Ӧксыяслӧн 1 небӧг 10:21 - Коми Библия 2023

²¹ Сэсся тшӧктіс Венямин чужанкотырысь матыстчыны быд рӧдлы. Пудйыс уси Матри рӧдлы. Матри рӧдысь Самуил корис став айуловсӧ, и пудйыс уси Сауллы, Кислӧн пилы. Кутісны корсьны сійӧс, но эз аддзыны.

Ӧксыяслӧн 1 небӧг 10:21 ပူးပေါင်းရင်းမြစ်များ

Ӧксыяслӧн 2 небӧг 3:19

Авенир висьталіс тайӧс тшӧтш Венямин чужанкотырлы. Сэсся муніс Хевронӧ юӧртны Давидлы, мый шуисны вӧчны Израиль войтыр да Венямин чужанкотыр.

Шусьӧгъяс 18:18

Ёрд водзын веськыд сійӧ, коді медводдзаӧн сёрнитӧ, но локтӧ сыкӧд вензьысь да тӧдмалӧ сійӧс.

Иона 1:7

Кывтысьяс шуисны ӧта-мӧдныслы: «Пудъясям, мед тӧдны, код вӧсна миянӧс суис тайӧ шогыс». Пудъясисны да, петкӧдліс Иона вылӧ.

Ап. уджъяс 13:21

Сэсся найӧ корисны ӧксыӧс, сэки Енмыс сетіс налы Саулӧс, Венямин чужанкотырысь Кислысь писӧ. Сійӧ веськӧдліс нелямын во чӧж.

Ӧксыяслӧн 1 небӧг 10:20

Самуил тшӧктіс матыстчыны израильса быд чужанкотырлы. На пиысь пудъясьӧмӧн вӧлі бӧрйӧма Веняминлысь чужанкотырсӧ.

Ӧксыяслӧн 1 небӧг 10:22

Сэки юалісны Господьлысь, локтас оз Саул. Господь вочавидзис, сійӧ пӧ кӧлуй чукӧр пытшкын дзебсясьӧ.

Ӧксыяслӧн 1 небӧг 9:2

Кислӧн вӧлі Саул нима пи – том да синмӧ шыбитчана зон. Израильса зонъяс пиысь сійӧ вӧлі медся мича, став йӧзсьыс юрӧн ыджыд.