Ӧксыяслӧн 1 небӧг 11:11 - Коми Библия 2023

¹¹ Аскинас Саул юкис ассьыс тышкайӧзсӧ куим пельӧ. Асъядорыс найӧ пырисны аммон тышкайӧзлӧн чукӧртчанінӧ да луншӧр кадӧдз пасьвартісны найӧс. Ловйӧн кольӧмаяс пышйисны-разалісны.

Ӧксыяслӧн 1 небӧг 11:11 ပူးပေါင်းရင်းမြစ်များ

Олӧм 22:14

Тайӧ местасӧ Ӧвраам нимтіс Яхве-ире, мый лоӧ ”Господь аддзӧ”. Ӧнӧдз на шуӧны, мый Господьлӧн керӧс вылын ставыс тыдовтчас.

Ӧксыяслӧн 2 небӧг 18:2

Сэсся мӧдӧдіс став тышкайӧзсӧ куим пельӧ юкӧмӧн. Ӧти чукӧрнас веськӧдліс Йоав, мӧд чукӧрнас – Йоавлӧн вокыс, Саруялӧн Авишай пиыс, коймӧд чукӧрнас – Гефысь Иттай. Ӧксы шуис тышкайӧзлы: «Ме тшӧтш тіянкӧд муна».

Псалтыр 46:1

Сьылысьясӧн веськӧдлысьлы. Корей пиянлӧн псалом.

Петӧм 14:24

Кыа петтӧдз Господь видзӧдліс би да кымӧр сюръя пытшсяньыс египетса тышкайӧз вылӧ да шӧйӧвоштіс найӧс.

Матвей 7:2

Ӧд тіян мыждӧмныд ас выланыд бӧр воас. Асланыд мурталӧм серти тіянлы мурталасны.

Яков 2:13

Ӧд буралӧмыд ёна ыджыдджык мыждӧм дорысь. Но коді оз ло бур сьӧлӧма мӧд дінӧ, сійӧс лоӧ мыждӧма бурсьӧлӧмтчытӧг.

Ёрдысьяс 1:7

Везекса ӧксы шуис: «Сизимдас ӧксылысь ки-коксьыс певсӧ ме керыштлі, и найӧ менам пызан улысь торпыригсӧ чукӧртлісны. Ӧні Енмыс менсьым водзӧс перйис». Сійӧс вайӧдісны Ерусалимӧ, сэні сійӧ куліс.

Ёрдысьяс 4:16

Варак вӧтӧдіс сылысь тарантасъяссӧ да тышкайӧзсӧ Харошет-Гоим карӧдз. Сисарлӧн став тышкайӧзыс кулісны шыпурт помысь, некод ловйӧн эз коль.

Ёрдысьяс 7:16

Куимсё мортӧс Гедеон юкис куим пельӧ. Быдӧнлы киас сетіс буксан да гырнич доз, кытчӧ вӧлі дзебӧма ӧзъялысь факел.

Ёрдысьяс 7:20

Став куимнан тышкакотырыс буксісны буксанӧн да жуглісны гырнич дозъяссӧ. Шуйга киас быдӧн кутіс факел, а веськыдас – буксан. Найӧ буксісны да горзісны: «Тышкасям Господь вӧсна да Гедеон вӧсна!»

Ёрдысьяс 9:43

Сійӧ юкис ассьыс йӧзсӧ куим пельӧ да пуксьӧдіс кыйӧдчыны кар сайӧ. Кор сикемсаяс сӧмын на петісны карсьыс, Авимелек аслас йӧзыскӧд уськӧдчис на вылӧ да виис найӧс.

Ӧксыяслӧн 1 небӧг 11:2

Аммон войтырысь Нахаш шуис налы: «Ме кӧртала тіянкӧд йитӧд, но медводз быдӧнлысь тіянлысь перъя веськыд синтӧ. Тадзи янӧда став Израильӧс».

Ӧксыяслӧн 1 небӧг 14:47

Сауллӧн ӧксыалӧмыс Израильын зумыдмис. Сійӧ тышкасис Израиль гӧгӧр олысь вӧрӧгкӧд: моав да аммон войтыръяскӧд, эдомсаяскӧд [да вефорсаяскӧд], цоваса ӧксыяскӧд да филистимсаяскӧд. Код вылӧ сійӧ уськӧдчыліс, ставнысӧ вермыліс.