, Макир – Манассейлӧн.

Ёрдысьяс 4:6

Девора мӧдӧдіс корны Авиноамлысь Варак писӧ Кедеш карысь, Неффалим чужанкотырлӧн муысь. Сійӧ шуис Вараклы: «Господь, Израильлӧн Ен, тшӧктӧ тэныд: ”Мун кай Тавор керӧс вылӧ. Босьт аскӧдыд Неффалим да Завулон чужанкотыръяс пӧвстысь дас сюрс мортӧс.

Ёрдысьяс 6:14

Гедеон вылӧ видзӧдлӧмӧн Господь шуис: «Тэнад эм вын. Мун да мезды Израильӧс мадианса киысь. Ме мӧдӧда тэнӧ».

Ёрдысьяс 6:31

Но Йоас шуис налы: «Ті кӧсъянныд дорйыны Ваалӧс? Кӧсъянныд сылы отсавны? Коді кутас дорйыны Ваалӧс, сійӧс асылӧдзыс мед виасны. Ваал кӧ ен, мед ачыс асьсӧ дорйӧ, ӧд Гедеон жугӧдӧма сылысь висьпуктанінсӧ».

Ёрдысьяс 6:32

Сійӧ лунӧ Гедеонлы сетісны Ероваал ним, ӧд батьыс сы йылысь шуис: «Ваал мед ачыс асьсӧ дорйӧ, ӧд Гедеон жугӧдӧма сылысь висьпуктанінсӧ».

Ёрдысьяс 7:1

Водз асывнас Гедеон, мӧд ногӧн кӧ, Ероваал, да став сылӧн тышкайӧзыс ӧтвылысь сувтісны Харод ва петанін бокӧ. Мадиансаяс сулалісны войвывладорас, ковтысын, Морэ нима керӧс дорын.

Ёрдысьяс 8:29

Йоаслӧн Гедеон пиыс, мӧд ногӧн кӧ, Ероваал, локтіс аслас гортӧ да оліс сэні.

Ёрдысьяс 8:35

Гедеонлӧн, мӧд ногӧн кӧ, Еровааллӧн, котырлы найӧ эз мынтысьны бурӧн Гедеонлӧн Израильлы бур вӧчӧмысь.

Ӧксыяслӧн 1 небӧг 3:20

Тадзи войвыв Дансянь лунвыв Бер-Шеваӧдз став Израиль тӧдмаліс, мый Самуилӧс Господь пуктӧма пророкӧ.

Ӧксыяслӧн 1 небӧг 7:13

Тадзи вӧлі вермӧма филистимсаясӧс. Та бӧрти найӧ эз нин усьласьны Израиль му вылӧ. Самуиллӧн став олан лунъяс дырйи Господь чорыд кабырын кутіс филистимсаясӧс.