Матвей 28:19 - Коми Библия 2023

¹⁹ Мунӧй войтыръяс дінӧ, вӧчӧй найӧс Менам велӧдчысьясӧн да пыртӧй найӧс Бать, Пи да Вежа Лов нимӧн.

Матвей 28:19 ပူးပေါင်းရင်းမြစ်များ

Олӧм 1:26

Ен шуис: «Вӧчамӧй мортӧс Миян кодьӧн да Миян ногаӧн. Сійӧ мед ыджыдалас саридзса черияс да енэжвыв лэбачьяс вылын, мувыв пемӧсъяс вылын, мувыв гаг-веглясьысьяс вылын да став муыс вылын».

Исай 48:16

Матыстчӧй Ме дінӧ да кывзӧй! Водзысяньыс Ме висьтавлі тіянлы восьсӧн. Сійӧ кадсяньыс, кор ставыс тайӧ заводитчис, Ме вӧлі сэні нин. Ӧні Господь Ыджыдыс сетіс меным Ассьыс ловсӧ да мӧдӧдіс менӧ.

Исай 49:6

– Тэ – Менам кесйӧг, тэ выльысь сувтӧдан Яковлысь чужанкотыръяссӧ, бергӧдан Израильлысь коляс войтырсӧ, но тайӧ этша на. Ме вӧча тэнӧ войтыръяслы югыдӧн, медым Меӧн мӧдӧдӧм мездмӧмыс воис му помӧдзыс.

Исай 52:10

Став войтыръяслӧн син водзын Господь петкӧдліс Аслас вежа килысь вынсӧ. Му помын олысьяс ставныс аддзасны миян Енсянь мездӧмсӧ.

Матвей 13:52

Исус шуис налы: «Индӧдӧ велӧдысь, коді тӧдӧ Енэжвыв Юралӧмсӧ, керка кутысь кодь, коді аслас видзанінысь выльсӧ и важсӧ петкӧдӧ».

Матвей 25:32

Сы водзӧ чукӧртчасны войтыръяс, и Сійӧ торйӧдас найӧс, кыдзи видзысь торйӧдӧ ыжъяссӧ кӧзаяссьыс.

Ап. уджъяс 1:2

да сійӧ лунӧдзыс, кор кыпӧдчис енэжӧ. Кыпӧдчытӧдзыс на Сійӧ Вежа Ловсянь сетіс Аслас бӧрйӧм апостолъяслы тшӧктӧмъяс.

Ап. уджъяс 1:8

Но кор лэччас тіян вылӧ Вежа Лов, тіянлы лоӧ сетӧма вын. Сэки понданныд висьтавлыны Ме йылысь Ерусалимын, став Иудеяын, Самарияын да став му пасьталаыс».

Ап. уджъяс 14:21

Дервияын Павел да Варнава висьтавлісны Евангелльӧ став карыслы, бура уна велӧдчысь сэні лои. Сэсся бӧрсӧ локтісны Листра, Икония да Антиокия пыр.

Ап. уджъяс 2:41

Унаӧн долыдпырысь сибӧдісны сьӧлӧманыс Петырлысь кывъяссӧ да пыртчисны. Сійӧ лунӧ эскысьяс дінӧ содіс куим сюрс гӧгӧр морт.

Ап. уджъяс 28:28

Тӧдӧй, мый Ен мӧдӧдӧма мездмӧмсӧ ентӧдтӧмъяслы, найӧ и кыласны».

Ап. уджъяс 9:18

Пырысь-пыр Савл синмысь быттьӧ чери сьӧм усис, да сійӧ пондіс аддзыны. Сэсся дзик пыр чеччис да пыртчис.

Римӧ 10:18

Юала: «Найӧ ӧмӧй эз кывлыны?» Кывлісны, дерт. – Став му пасьталаыс юргӧ налӧн гӧлӧс шыныс, муюгыдыслӧн медылі пельӧсӧдз воӧны налӧн кывъясыс.

1 Коринфӧ 15:29

Мыйла йӧзыс кулӧмаяс пыдди пыртчӧны? Ӧд кулӧмаяс кӧ оз ловзьыны, сідзкӧ, мыйла на пыдди пыртчынысӧ?

Галатӧ 3:27

Ті пыртчинныд Кристосӧ, сідзкӧ, тіян паськӧмныд – Кристос.

Ефесӧ 2:18

Та вӧсна ми быдӧн, иудейяс да мукӧд войтыр, Кристос пыр вермам локны Бать дінӧ, ӧд миянӧс ставнымӧс йитӧ ӧти Лов.

Колосӧ 1:23

Сӧмын тіянлы колӧ вӧрзьывтӧг сулавны эскӧмас да зумыда кутчысьны Бур Юӧрӧн сетӧм лачаас. Бур Юӧрсӧ ті кывлінныд, сійӧс юӧртӧма енэж улын став олысьыслы. Ме, Павел, лои тайӧ Бур Юӧрыслы кесъялысьӧн.

1 Петыр 3:21

Тайӧ лоӧмторйыс индӧ миян пыртчӧм вылӧ, мый абу вир-яй вылысь няйт мыськӧм, но сӧстӧм сьӧлӧмсянь Енлы кӧсйысьӧм. Пыртчӧм пыр ми мездмам Исус Кристослӧн ловзьӧм вӧсна.

1 Иоан 5:7

Енэжас эскӧдӧны-висьталӧны та йылысь куимӧн: Бать, Кыв да Вежа Лов. Тайӧ куимыс ӧти.