Матвей 9:35 - Коми Библия 2023

³⁵ Исус ветліс-кытшовтіс став кар-сиктсӧ. Сійӧ велӧдіс синагогаясын, висьтавліс Ен Юралӧм йылысь Евангелльӧ да бурдӧдаліс йӧзсӧ быд висьӧм-доймӧмысь.

Матвей 9:35 ပူးပေါင်းရင်းမြစ်များ

Матвей 10:1

Исус корис дас кыкнан велӧдчысьсӧ да сетіс налы вын вӧтлавны пеж ловъясӧс да бурдӧдавны йӧзӧс быд висьӧм-доймӧмысь.

Матвей 11:1

Дас кыкнан велӧдчысьсӧ велӧдӧм-туйдӧдӧм бӧрын Исус муніс юӧртны да велӧдны мукӧд каръясӧ.

Матвей 11:5

– Синтӧмъяс аддзӧны, коктӧмъяс ветлӧны, проказаысь сӧстӧммӧны, пельтӧмъяс кылӧны, кулӧмаяс ловзьӧны, коньӧръяслы Бур Юӧр висьталӧны.

Марк 1:14

Иоанлӧн дзескыдінӧ веськалӧм бӧрын Ен Юралӧм йылысь Евангелльӧ висьталігтыр Исус муніс Галилеяӧ.

Марк 6:56

Быдлаын, кытчӧ воліс Исус – сиктӧ, карӧ, грездӧ – эрдъяс вылӧ водтӧдавлісны висьысьясӧс да корисны Исусӧс, мед висьысьяслы лэдзас инмӧдчывны паськӧм дорышас. Сы дінӧ инмӧдчылысьяс ставныс бурдісны.

Марк 6:6

Йӧзлӧн эскытӧмлуныс шензьӧдіс Сійӧс. Исус ветлӧдліс матігӧгӧр сиктъясӧд да велӧдіс йӧзсӧ.

Лука 13:22

Исус мӧдӧдчис Ерусалимӧ. Кар-сиктъясті мунігӧн Сійӧ велӧдіс йӧзсӧ.

Ап. уджъяс 10:38

Ен мавтыштіс Назаретса Исусӧс Вежа Лолӧн да вынӧн. Исус быдлаті ветлӧдліс, уна бур вӧчис йӧзыслы, бурдӧдаліс да мездіс йӧзсӧ омӧльыслӧн киысь. Енмыс вӧлі Сыкӧд.

Ап. уджъяс 2:22

Израиль войтыр, кывзӧй! Назаретса Исусӧс сувтӧдіс тіянлы Ачыс Енмыс. Сійӧ петкӧдліс тайӧс тіянлы шензьӧданаторъясӧн да индысьпасъясӧн, кодъясӧс вӧчис тіян пӧвстын Исус пыр. Тайӧс ті асьныд тӧданныд.