Матвей 15:28 - Коми Библия 2023

²⁸ Исус шуис: «Ыджыд тэнад эскӧмыд, аньӧй. Мед лоӧ тэнад кӧсйӧм сертиыд». Аньлӧн нылыс дзик пыр бурдіс.

Матвей 15:28 ပူးပေါင်းရင်းမြစ်များ

Иов 13:15

Мед Енмыс виӧ менӧ, но ме лача кута, кӧсъя Сы водзын дорйысьны на.

Иов 23:10

Но Сійӧ тӧдӧ менсьым туйӧс, зарниӧс моз Сійӧ тӧдмалӧ менӧ биӧн.

Бӧрданкыв 3:32

Мӧдӧдӧ кӧ шогсӧ, Сійӧ и бурсьӧлӧмтчӧ, ӧд Сылӧн бурлуныс ыджыд.

Матвей 14:31

Исус дзик пыр нюжӧдіс кисӧ Петырлы, кутіс сійӧс да шуис: «Этша эскысьӧй, мыйла падъялан?»

Матвей 15:27

Ань воча шуис: «Сідз, Господьӧй. Но понъяс тшӧтш сёйӧны кӧзяиныслӧн пызан вылысь гылалӧм торпыригсӧ».

Матвей 8:10

Тайӧ кывъясыс шензьӧдісны Исусӧс. Сійӧ шуис Ас бӧрся мунысьяслы: «Веськыда висьтала тіянлы: татшӧм ыджыд эскӧмсӧ Ме весиг Израильысь эг аддзыв.

Матвей 8:13

Сэсся сё тышкамортӧн веськӧдлысьлы Исус шуис: «Мун гортад. Мед лоас эскӧмыд серти». Веськӧдлысьлӧн кесйӧгыс дзик пыр бурдіс.

Матвей 9:22

Исус бергӧдчис, аддзис аньӧс да шуис: «Эн пов, нылӧй. Эскӧмыд мездіс тэнӧ». Аньыс дзик пыр бурдіс.

Марк 5:34

Исус шуис аньлы: «Нылӧй, эскӧмыд мездіс тэнӧ. Мун повтӧг да ло дзоньвидза, тэ мынін висьӧмсьыд».

Лука 17:5

Апостолъяс шуисны Господьлы: «Содты миянлы эскӧмсӧ».

Лука 7:50

Исус шуис аньлы: «Эскӧмыд мездіс тэнӧ. Мун повтӧг».

Лука 7:9

Тайӧ кывъясыс шензьӧдісны Исусӧс. Сійӧ бергӧдчис да шуис Ас бӧрся мунысьяслы: «Висьтала тіянлы: татшӧм ыджыд эскӧмсӧ Ме весиг Израильысь эг аддзыв».

2 Фессалоникаӧ 1:3

Вокъяс, миянлы быд кадӧ колӧ аттьӧавны Енсӧ тіянысь, ӧд тіян эскӧмныд лунысь-лун ёнмӧ да тіян костын ӧта-мӧд дінад муслунныд ёнджыка на содӧ.

Ӧксыяслӧн 1 небӧг 2:30

Ме кӧсйыси, – висьталӧ Господь, Израильлӧн Ен, – мый тэнад рӧдыд да батьыдлӧн рӧдыс пондасны пыр кесъявны Меным. Но ӧні оз ло тадзи, – висьталӧ Господь. – Ме пыдди пукта Менӧ пыдди пуктысьясӧс да янӧда Менӧ лёкӧдысьясӧс.