Матвей 18:31 - Коми Библия 2023

³¹ Тайӧс аддзылӧмысь мукӧд кесйӧгыс шогӧ усисны. Найӧ мунісны ӧксы дінӧ да висьталісны сылы ставсӧ.

Матвей 18:31 ပူးပေါင်းရင်းမြစ်များ

Олӧм 37:2

Яков да сысянь чужысьяс йылысь. Кор Ӧсиплы вӧлі дас сизим арӧс, сійӧ видзис [батьыслысь] ыжъяссӧ ӧтлаын вокъясыскӧд, Валлалӧн да Зелфалӧн пиянкӧд. Валла да Зелфа вӧліны батьыслӧн гӧтыръяс. Вокъясыслӧн лёк вӧчӧм йылысь Ӧсип висьтавліс батьныслы.

Еремей 9:1

Вӧлі кӧ менам пытшкӧсӧй тырӧма синваӧн, и синваӧй кӧ шорӧн визувтіс, ме эськӧ лун и вой бӧрді аслам войтыр пӧвстысь кулӧмаяс вӧсна.

Матвей 14:9

Ӧксы шогӧ усис, но гажӧдчысьяс водзын сетӧм кывйыс вӧсна тшӧктіс вӧчны нывлӧн корӧм серти.

Матвей 18:28

Ывлаӧ петӧм бӧрын кесйӧг аддзис уджъёртсӧ. Ёртыс вӧлі уджйӧза сылы сё динар. ”Мынты уджйӧзтӧ”, – ёртсӧ джагӧдӧмӧн шуаліс кесйӧг.

Матвей 18:30

Мӧдыс эз кӧсйы виччысьнысӧ да йӧртіс ёртсӧ дзескыдінӧ уджйӧзсӧ мынтытӧдзыс.

Матвей 18:32

Ӧксы корис ас дінас сійӧ кесйӧгсӧ да шуис: ”Лёк морт тэ вӧлӧмыд! Тэнад корӧм серти ме вунӧді тэнсьыд став уджйӧзтӧ.

Марк 3:5

Исус шогсис налӧн чорзьӧм сьӧлӧмныс вӧсна да чорыда видзӧдліс на вылӧ. Сэсся шуис висьысьлы: «Нюжӧд китӧ». Сійӧ нюжӧдіс, и киыс пырысь-пыр бурдіс, лои мӧдыс кодь.

Лука 14:21

Кесйӧг бӧр локтас да висьталас та йылысь ыджыдыслы. Сійӧ ёна скӧрмас да шуас кесйӧгыслы: ”Ӧдйӧджык мун карса туйвежъясӧ да йӧзаинъясӧ, вайӧд татчӧ гӧльясӧс, доймалӧмаясӧс, коктӧмъясӧс да синтӧмъясӧс”.

Лука 19:41

Ерусалимлань матыстчигӧн Исус видзӧдліс кар вылас да бӧрдӧмӧн

Римӧ 12:15

Нимкодясьысьяскӧд нимкодясьӧй, бӧрдысьяскӧд бӧрдӧй.

2 Коринфӧ 11:21

Меным зэв яндзим, эгӧ лысьтӧй тадзи вӧчнысӧ да. Кодкӧ лысьтӧ кӧ ошйысьны мыйӧнкӧ, шуа мывкыдтӧм морт моз: ме тшӧтш ошйыся.

Еврейяслы 13:17

Кывзысьӧй вичкоса веськӧдлысьяслысь, кывзӧй найӧс, ӧд найӧ дугдывтӧг тӧждысьӧны тіян вӧсна. Налы ковмас вочавидзны Ен водзын тіян вӧсна. Кывзысьӧй налысь, медым тайӧ уджсӧ найӧ вӧчисны долыдпырысь, а эз ышлолалӧмӧн. Ӧд таысь тіянлы бурыс оз ло.

Еврейяслы 13:3

Тӧждысьӧй дзескыдінын пукалысьяс вӧсна, быттьӧ ті на моз пукаланныд дзескыдінын. Энӧ вунӧдӧй найӧс, кодъясӧс нӧйтӧны, ті ӧд асьныд тӧданныд, мый сэтшӧм дойыс.