Лыд 35:29 - Коми Библия 2023

²⁹ Чужысьяссянь чужысьясӧдз быдлаын олӧй тайӧ индӧд-тшӧктӧмъясыс серти.

Лыд 35:29 ပူးပေါင်းရင်းမြစ်များ

Петӧм 27:21

Ааронлы да сылӧн пияныслы рытсяньыс асылӧдзыс колӧ видзӧдны би дозъяс бӧрся. Биыс мед ӧзъялас Господь водзын вежа чомйын, ӧшӧдӧм дӧра водзын, мый сайын сулалӧ Йитӧд куд. Тайӧ тшӧктӧмыс лоӧ Израиль пиянлы нэмъяс кежлӧ чужысьяссянь чужысьясӧдз».

Лыд 18:23

Сӧмын левитъяс мед кесъяласны вежа чом бердын да нуасны мыжнысӧ, торкасны кӧ вежаин йылысь тшӧктӧмъяссӧ. Тайӧ тшӧктӧмыс тіянлы нэмъяс кежлӧ чужысьяссянь чужысьясӧдз. Израиль пиян пӧвстын левитъяслы муыс оз ло.

Лыд 27:1

Манассей чужанкотырысь Салпаадлӧн вӧліны Махла, Ноа, Хогла, Милка да Тирза нывъяс. Салпаад вӧлі Хеферлӧн пи, Хефер – Галаадлӧн, Галаад – Макирлӧн, Макир – Манассейлӧн, Манассей – Ӧсиплӧн. Нывъяс локтісны

Лыд 27:11

А батьыслӧн кӧ вокъясыс абуӧсь, муыс мед вуджас чужанкотырысь медматысса рӧдвужыслы. Тайӧ шуӧмыс лоӧ Израиль пиянлы индӧдӧн, ӧд тадзи Господь тшӧктіс Мӧисейлы».

Лыд 35:28

Аркирей кувтӧдз морт виысьлы колӧ овны карас, кытчӧ сійӧ коркӧ пышйыліс. Сӧмын аркирейлӧн кулӧм бӧрын морт виысьлы позьӧ бӧр локны аслас муӧ.