Ӧксыяслӧн 1 небӧг 11:2 - Коми Библия 2023

² Аммон войтырысь Нахаш шуис налы: «Ме кӧртала тіянкӧд йитӧд, но медводз быдӧнлысь тіянлысь перъя веськыд синтӧ. Тадзи янӧда став Израильӧс».

Ӧксыяслӧн 1 небӧг 11:2 ပူးပေါင်းရင်းမြစ်များ

Олӧм 34:14

Шуисны [Диналӧн Симеон да Левий вокъясыс, Лиялӧн пияныс]: «Огӧ вермӧй сетны чойнымӧс вундыштчытӧм морт сайӧ, ӧд тайӧ миянӧс янӧдӧ.

Ӧксыяслӧн 4 небӧг 18:31

Энӧ кывзӧй Езекейӧс! Ассурса ӧксы тадзи висьталӧ: ”Сетчӧй меным да локтӧй ме дінӧ! Сэки ті кутанныд сёйны виноград да инжир вотӧс асланыд пуясысь, юны ва асланыд юкмӧсысь.

Псалтыр 44:13

Тирса йӧз локтасны тэ дінӧ козинъясӧн, озыръяс кутасны виччысьны тэсянь буралӧм.

Петӧм 3:6

Ен нӧшта шуис: «Ме тэнад батьлӧн Ен, Ӧвраамлӧн Ен, Исааклӧн Ен да Яковлӧн Ен». Мӧисей тупкис чужӧмсӧ, ӧд поліс видзӧдны Ен вылӧ.

Шусьӧгъяс 12:10

Веськыда олысь аслас ыж-мӧскыс вӧсна тӧждысьӧ, а мыжа мортлӧн сьӧлӧмыс чорыд.

Еремей 39:7

Вавилонса ӧксы бытшкис Седекейлысь кыкнан синсӧ да дорис сійӧс ыргӧн чепъясӧн, медым нуӧдны Вавилонӧ.

Лыд 16:14

Тэ ӧмӧй вайӧдін миянӧс муӧ, кӧні визувтӧ йӧв да ма? Тэ ӧмӧй сетін миянлы видз-муяс да виноград йӧръяс? Чайтан, мый йӧзыс синтӧмӧсь? Ми огӧ локтӧй!»

Ёрдысьяс 16:21

Филистимсаяс босьтісны Самсонӧс да бытшкисны сылысь кыкнан синсӧ. Сэсся вайӧдісны сійӧс Газа карӧ да кӧрталісны ыргӧн чепъясӧн. Дзескыдінын сылы ковмис изны нянь.

Ӧксыяслӧн 1 небӧг 11:10

Явис карын олысьяс шуисны Нахашлы: «Аски ми локтам тіян дінӧ. Вӧчӧй миянкӧд, мый кӧсъянныд».

Ӧксыяслӧн 1 небӧг 12:12

Ӧксынас тіян вӧлі Господь, тіян Енныд. Но кор ті аддзинныд, мый аммон войтырлӧн Нахаш ӧксы уськӧдчӧ тіян вылӧ, ті шуинныд меным: ”Миянлы колӧ ӧксы, сійӧ мед ыджыдалас миян вылын”.

Ӧксыяслӧн 1 небӧг 17:26

Давид юаліс сыкӧд орччӧн сулалысьяслысь: «Мый вичмас сійӧ мортыслы, коді виас тайӧ вундыштчытӧм филистимсасӧ да вештас Израиль вылысь янӧдӧмсӧ? Коді сійӧ сэтшӧмыс, мый лысьтӧ увтыртны ловъя Енлысь тышкайӧзсӧ?»