Матвей 11:28 - Коми Библия 2023

²⁸ Локтӧй Ме дінӧ мудзӧмаяс да сьӧкыда мырсьысьяс, Ме тіянӧс шойччӧда.

Матвей 11:28 ပူးပေါင်းရင်းမြစ်များ

Иов 14:1

Аньсянь чужысь дженьыд нэма, мортлӧн олӧмыс тырӧма шогӧн.

Иов 5:7

Кыдзи бикиньлы шуӧма кайны вывлань, тадзи мортлы шуӧма чужны, мед шогсьыны.

Псалтыр 32:4

Ӧд Господьлӧн кывйыс збыль, Сылӧн уджъясыс веськыдӧсь.

Псалтыр 38:4

Менам сьӧлӧмӧй пондіс сотчыны, мӧвпъясӧй кутісны ыпъявны, сэки ме понді сёрнитны.

Еклесиаст 1:14

Ме видзӧдалі став уджсӧ, мый вӧчсьӧ шонді улас. Вӧлӧмакӧ, ставыс весьшӧрӧ, тӧв бӧрся вӧтлысьӧм кодь.

Еклесиаст 1:8

Сёрниыд мудзтӧдӧ мортӧс, сійӧ оз вермы ставсӧ шымыртны-висьтавны. Видзӧдӧмысь синмыд оз пӧтлы, кывзӧмысь пельыд оз тырлы.

Еклесиаст 4:8

ӧтка мортлӧн некод абу, пиыс ни вокыс абу. Сійӧ мырсьӧ-уджалӧ, но озырлуныс сылысь сьӧлӧмсӧ оз гажӧд. «Кодлы ме уджала? – мӧвпалӧ сійӧ. – Мыйла ме ачымӧс гажӧдчӧмысь кута?» И тайӧ, вӧлӧмакӧ, весьшӧрӧ да абу буртор.

Исай 1:4

Курыд шог мыжа войтырлы! Налӧн мыжъясыс личкӧны найӧс. Курыд шог лёк вӧчысьяслӧн котырлы, тшыкӧм оласнога йӧзлы! Найӧ эновтісны Господьӧс, нинӧмӧ пуктісны Израильлысь вежа Енмӧс, дзикӧдз бергӧдчисны Сыысь.

Исай 11:10

Сійӧ лунӧ Ессейлӧн вужйыс лоӧ дӧрапасӧн войтыръяслы, найӧ шыасясны Ессейлӧн вужйыс дінӧ, и сылысь шойччанінсӧ вевттяс дзирдлун.

Исай 28:12

Водзын Сійӧ шуліс налы: «Тані ті аддзанныд шойччанін, сетӧй мудзӧмалы шойччыны. Тані ті аддзанныд лӧньӧм». Но найӧ эз кӧсйыны кывзыны.

Исай 61:3

Сионын шогсьысьяслы пӧим пыдди сетны мича юрвевттьӧд, бӧрдӧм пыдди – нимкодясьӧм, шогсьӧм пыдди – ошкӧм. Сэки найӧс шуасны зумыда сулалысь веськыда олысьясӧн, пуясӧн, кодъясӧс Господь вужйӧдіс, медым найӧ ошкисны Сійӧс.

Исай 66:2

Ставсӧ тайӧс вӧчӧма Менам киӧн, ставыс тадзи лои, – висьталӧ Господь. – Но Ме видзӧдла коньӧр да рам морт вылӧ, коді вежавидзӧ Менам кывйысь.

Еремей 31:25

Мудзӧмаясӧс Ме юктӧда, вынтӧмъясӧс Ме пӧткӧда».

Еремей 35:16

Ионадавлӧн челядьыс олӧны асланыс батьныслӧн тшӧктӧм серти, а тайӧ войтырыс оз кывзысь Менсьым.

Еремей 6:16

Господь тадзи висьталӧ: – Сувтыштлӧй асланыд туй вылӧ, видзӧдлӧй да юасьӧй важся ордым йылысь, юасьӧй, кӧні веськыд туйыс, сэті и мунӧй, сэки асланыд ловлы ті аддзанныд шойччӧг. Но ті шуинныд, огӧ пӧ мунӧй.

Матвей 11:29

Пуктӧй Менсьым сийӧсӧс ас выланыд да велӧдчӧй Месянь, ӧд Ме рам да небыд сьӧлӧма. Сэки тіян ловлы сюрас шойччӧг.

Матвей 23:4

Найӧ кӧртавлӧны сьӧкыд, нуны вермытӧм нӧбъяс да пуктӧны йӧзлы пельпом вылас. Но асьныс весиг чунь помнас вӧрзьӧдны оз кӧсйыны.

Иоан 6:37

Быдӧн, кодӧс сетӧ Меным Бать, локтас Ме дінӧ. Ме дінӧ локтысьӧс ог вӧтлы.

Иоан 7:37

Бӧръя медыджыд гажӧдчан лунӧ Исус сувтіс да гораа шуис: «Кодлӧн горшыс косьмӧ, мед локтӧ Ме дінӧ да юӧ!

Ап. уджъяс 15:10

Мыйла нӧ ті ӧні дӧзмӧданныд Енсӧ, кӧсъянныд сийӧсавны велӧдчысьясӧс? Тайӧ сийӧссӧ миян батьяс дай ми эгӧ вермӧй новлӧдлынысӧ.

Ап. уджъяс 20:35

Ме быдторйын петкӧдлі тіянлы, мый татшӧм ногӧн – уджалӧмӧн да Господь Исуслысь кывъяссӧ тӧд вылын кутӧмӧн – колӧ тӧждысьны вынтӧмъяс вӧсна. Сійӧ Ачыс шуліс: ”Босьтӧм дорысь бурджык сетны”».

Галатӧ 5:1

Кристос мездіс миянӧс. Сідзкӧ, зумыда сулалӧй сетӧм мездлунас да бара энӧ пырӧй сийӧс улӧ.

2 Фессалоникаӧ 1:7

А тіянлы да миянлы, сьӧкыдсӧ нуысьяслы, Енмыс сетас шойччӧг, кор Господь Исус Аслас вына анделъяскӧд лэччас енэжсянь

Еврейяслы 4:1

Енлӧн кӧсйысьӧмыс, мый ми вермам пырны Сылӧн шойччанінӧ, ӧнӧдз на вына. Сідзкӧ, кутам тӧждысьны, мед тіян пиысь некод эз сёрмы пырны Енлӧн шойччанінӧ.

Восьтӧм 22:17

Лов да гӧтырпу шуӧны: «Лок!» Тайӧс кылысь мед тшӧтш шуӧ: «Лок!» Кодлӧн косьмӧ горшыс, мед локтӧ! Коді кӧсйӧ юны, мед босьтӧ ловъя васӧ дон мынтытӧг.