Наум 3:13 - Коми Библия 2023

¹³ Тэнад тышкайӧзыд аньяс кодьӧсь, тэнад муын дзиръяясыд гурйыв восьсаӧсь вӧрӧгыдлы, биыс сотӧма тэнсьыд тасъястӧ.

Наум 3:13 ပူးပေါင်းရင်းမြစ်များ

Исай 19:16

Сійӧ лунӧ египетсаяс лоӧны аньяс кодьӧсь. Повзьӧмнысла найӧ пондасны тіравны Господь Саваофысь, кор Сійӧ кисӧ лэптас на вылӧ.

Еремей 50:36

Шыпурт кыпӧдӧма больгысьяс весьтӧ, и найӧ йӧймасны. Шыпурт кыпӧдӧма вавилонса тышкайӧз весьтӧ, и найӧ шӧйӧвошасны.

Еремей 50:37

Шыпурт кыпӧдӧма вавилонса вӧвъяс да тарантасъяс весьтӧ, йӧз муысь локтӧм шыпуртаяс весьтӧ, и найӧ аньяс моз повзясны. Шыпурт кыпӧдӧма вавилонсаяслӧн озырлун весьтӧ, и найӧс лоӧ куштӧма.

Еремей 51:30

Вавилонса тышкайӧз дугдісны тышкасьны, найӧ пукалӧны асланыс изкаръясын. Найӧ вынтӧммисны, лоины аньяс кодьӧсь. Налысь керкаяснысӧ сотӧма, дзиръя иганъяссӧ жуглӧма.

Авдий 1:9

Теман, тэнад тышкайӧзыд кутасны дзӧрны-тіравны, Исав керӧс вылын ставнысӧ лоӧ виӧма-бырӧдӧма.

Наум 2:6

Воссьӧны ю кутӧдъяс, ваыс ыльӧбтӧ, и ӧксылӧн керкаыс киссьӧ.

Наум 2:7

Шуӧма, мый карсӧ куштасны, олысьяссӧ нуӧдасны пленӧ. Кесйӧг аньяс ойзӧны-ружтӧны гулюяс моз, вачкалӧны асьнысӧ морӧсаныс.

Наум 3:15

Но тэнӧ бырӧдас би, виас шыпурт. Весиг кӧ тэ рӧдман саранча мында, биыс бырӧдас тэнӧ.