Матвей 25:34 - Коми Библия 2023

³⁴ Веськыдладорын сулалысьяслы Ӧксы шуас: ”Локтӧй, менам Батьлӧн бурсиӧмаяс. Тіянлы вуджӧ Енлӧн Юраланіныс, кодӧс дасьтӧма тіянлы му пуксьӧмсяньыс.

Матвей 25:34 ပူးပေါင်းရင်းမြစ်များ

Псалтыр 2:6

«Ме мавтышті Ассьым Ӧксыӧс да сувтӧді Сійӧс Сионӧ, Менам вежа керӧс вылӧ».

Шусьӧгъяс 11:17

Бур сьӧлӧма морт аслыс бур вайӧ, а чорыд сьӧлӧма ассьыс вир-яйсӧ жугӧдӧ.

Исай 33:22

Господь – миян Мыждысьыс, Господь – миян Юралысьыс, Господь – миян Ӧксыыс, Сійӧ мездас миянӧс!

Исай 6:5

Сэки ме шуи: «Курыд шог меным, менӧ виччысьӧ кулӧм! Ме ӧд пеж вома морт, ола пеж вома войтыр пӧвстын, но ме аддзылі Ӧксыӧс, Господь Саваофӧс».

Исай 9:7

Сійӧ кутас пукавны Давидлӧн юралан пуклӧсын, Сылӧн ыджыдалӧмлы да лӧньлунлы помыс оз ло. Аслас веськыдлуннас да збыль серти мыждӧмнас Сійӧ ёнмӧдас-вынсьӧдас Ассьыс юралӧмсӧ ӧні и пыр кежлӧ. Тадзи вӧчас Господь Саваоф, ӧд Сійӧ – вежӧгтысь Ен.

Даниил 9:25

Тӧд да гӧгӧрво, мый сійӧ кадсяньыс, кор петас тшӧктӧм выльысь сувтӧдны Ерусалим кар, да сійӧ кадӧдзыс, кор локтас мавтыштӧм Ӧксы, коляс сизимысь сизим во да квайтымын кыкысь сизим во. Сьӧкыд кадӧ Ерусалим карсӧ лоӧ выльысь кыпӧдӧма, изэрдъяссӧ да стенъяссӧ лоӧ выльысь вӧчӧма.

Софоний 3:15

Господь вештіс тэ вылысь Ассьыс мыждӧмсӧ, Сійӧ вӧтліс тэнӧ мустӧмтысьясӧс. Господь, Израильлӧн Ӧксы, тэ пӧвстын, тэныд оз нин ков повны, мый вӧчасны лёксӧ.

Матвей 13:35

медым иніс пророклӧн шуӧмыс: – Ме сёрнита тіянкӧд велӧданвисьтъясӧн, му пуксьӧмсяньыс дзебӧмасӧ юӧрта.

Матвей 19:29

Коді Менам ним вӧсна коляс керкасӧ, чой-воксӧ, бать-мамсӧ, гӧтырсӧ, ныв-писӧ да видз-мусӧ, сылы сё пӧвстӧн бӧр воас, нӧшта помтӧм олӧм сылы вичмас.

Матвей 20:23

Исус шуис: «Менсьым чашаӧс понданныд юны да Менам пыртчӧмӧн понданныд пыртчыны. Но мед пуксьӧдны веськыдладорам да шуйгаладорам – тайӧ абу Ме сайын. Менам Бать сэтчӧ пуксьӧдысьыс».

Матвей 21:5

– Висьталӧй Сион нывлы: Видзӧд, Ӧксыыд локтӧ тэ дінӧ! Сійӧ рам сьӧлӧма, пукалӧ осёл вылын, сийӧсалӧм осёллӧн чань вылын.

Матвей 25:21

Ыджыдыс шуас: ”Бура вӧчин. Тэ бур да эскана кесйӧг. Ичӧтторйын тэ эскана вӧлін, пукта тэнӧ кывкутны унатор вӧсна. Лок, ӧтлаын гажӧдчам-нимкодясям”.

Матвей 25:23

Ыджыдыс шуас: ”Бура вӧчин. Тэ бур да эскана кесйӧг. Ичӧтторйын тэ эскана вӧлін, пукта тэнӧ кывкутны унатор вӧсна. Лок, ӧтлаын гажӧдчам-нимкодясям”.

Матвей 25:40

Ӧксы шуас налы: ”Веськыда висьтала тіянлы: тайӧс кӧ ті вӧчинныд Менам ичӧт вокъясысь ӧтилы, сідзкӧ, вӧчинныд Меным”.

Матвей 25:41

Сэсся шуйгаладорын сулалысьяслы Сійӧ шуас: ”Вешйӧй Ме дінысь, ёрӧмаяс. Мунӧй омӧльыслы да сылӧн анделъяслы дасьтӧм куслытӧм биӧ.

Матвей 27:37

Юр весьтас ӧшӧдісны мыжалан пасйӧд: «Тайӧ – Исус, иудейяслӧн Ӧксы».

Матвей 3:2

«Бергӧдчӧй мыжъяссьыныд! Енэжвыв Юралӧмыс матын».

Матвей 5:19

Коді торкас Ен тшӧктӧмъясысь весиг ӧти ичӧттор да велӧдас тадзи вӧчны мукӧдӧс, Енэжвыв Юраланінын сійӧс медічӧтӧ пуктасны. Коді олас тшӧктӧмъясыс серти да велӧдас тадзи овны мукӧдӧс, Енэжвыв Юраланінын сійӧс ыджыд мортӧ пуктасны.

Марк 10:17

Туйӧ петігас Исус дінӧ котӧрӧн локтіс ӧти морт да Исус водзӧ пидзӧс вылас сувтӧмӧн юаліс: «Бур Велӧдысьӧй, мый меным колӧ вӧчны, мед вичмис меным помтӧм олӧм?»

Марк 10:40

Но мед пуксьӧдны веськыдладорам да шуйгаладорам – тайӧ абу Ме сайын. Сэтчӧ пуксясны найӧ, кодлы лӧсьӧдӧма».

Лука 11:28

Исус шуис: «Шудаӧсь Енлысь кывсӧ кылысьяс да Ен кыв серти олысьяс!»

Лука 11:50

Тадзи ӧнія олысьяслы ковмас мынтысьны став пророкыслӧн вирысь, мый кисьтӧма му пуксьӧмсяньыс:

Лука 12:32

Эн пов, ичӧт чукӧр! Ӧд тіян Батьныд шуис сетны тіянлы Юралӧм.

Лука 19:38

Найӧ шуалісны: – Бурсиӧма Господь нимӧн локтысь Ӧксыӧс! Лӧнь олӧм енэжын, ошкӧм Медвылыссалы!

Иоан 1:49

Нафанаил шуис: «Велӧдысьӧй, Тэ – Ен Пи, Тэ – Израильлӧн Ӧксы!»

Иоан 12:13

Пальма росъяс босьтӧмӧн найӧ петісны Исуслы воча да горзісны: – Осанна! Бурсиӧма Господь нимӧн Локтысьӧс, Израильлысь Ӧксысӧ!

Иоан 17:24

Батьӧй, Ме кӧсъя, медым Меным сетӧмаясыд лоасны сэні, кӧні Ме лоа. Найӧ мед аддзасны Менсьым дзирдлунӧс, кодӧс Тэ сетін Меным, ӧд Ме муса вӧлі Тэныд му пуксьытӧдзыс на.

Иоан 19:15

Найӧ горӧдісны: «Босьт, тувъяв Сійӧс!» Пилат юаліс: «Тіянлысь Ӧксынытӧ-ӧ тувъяла?» Аркирейяс вочавидзисны: «Кесарысь кындзи миян мӧд ӧксыыс абу».

Ап. уджъяс 15:18

Нэмъяс пуксьытӧдзыс на Сійӧ тӧдіс став Ассьыс уджъяссӧ.

Ап. уджъяс 3:26

Ен ловзьӧдіс Ассьыс Писӧ, Исусӧс, да мӧдӧдіс Сійӧс медводз тіян дінӧ, медым бергӧдны тіянӧс лёксьыс да бурсины тіянӧс».

Римӧ 8:17

Ми кӧ Енмыслӧн ныв-пи, сідзкӧ, Кристоскӧд босьтам Енсянь вичмӧдӧмасӧ. Сыкӧд ӧтвыв кӧ сьӧкыдсӧ нуам, ӧтвыв Сыкӧд и дзирдлунас лоам.

1 Коринфӧ 15:50

Вокъяс, кӧсъя висьтавны тіянлы, мый тайӧ мувывса вир-яйлы оз вичмы Енлӧн Юраланіныс, ӧд тайӧ вир-яйыс сісьмана.

1 Коринфӧ 2:9

Ӧд гижӧма: – Эз аддзывлы син, эз кывлы пель, весиг юрас мортлы эз волы, мый Енмыс дасьтӧма Сійӧс радейтысьяслы.

1 Коринфӧ 6:9

Ті ӧмӧй онӧ тӧдӧй, мый лёксӧ вӧчысьяслы оз вичмы Енлӧн Юраланіныс. Энӧ ылӧдлӧй асьнытӧ! Кырсалысьлы, идоллы юрбитысьлы, гозъякост олӧм пежалысьлы, пеж оласногалы, ӧта-мӧдныскӧд узьлысь айуловлы,

Галатӧ 5:21

вежалӧм, виӧм, кодалӧм-гажӧдчӧм да мукӧд шогмытӧмтор на. Водзынсӧ висьтавлі нин, ӧні нӧшта висьтала: татшӧмторсӧ вӧчысьлы Енлӧн Юраланіныс оз вичмы.

Ефесӧ 5:5

Тӧдӧй, мый Кристослӧн да Енлӧн Юраланіныс оз вичмы ни ӧти кырсалысьлы, пеж оласногалы да горшасьысьлы, коді копрасьӧ озырлунлы Енмыслы пыдди.

1 Фессалоникаӧ 2:12

Ми туйдӧдім-ышӧдім тіянӧс да корим овны Ен ногӧн, коді корис тіянӧс Аслас Юраланінӧ да дзирдлунӧ.

2 Тимофейлы 2:12

Мунам кӧ сьӧкыдыс пыр, Сыкӧд пондам ыджыдавны. Соссям кӧ Сыысь, Сійӧ соссяс миянысь.

2 Тимофейлы 4:8

Ӧні менӧ виччысьӧ веськыдлуныслӧн юркытш. Веськыда мыждысь Господь Аслас лунӧ сетас сійӧс меным да быдӧнлы, коді став сьӧлӧмнас виччысьӧ Сылысь локтӧмсӧ.

Еврейяслы 1:14

Анделъяс – кесъялысь ловъяс. Енмыс мӧдӧдӧ анделъясӧс кесъявны налы, кодъяслы вичмӧ мездмӧмыс.

Еврейяслы 11:16

Но найӧ кӧсйисны овмӧдчыны бурджык муӧ – енэжӧ. Та вӧсна Енмыс оз яндысь шуны Асьсӧ налӧн Енмӧн, ӧд Сійӧ дасьтіс налы кар.

Еврейяслы 4:3

Ми эскам, сідзкӧ, пырам Енлӧн шойччанінӧ. Муюгыдсӧ вӧчигӧн Сійӧ вӧлі дасьтӧма нин шойччанінсӧ. Та вылӧ видзӧдтӧг Египетысь петысьяс йылысь шуӧма: – Ме скӧрми на вылӧ да кыв сеті, мый найӧ оз пырны Менам шойччанінӧ.

Еврейяслы 9:26

Кристос кӧ тадзи вӧчис, му пуксьӧмсяньыс Сылы эськӧ унаысь нин ковмыліс кувны. Но бӧръя кадӧ Сійӧ сӧмын ӧтчыдысь вайис Асьсӧ вись пыдди, медым бырӧдны мыж.

Яков 2:5

Кывзӧй, муса вокъяс! Енмыс бӧрйис тайӧ муюгыдсьыс гӧльясӧс, медым озырмӧдны найӧс эскӧмӧн да вичмӧдны налы Юраланінсӧ, мый Енмыс кӧсйысис сетны Сійӧс радейтысьяслы.

1 Петыр 1:9

Ӧд эскӧмныдлӧн медшӧр могыс – воӧдчыны мездмӧмас.

1 Петыр 3:9

Лёк вӧчӧмысь энӧ мынтысьӧй лёкӧн, омӧльтӧмысь – омӧльтӧмӧн. Мӧдарӧ, бурсиӧй, ӧд ті тӧданныд, мый та вылӧ корӧма тіянӧс. Сэки тіянлы вичмас бурсиӧмыс.

Восьтӧм 13:8

Сылы копыртчыласны мувывса став йӧзыс, кодъяслысь нимсӧ му пуксьӧмсяньыс абу гижӧма начкӧм Балялӧн небӧгӧ – Олӧмыслӧн небӧгӧ.

Восьтӧм 17:8

Зверыс, кодӧс тэ аддзылін, коркӧ вӧлі, но ӧні сійӧ абу. Сійӧ петас пыдӧстӧминысь, но сійӧс лоӧ бырӧдӧма. Сэки мувывса олысьяс, кодъяслысь нимсӧ му пуксьӧмсяньыс абу гижӧма Олӧмыслӧн небӧгӧ, зверсӧ аддзигӧн кутасны шензьыны, ӧд сійӧ вӧлі, но ӧні абу, и бара лоас.

Восьтӧм 19:16

Сылӧн паськӧмас да лядьвеяс гижӧма, мый Сійӧ – ӧксыяслӧн Ӧксыыс да ыджыдъяслӧн Ыджыдыс.

Восьтӧм 21:7

Вермысьлы Ме сета тайӧс ставсӧ. Ме лоа сылӧн Енмӧн, а сійӧ – Менам пиӧн.

Восьтӧм 5:10

Тэ пуктін миянӧс ӧксыясӧ да попъясӧ миян Енлы. Ми кутам ыджыдавны му вылас.