Матвей 22:24 - Коми Библия 2023

²⁴ «Велӧдысь, Мӧисей шулӧма, мый ныв-питӧм морт кӧ кулас, вокыслы колӧ босьтны кулӧм вокыслысь дӧвасӧ гӧтырӧ да нюжӧдны вокыслысь рӧдсӧ.

Матвей 22:24 ပူးပေါင်းရင်းမြစ်များ

Олӧм 38:11

Иуда шуис Фамар моньыслы: «Мун овны дӧваӧн бать керкаад да виччысь Шелай пиӧйлысь быдмӧмсӧ». Шуис тадзи, ӧд поліс, мый Шелай вокъясыс моз кулас. Фамар бӧр муніс овны бать ордас.

Олӧм 38:8

Иуда шуис Онанлы: «Босьт вокыдлысь дӧвасӧ гӧтырӧ. Узь сыкӧд, мед тэсянь чужас вокыдлы пи».

Матвей 22:16

Найӧ мӧдӧдісны Сы дінӧ Ирӧдлысь йӧзсӧ да ассьыныс велӧдчысьяссӧ. Локтӧмаяс шуисны: «Велӧдысь, ми тӧдам, мый Тэ веськыда сёрнитан да веськыда велӧдан Енлӧн туйӧ. Тэ он пов йӧзлӧн шуасьӧмысь, он видзӧд морт вылӧ.

Матвей 22:25

Тані миян вӧлі сизим вок. Ыджыдыс гӧтрасис, сэсся куліс, ныв-пиыс сылӧн эз вӧв. Гӧтырсӧ вокыс босьтіс.

Матвей 22:36

«Велӧдысь, Индӧдас кутшӧм тшӧктӧм медыджыд?»

Матвей 7:21

Оз быдӧн, коді шуӧ Меным: ”Господьӧй, Господьӧй”, пыр Енэжвыв Юраланінӧ. Пырас сӧмын Менам енэжвыв Батьлӧн кӧсйӧм серти олысь.

Марк 12:19

«Велӧдысь, Мӧисей гижӧма, мый ныв-питӧм морт кӧ кулас, вокыслы колӧ босьтны кулӧм вокыслысь дӧвасӧ гӧтырӧ да нюжӧдны вокыслысь рӧдсӧ.

Лука 20:28

«Велӧдысь, Мӧисей гижӧма, мый ныв-питӧм морт кӧ кулас, вокыслы колӧ босьтны кулӧм вокыслысь дӧвасӧ гӧтырӧ да нюжӧдны вокыслысь рӧдсӧ.

Лука 20:33

Ловзьӧм бӧрас кодлы сійӧ гӧтырӧн лоас, ӧд сизим верӧс сылӧн вӧлі?»

Лука 6:46

«Мыйла ті шуанныд Меным: ”Господьӧй, Господьӧй”, но онӧ вӧчӧй Менам висьталӧм серти?

Руфа 1:11

«Мунӧй гортаныд, нывъясӧй, – ӧлӧдіс Ноеминь. – Мыйла тіянлы мекӧд муннысӧ? Ме ӧд ог нин вермы чужтыны пиянӧс, медым найӧ сэсся босьтасны тіянӧс гӧтырӧ.

Руфа 3:13

Войсӧ узь тані, а аски тыдовтчас, кӧсйысяс оз сійӧ кывкутны тэ вӧсна. Кӧсйысяс кӧ, бур. Оз кӧ, – ловъя Господь водзын кыв сета – ме босьта тэ вӧсна кывкутӧм. Узь тані асылӧдзыс».

Руфа 4:5

Вооз шуис сылы: «Тэ кӧ ньӧбан Ноеминьлысь видз-мусӧ, сэки моавса Руфаӧс, кодлӧн верӧсыс кулӧма, тэныд ковмас гӧтырӧ босьтны. Но сійӧ кӧ чужтас пиӧс, оз тэнад, а кувсьӧм верӧсыслӧн нимыс овмӧс вылас кольӧ».