38 Со, тіян крамныд тыртӧммас.
сэки Ме бырӧда Израиль войтырӧс сійӧ му вывсьыс, мый Ме сеті налы. А тайӧ крамсӧ, мый Ме вежӧді-торйӧді Аслым, Ме ӧтдорта Аслам чужӧмбан водзысь, и Израиль войтыр лоӧ серамтуйын войтыръяс пӧвстын.
Ме кывлі, кыдзи Господь Саваоф шуис: – Керкаыс уна, но найӧ лоӧны кушӧсь, мича да ыджыд керкаясыс колясны олысьястӧг.
А ті кӧ онӧ кывзӧй тайӧ кывъяссӧ, Ме Ачым кыв сетӧмӧн шуа, мый тайӧ керкасӧ лоӧ кисьтӧма, – висьталӧ Господь».
Квайтымын кыкысь сизим во мысти Мавтыштӧмаӧс лоӧ виӧма, и Сыкӧд некод оз коль. А карсӧ да вежаинсӧ бырӧдас локтана юралысьлӧн войтырыс. Тайӧ юралысьлӧн помыс лоӧ ва ойдӧм кодь, и тыш помӧдзыс лоӧ пазӧдӧм-бырӧдӧм.
– Ме бырӧді войтыръясӧс, налысь изкаръяссӧ жугӧдӧма-пазӧдӧма. Ме кушті налысь туй вывъяссӧ, ветлысь-мунысьыс сэні эз коль. Налысь каръяссӧ кисьтӧма-пазӧдӧма, эз ло сэні олысьыс, эз коль весиг ӧти морт.
И Ме ог нин бурсьӧлӧмтчы тайӧ муас олысьяс дінӧ, – висьталӧ Господь. – Ме сета найӧс ӧта-мӧдныслӧн киӧ да ӧксыныслӧн кабыр улӧ. Найӧ пасьясны-куштасны ассьыныс мусӧ, и Ме некодӧс ог мезды налӧн киысь».
Исус шуис налы: «Аддзанныд-ӧ ставсӧ тайӧс? Веськыда висьтала тіянлы: татчӧ из вылӧ из оз коль, ставсӧ жугӧдасны».
«Кор ті аддзанныд пеж зывӧксӧ сэтысь, кӧні сылы оз позь лоны, сэки Иудея муын олысьяс мед пышъясны керӧсъясӧ. Тайӧ пеж зывӧкыс йылысь Даниил пророк на висьтавліс – лыддьысьысь мед гӧгӧрвоӧ!
Со, тіян крамныд тыртӧммас. Шуа тіянлы: онӧ аддзӧй Менӧ тайӧ кывъяссӧ шутӧдз: ”Бурсиӧма Господь нимӧн Локтысьӧс!”»
«Кор ті аддзанныд, мый Ерусалимсӧ кытшалӧма, тӧдӧй: матыстчис сійӧс бырӧдӧмыс.
Ӧтияс куласны шыпурт помысь, мӧдъясӧс мырдӧн нуӧдасны йӧз муӧ. Ерусалим карсӧ индӧм кадӧдз пондасны талявны ентӧдтӧмъяс».
«Воас лун, татчӧ из вылӧ из оз коль, ставсӧ жугӧдасны».
